កីឡាជាតិ
ជាតិ
វាយកូនឃ្លីលើតុ៖ កម្ពុជា១០ក្រុម,ចិន៩ក្រុមប្រជែងគ្នាដណ្តើមពានរង្វាន់មិត្តភាពកម្ពុជា-ចិន
×![]()
ក្រុមអត្តពលិកកីឡាវាយកូនឃ្លីលើតុចំនួន១៩ក្រុមបានចូលរួមប្រកួតប្រជែងដណ្តើមពានរង្វាន់មិត្តភាពកម្ពុជា-ចិនលើកទី២ដែលរៀបចំចន្លោះពីថ្ងៃទី៣ ដល់ថ្ងៃទី៣០ ខែកញ្ញា នៅទីលានវាយកូនឃ្លីលើតុក្នុងពហុកីឡដ្ឋានជាតិ។ ការប្រកួតនេះធ្វើឡើងដើម្បីរឹតចំណងមិត្តភាពកម្ពុជា-ចិនឲ្យកាន់តែមានភាពជិតស្និទ្ធ និងរឹងមាំថែមទៀត។ ហើយតាមរយៈព្រឹត្តិការណ៍នេះភាគីចិនក៏គ្រោងផ្តល់ឱកាសឲ្យកីឡាករវាយកូនឃ្លីលើតុកម្ពុជាពី២ទៅ៣រូបបានហ្វឹកហាត់នៅចិនជារៀងរាល់ឆ្នាំផងដែរ។
ដើម្បីរឹតចំណងមិត្តភាពរវាងប្រទេសទាំងពីរកម្ពុជា-ចិនឲ្យកាន់តែរឹងមាំនិងជិតស្និទ្ធថែមទៀតលើវិស័យកីឡា សហព័ន្ធកីឡាវាយកូនឃ្លីលើតុកម្ពុជាបានរៀបចំការប្រកួតកីឡាវាយកូនឃ្លីលើតុមិត្តភាពកម្ពុជា-ចិន ដើម្បីដណ្តើមពានរង្វាន់ស្រាបៀរអង្គរប្រចាំឆ្នាំ២០១៧។ សម្រាប់ការប្រកួតលើកទី២នេះ មានក្រុមចូលរួមចំនួន១៩ក្រុមក្នុងនោះកម្ពុជា១០ក្រុម និងចិន៩ក្រុម។ អត្តពលិកទាំងនេះនឹងធ្វើការប្រកួតប្រជែងរៀងរាល់ថ្ងៃសៅរ៍ និងថ្ងៃអាទិត្យតាមប្រភេទវិញ្ញាសានីមួយៗចន្លោះពីថ្ងៃទី៣រហូតដល់ថ្ងៃទី៣០ កញ្ញា នៅអគារដំបូលទូកក្នុងពហុកីដ្ឋានជាតិ។
លោក សុខ វិសាល អនុប្រធានសហព័ន្ធកីឡាវាយកូនឃ្លីលើតុកម្ពុជាបានបញ្ជាក់ថា ព្រឹត្តិការណ៍ប្រកួតកីឡាវាយកូនឃ្លីលើតុមិត្តភាពកម្ពុជា-ចិន ធ្វើឡើងដើម្បីរឹតចំណងមិត្តភាពរវាងប្រទេសទាំងពីរឲ្យកាន់តែជិតស្និទ្ធ និងរឹងមាំថែមទៀត។ លោកបានបន្តថា ការប្រកួតក៏ដើម្បីអភិវឌ្ឍន៍សមត្ថភាព បច្ចេកទេសរបស់កីឡាករកីឡាការិនីកម្ពុជាឲ្យកាន់តែមានភាពរីកចម្រើនសម្រាប់ត្រៀមធ្វើជាម្ចាស់ផ្ទះការប្រកួតកីឡាស៊ីហ្គេមលើកទី៣២ឆ្នាំ២០២៣ ដែលកម្ពុជាធ្វើជាម្ចាស់ផ្ទះផងដែរ។
អនុប្រធានសហព័ន្ធរូបនេះបន្តថា ដើម្បីបំពេញភាពខ្វះចន្លោះក៏ដូចជាពង្រឹងបច្ចេកទេសរបស់កីឡាករ សហព័ន្ធរបស់លោកនឺងបញ្ជូនកីឡាករកីឡាការិនីពី២ទៅ៣នាក់ជារៀងរាល់ឆ្នាំទៅហ្វឹកហាត់នៅប្រទេសចិន។ ការបញ្ជូននេះ ដោយអាចទទួលបានការឧបត្ថម្ភពីសមាគមន៍កីឡារបស់ចិនតាមរយៈការប្រកួតមិត្តភាពកម្ពុជា-ចិន។
ជាមួយគ្នានេះ លោក Wu Guang Hua អនុប្រធានសមាគមពាណិជ្ជកម្មហ៊ូណានប្រចាំនៅកម្ពុជាបានចាត់ទុកថា ការប្រកួតនេះមិនត្រឹមតែជួយរឹតចំណងមិត្តភាពប្រទេសទាំងពីរឲ្យកាន់តែរឹងមាំប៉ុណ្ណោះទេ ថែមទាំងជួយទាក់ទាញអ្នកវិនិយោគចិនមកដាក់ទុននៅកម្ពុជាថែមទៀតផង។ លើសពីនេះវាជួយពង្រឹងសមត្ថភាពកីឡាករ គ្រូបង្វឹក និងមន្ត្រីឲ្យកាន់តែរីកចម្រើនសម្រាប់ត្រៀមឆ្នាំ២០២៣ផងដែរ។
