កីឡាជាតិ
ជាតិ
លីកកំពូលកម្ពុជា៖ ស្វាយរៀងបន្តឈរកំពូលតារាង ខណៈណាហ្គាវើលដណ្តើមទីតាំងទ័ព
ណាហ្គាវើលឈ្នះក្រសួងការពារជាតិ ៣-០ ។ រូបថត ហ្វេសប៊ុក NagaWorld FC
×![]()
ក្រុមព្រះខ័នរាជស្វាយរៀងបានបន្តឈរកំពូលតារាងប្រចាំសប្តាហ៍ទី១៥នៃពានរង្វាន់ក្របខណ្ឌលីកកំពូលកម្ពុជាក្រោយលត់ក្រុមអគ្គិសនីកម្ពុជាក្នុងលទ្ធផល ៦-០ នៅលើទឹកដីរបស់ខ្លួនកាលពីល្ងាចថ្ងៃទី១០ ខែកញ្ញា។ ក្រុមណាហ្គាវើលបានទម្លាក់ក្រសួងការពារជាតិ(ទ័ព)ពីលេខរៀងទី២ តាមរយៈការឈកឈ្នះ ៣-០ នៅលើទឹកដីទ័ព។
ក្រុមជើងខ្លាំងព្រះខ័នរាជស្វាយរៀងនៅតែបង្ហាញភាពខ្លាំងក្នុងពានរង្វាន់ក្របខណ្ឌមិត្តហ្វូនខេមបូឌានលីកឆ្នាំ២០១៧ ដោយបន្តឈរកំពូលតារាងក្នុងសប្តាហ៍ទី១៥មាន៣៤ពិន្ទុ។ ការបន្តឈរកំពូលតារាងនេះ បន្ទាប់ពីក្រុមនេះបានលត់ក្រុមអគ្គិសនីកម្ពុជា ៦-០ នៅកីឡដ្ឋានខេត្តស្វាយរៀងកាលពីល្ងាចថ្ងៃទី១០ ខែកញ្ញា។ ក្នុងចំណោម១៥ប្រកួតតាំងពីបើករដូវកាលមកដល់បច្ចុប្បន្ន ក្រុមដែលដឹកនាំដោយលោក សំ វ៉ាន់ដេត មួយនេះទទួលបានជ័យជម្នះ១០ ស្មើ៤ និងចាញ់១ដង។
សម្រាប់ការប្រកួតនៅកីឡដ្ឋានវេស្ទើនភ្នំពេញ បឹងកេតបានលត់វេស្ទើនភ្នំពេញក្នុងលទ្ធផល ៤-០ ដើម្បីបាន៣ពិន្ទុបន្ថែមលើ២៤ពិន្ទុរបស់ខ្លួនក្នុងសប្តាហ៍ទី១៤ សម្រាប់ពង្រឹងទីតាំងលេខ៥ក្នុងសប្តាហ៍ទី១៥ជាមួយពិន្ទុសរុប២៧ពិន្ទុ។ ក្នុងចំណោម១៥ប្រកួតកន្លងមក បឹងកេតទទួលបានជ័យជម្នះ៨ ស្មើ៣ និងចាញ់៤។ ចំណែកក្រុមអគ្គស្នងការនគរបាលជាតិបានប្រើកីឡដ្ឋានស្តាតចាស់យកឈ្នះក្រុមមជ្ឈមណ្ឌលកំចាត់មីនកម្ពុជាក្នុងលទ្ធផល ៤-១ ដើម្បីពង្រឹងទីតាំងលេខ៧ជាមួយ២០ពិន្ទុ។
ដោយឡែក កាលពីថ្ងៃទី៩ ខែកញ្ញា ក្រុមណាហ្គាវើលបានលត់ក្រុមទ័ពក្នុងលទ្ធផល ៣-០ នាការប្រកួតនៅកីឡដ្ឋានស្តាតចាស់ ដើម្បីឡើងឈរលេខរៀងទី២បណ្តោះអាសន្នក្នុងសប្តាហ៍ទី១៥ជាមួយ២៩ពិន្ទុ។ ជ័យជម្នះលើកដំបូងរបស់ណាហ្គាវើលនេះ បានធ្វើឲ្យក្រុមទ័ប ដែលឈរលេខរៀងទី២ក្នុងសប្តាហ៍ទី១៤ធ្លាក់មកឈរលេខរៀងទី៤ក្នុងសប្តាហ៍ទី១៥ដោយរក្សា២៧ពិន្ទុ។
