រថយន្ត
ចិនគ្រោងចេញច្បាប់ហាមឃាត់ការផលិតនិងលក់រថយន្តប្រើប្រេង និងម៉ាស៊ូត
×![]()
ចិនមានគម្រោងបង្កើតច្បាប់ហាមឃាត់ការលក់និងផលិតរថយន្តប្រើសាំងនិងម៉ាស៊ូត (ឬហៅថា ឥន្ទនៈផូស៊ីល) ទោះជាដឹងថាច្បាប់នេះនឹងធ្វើឲ្យមានការប្រែប្រួលខ្លាំងក្នុងវិស័យឧស្សាហកម្មរថយន្តរបស់ខ្លួន។ ប៉ុន្តែ ចិនមិនទាន់សម្រេចដាក់ច្បាប់ហាមឃាត់នេះចូលជាធរមាននៅឡើយទេ។
អនុរដ្ឋមន្ត្រីក្រសួងឧស្សាហកម្មចិន លោក Xin Guobin បាននិយាយថា ចិនមានគម្រោងហាមឃាត់ការលក់ និងផលិតរថយន្តប្រើសាំងនិងម៉ាស៊ូត ហើយបែរមកផលិតរថយន្តប្រើអាគុយវិញ។ លោកបានបន្តទៀតថា ច្បាប់នេះនឹងធ្វើឲ្យមានការប្រែប្រួលយ៉ាងខ្លាំងក្នុងវិស័យឧស្សាហកម្មរថយន្តចិន ហើយបច្ចុប្បន្នគេមិនទាន់សម្រេចឲ្យច្បាប់នេះចូលជាធរមាននៅឡើយទេ។
ទីភ្នាក់ងារព័ត៌មាន BBC បានស្រង់សម្ដីម្ចាស់ក្រុមហ៊ុនផលិតរថយន្ត Volvo លោក Geely កាលពីខែមិថុនាដូច្នេះថា៖«ចាប់ពីឆ្នាំ២០១៩ទៅ រថយន្តទាំងអស់នឹងត្រូវផលិតជារថយន្តប្រើប្រាស់អាគុយទាំងអស់»។លោក Geely ក៏គ្រោងនឹងលក់រថយន្តប្រភេទនេះឲ្យបាន១លានគ្រឿងនៅឆ្នាំ២០២៥ដែរ។
ក្រុមហ៊ុនផលិតរថយន្តផ្សេងៗទៀតដូចជាRenault, Nissan, Ford និង General Motors ដែលរកស៊ីនៅចិនក៏កំពុងផលិតរថយន្តអាគុយដែរ។ ម្យ៉ាងវិញទៀត ក្រុមហ៊ុនផលិតរថយន្តទាំងនេះក៏កំពុងប្រកួតប្រជែងគ្នាក្នុងទីផ្សាររថយន្តចិន មុនពេលច្បាប់ហាមឃាត់ការលក់ និងផលិតរថយន្តប្រើសាំងនិងម៉ាស៊ូតចូលជាធរមាន។
លើសពីនេះទៀត នៅឆ្នាំ២០២៥ ចិនចង់ឲ្យរថយន្តប្រើអាគុយមានយ៉ាងតិចណាស់មួយភាគប្រាំនៃពាណិជ្ជកម្មរថយន្តរបស់ខ្លួនដែរ។ ដើម្បីអនុវត្តតាមគម្រោងនេះ ក្រុមហ៊ុនទាំងអស់ត្រូវលក់រថយន្តប្រើប្រាស់អាគុយអគ្គិសនី និងរថយន្តដែលអាចសាកចរន្តអគ្គិសនីឲ្យបាន៨ភាគរយនៃចំនួនរថយន្តសរុបនៅត្រឹមឆ្នាំក្រោយ និងឲ្យបាន១២ភាគរយនៅឆ្នាំ២០២០។
នៅឆ្នាំ២០១៦ ចិនផលិតបានរថយន្តចំនួន២៨លានគ្រឿង។ ការចេញច្បាប់ហាមឃាត់ផលិតនិងលក់រថយន្តប្រើសាំងនិងម៉ាស៊ូតនឹងធ្វើឲ្យមានភាពច្របូកច្របូលក្នុងវិស័យឧស្សាហកម្ម។ម្យ៉ាងទៀត វានឹងមានផលប៉ះពាល់បន្តបន្ទាប់ដល់តម្រូវការប្រេង ព្រោះចិនជាប្រទេសដែលប្រើប្រាស់ប្រេងច្រើនជាងគេលំដាប់ទី២លើលោក។
ក្រៅពីចិន អង់គ្លេស និងបារាំង ក៏មានគម្រោងផ្អាកការផលិតរថយន្តប្រើប្រាស់ថាមឥន្ធនៈដែរនៅត្រឹមឆ្នាំ២០៤០ និងជំនួសវិញដោយរថយន្តប្រើប្រាស់អគ្គិសនី ឬក៏រថយន្តម៉ាស៊ីនចម្រុះ ដែលផ្ដល់ផលល្អដល់បរិស្ថាន។ ផែនការនេះ គឺជាផ្នែកមួយនៃការប្ដេជ្ញាចិត្តរបស់ប្រទេសលើពិភពលោកក្នុងការជួយសង្គ្រោះបរិស្ថាន និងដើម្បីអនុវត្តតាមកិច្ចព្រមព្រៀងក្រុងប៉ារីសស្ដីពីបម្រែបម្រួលអាកាសធាតុឆ្នាំ២០១៥ ៕