ជាមួយគ្នានេះ ក្រុមជើងខ្លាំងភ្នំពេញក្រោនបានរក្សាលទ្ធផលស្មើ ១-១ ជាមួយម្ចាស់ផ្ទះគីរីវង់សុខសែនជ័យ។ តែយ៉ាងណាលទ្ធផលនេះបានជួយឲ្យភ្នំពេញក្រោនបន្តឈរលេខរៀងទី៣ដោយមាន២៨ពិន្ទុជាមួយជ័យជម្នះ៨ ស្មើ៤ និងចាញ់៣។ ចំណែកក្រុមខេមបូឌានថាយហ្គឺរបានលត់ក្រុមអាស៊ីអឺរ៉ុបក្នុងលទ្ធផល ៤-០ ដើម្បីបន្តឈរលេខរៀងទី៦ដោយមាន២៥ពិន្ទុ៕
ក្រុមជើងខ្លាំងព្រះខ័នរាជស្វាយរៀងនៅតែបង្ហាញភាពខ្លាំងក្នុងពានរង្វាន់ក្របខណ្ឌមិត្តហ្វូនខេមបូឌានលីកឆ្នាំ២០១៧ ដោយបន្តឈរកំពូលតារាងក្នុងសប្តាហ៍ទី១៥មាន៣៤ពិន្ទុ។ ការបន្តឈរកំពូលតារាងនេះ បន្ទាប់ពីក្រុមនេះបានលត់ក្រុមអគ្គិសនីកម្ពុជា ៦-០ នៅកីឡដ្ឋានខេត្តស្វាយរៀងកាលពីល្ងាចថ្ងៃទី១០ ខែកញ្ញា។ ក្នុងចំណោម១៥ប្រកួតតាំងពីបើករដូវកាលមកដល់បច្ចុប្បន្ន ក្រុមដែលដឹកនាំដោយលោក សំ វ៉ាន់ដេត មួយនេះទទួលបានជ័យជម្នះ១០ ស្មើ៤ និងចាញ់១ដង។
សម្រាប់ការប្រកួតនៅកីឡដ្ឋានវេស្ទើនភ្នំពេញ បឹងកេតបានលត់វេស្ទើនភ្នំពេញក្នុងលទ្ធផល ៤-០ ដើម្បីបាន៣ពិន្ទុបន្ថែមលើ២៤ពិន្ទុរបស់ខ្លួនក្នុងសប្តាហ៍ទី១៤ សម្រាប់ពង្រឹងទីតាំងលេខ៥ក្នុងសប្តាហ៍ទី១៥ជាមួយពិន្ទុសរុប២៧ពិន្ទុ។ ក្នុងចំណោម១៥ប្រកួតកន្លងមក បឹងកេតទទួលបានជ័យជម្នះ៨ ស្មើ៣ និងចាញ់៤។ ចំណែកក្រុមអគ្គស្នងការនគរបាលជាតិបានប្រើកីឡដ្ឋានស្តាតចាស់យកឈ្នះក្រុមមជ្ឈមណ្ឌលកំចាត់មីនកម្ពុជាក្នុងលទ្ធផល ៤-១ ដើម្បីពង្រឹងទីតាំងលេខ៧ជាមួយ២០ពិន្ទុ។
ដោយឡែក កាលពីថ្ងៃទី៩ ខែកញ្ញា ក្រុមណាហ្គាវើលបានលត់ក្រុមទ័ពក្នុងលទ្ធផល ៣-០ នាការប្រកួតនៅកីឡដ្ឋានស្តាតចាស់ ដើម្បីឡើងឈរលេខរៀងទី២បណ្តោះអាសន្នក្នុងសប្តាហ៍ទី១៥ជាមួយ២៩ពិន្ទុ។ ជ័យជម្នះលើកដំបូងរបស់ណាហ្គាវើលនេះ បានធ្វើឲ្យក្រុមទ័ប ដែលឈរលេខរៀងទី២ក្នុងសប្តាហ៍ទី១៤ធ្លាក់មកឈរលេខរៀងទី៤ក្នុងសប្តាហ៍ទី១៥ដោយរក្សា២៧ពិន្ទុ។
ជាមួយគ្នានេះ ក្រុមជើងខ្លាំងភ្នំពេញក្រោនបានរក្សាលទ្ធផលស្មើ ១-១ ជាមួយម្ចាស់ផ្ទះគីរីវង់សុខសែនជ័យ។ តែយ៉ាងណាលទ្ធផលនេះបានជួយឲ្យភ្នំពេញក្រោនបន្តឈរលេខរៀងទី៣ដោយមាន២៨ពិន្ទុជាមួយជ័យជម្នះ៨ ស្មើ៤ និងចាញ់៣។ ចំណែកក្រុមខេមបូឌានថាយហ្គឺរបានលត់ក្រុមអាស៊ីអឺរ៉ុបក្នុងលទ្ធផល ៤-០ ដើម្បីបន្តឈរលេខរៀងទី៦ដោយមាន២៥ពិន្ទុ៕
Tag:
បាល់ទាត់
Cambodian League 2017
© រក្សាសិទ្ធិដោយ thmeythmey.com