អនុរដ្ឋមន្ត្រីក្រសួងឧស្សាហកម្មចិន លោក Xin Guobin បាននិយាយថា ចិនមានគម្រោងហាមឃាត់ការលក់ និងផលិតរថយន្តប្រើសាំងនិងម៉ាស៊ូត ហើយបែរមកផលិតរថយន្តប្រើអាគុយវិញ។ លោកបានបន្តទៀតថា ច្បាប់នេះនឹងធ្វើឲ្យមានការប្រែប្រួលយ៉ាងខ្លាំងក្នុងវិស័យឧស្សាហកម្មរថយន្តចិន ហើយបច្ចុប្បន្នគេមិនទាន់សម្រេចឲ្យច្បាប់នេះចូលជាធរមាននៅឡើយទេ។
ទីភ្នាក់ងារព័ត៌មាន BBC បានស្រង់សម្ដីម្ចាស់ក្រុមហ៊ុនផលិតរថយន្ត Volvo លោក Geely កាលពីខែមិថុនាដូច្នេះថា៖«ចាប់ពីឆ្នាំ២០១៩ទៅ រថយន្តទាំងអស់នឹងត្រូវផលិតជារថយន្តប្រើប្រាស់អាគុយទាំងអស់»។លោក Geely ក៏គ្រោងនឹងលក់រថយន្តប្រភេទនេះឲ្យបាន១លានគ្រឿងនៅឆ្នាំ២០២៥ដែរ។
ក្រុមហ៊ុនផលិតរថយន្តផ្សេងៗទៀតដូចជាRenault, Nissan, Ford និង General Motors ដែលរកស៊ីនៅចិនក៏កំពុងផលិតរថយន្តអាគុយដែរ។ ម្យ៉ាងវិញទៀត ក្រុមហ៊ុនផលិតរថយន្តទាំងនេះក៏កំពុងប្រកួតប្រជែងគ្នាក្នុងទីផ្សាររថយន្តចិន មុនពេលច្បាប់ហាមឃាត់ការលក់ និងផលិតរថយន្តប្រើសាំងនិងម៉ាស៊ូតចូលជាធរមាន។
លើសពីនេះទៀត នៅឆ្នាំ២០២៥ ចិនចង់ឲ្យរថយន្តប្រើអាគុយមានយ៉ាងតិចណាស់មួយភាគប្រាំនៃពាណិជ្ជកម្មរថយន្តរបស់ខ្លួនដែរ។ ដើម្បីអនុវត្តតាមគម្រោងនេះ ក្រុមហ៊ុនទាំងអស់ត្រូវលក់រថយន្តប្រើប្រាស់អាគុយអគ្គិសនី និងរថយន្តដែលអាចសាកចរន្តអគ្គិសនីឲ្យបាន៨ភាគរយនៃចំនួនរថយន្តសរុបនៅត្រឹមឆ្នាំក្រោយ និងឲ្យបាន១២ភាគរយនៅឆ្នាំ២០២០។
នៅឆ្នាំ២០១៦ ចិនផលិតបានរថយន្តចំនួន២៨លានគ្រឿង។ ការចេញច្បាប់ហាមឃាត់ផលិតនិងលក់រថយន្តប្រើសាំងនិងម៉ាស៊ូតនឹងធ្វើឲ្យមានភាពច្របូកច្របូលក្នុងវិស័យឧស្សាហកម្ម។ម្យ៉ាងទៀត វានឹងមានផលប៉ះពាល់បន្តបន្ទាប់ដល់តម្រូវការប្រេង ព្រោះចិនជាប្រទេសដែលប្រើប្រាស់ប្រេងច្រើនជាងគេលំដាប់ទី២លើលោក។
ក្រៅពីចិន អង់គ្លេស និងបារាំង ក៏មានគម្រោងផ្អាកការផលិតរថយន្តប្រើប្រាស់ថាមឥន្ធនៈដែរនៅត្រឹមឆ្នាំ២០៤០ និងជំនួសវិញដោយរថយន្តប្រើប្រាស់អគ្គិសនី ឬក៏រថយន្តម៉ាស៊ីនចម្រុះ ដែលផ្ដល់ផលល្អដល់បរិស្ថាន។ ផែនការនេះ គឺជាផ្នែកមួយនៃការប្ដេជ្ញាចិត្តរបស់ប្រទេសលើពិភពលោកក្នុងការជួយសង្គ្រោះបរិស្ថាន និងដើម្បីអនុវត្តតាមកិច្ចព្រមព្រៀងក្រុងប៉ារីសស្ដីពីបម្រែបម្រួលអាកាសធាតុឆ្នាំ២០១៥ ៕
Tag:
ចិន
Xin Guobin
© រក្សាសិទ្ធិដោយ thmeythmey.com