លោកបានបន្តថា តាមរយៈព្រឹត្តិការណ៍ប្រកួតមិត្តភាពកម្ពុជា-ចិននេះលោកមើលឃើញសមត្ថភាពរបស់កីឡាករកម្ពុជាមានការរីកចម្រើនខ្លាំងគួរឲ្យកត់សម្គាល់ ហើយនឹងជួយជំរុញការរីកចម្រើនឲ្យកាន់តែប្រសើរថែមទៀតតាមរយៈការផ្តល់ឱកាសឲ្យកីឡាករទៅហ្វឹកហាត់នៅប្រទេសចិន។ តែការសម្រេចយ៉ាងណា ត្រូវរង់ចាំការពិភាក្សារវាងសមាគមរបស់លោក និងសហព័ន្ធកីឡាវាយកូនឃ្លីលើតុកម្ពុជាជាមុនសិន៕
ដើម្បីរឹតចំណងមិត្តភាពរវាងប្រទេសទាំងពីរកម្ពុជា-ចិនឲ្យកាន់តែរឹងមាំនិងជិតស្និទ្ធថែមទៀតលើវិស័យកីឡា សហព័ន្ធកីឡាវាយកូនឃ្លីលើតុកម្ពុជាបានរៀបចំការប្រកួតកីឡាវាយកូនឃ្លីលើតុមិត្តភាពកម្ពុជា-ចិន ដើម្បីដណ្តើមពានរង្វាន់ស្រាបៀរអង្គរប្រចាំឆ្នាំ២០១៧។ សម្រាប់ការប្រកួតលើកទី២នេះ មានក្រុមចូលរួមចំនួន១៩ក្រុមក្នុងនោះកម្ពុជា១០ក្រុម និងចិន៩ក្រុម។ អត្តពលិកទាំងនេះនឹងធ្វើការប្រកួតប្រជែងរៀងរាល់ថ្ងៃសៅរ៍ និងថ្ងៃអាទិត្យតាមប្រភេទវិញ្ញាសានីមួយៗចន្លោះពីថ្ងៃទី៣រហូតដល់ថ្ងៃទី៣០ កញ្ញា នៅអគារដំបូលទូកក្នុងពហុកីដ្ឋានជាតិ។
លោក សុខ វិសាល អនុប្រធានសហព័ន្ធកីឡាវាយកូនឃ្លីលើតុកម្ពុជាបានបញ្ជាក់ថា ព្រឹត្តិការណ៍ប្រកួតកីឡាវាយកូនឃ្លីលើតុមិត្តភាពកម្ពុជា-ចិន ធ្វើឡើងដើម្បីរឹតចំណងមិត្តភាពរវាងប្រទេសទាំងពីរឲ្យកាន់តែជិតស្និទ្ធ និងរឹងមាំថែមទៀត។ លោកបានបន្តថា ការប្រកួតក៏ដើម្បីអភិវឌ្ឍន៍សមត្ថភាព បច្ចេកទេសរបស់កីឡាករកីឡាការិនីកម្ពុជាឲ្យកាន់តែមានភាពរីកចម្រើនសម្រាប់ត្រៀមធ្វើជាម្ចាស់ផ្ទះការប្រកួតកីឡាស៊ីហ្គេមលើកទី៣២ឆ្នាំ២០២៣ ដែលកម្ពុជាធ្វើជាម្ចាស់ផ្ទះផងដែរ។
អនុប្រធានសហព័ន្ធរូបនេះបន្តថា ដើម្បីបំពេញភាពខ្វះចន្លោះក៏ដូចជាពង្រឹងបច្ចេកទេសរបស់កីឡាករ សហព័ន្ធរបស់លោកនឺងបញ្ជូនកីឡាករកីឡាការិនីពី២ទៅ៣នាក់ជារៀងរាល់ឆ្នាំទៅហ្វឹកហាត់នៅប្រទេសចិន។ ការបញ្ជូននេះ ដោយអាចទទួលបានការឧបត្ថម្ភពីសមាគមន៍កីឡារបស់ចិនតាមរយៈការប្រកួតមិត្តភាពកម្ពុជា-ចិន។
ជាមួយគ្នានេះ លោក Wu Guang Hua អនុប្រធានសមាគមពាណិជ្ជកម្មហ៊ូណានប្រចាំនៅកម្ពុជាបានចាត់ទុកថា ការប្រកួតនេះមិនត្រឹមតែជួយរឹតចំណងមិត្តភាពប្រទេសទាំងពីរឲ្យកាន់តែរឹងមាំប៉ុណ្ណោះទេ ថែមទាំងជួយទាក់ទាញអ្នកវិនិយោគចិនមកដាក់ទុននៅកម្ពុជាថែមទៀតផង។ លើសពីនេះវាជួយពង្រឹងសមត្ថភាពកីឡាករ គ្រូបង្វឹក និងមន្ត្រីឲ្យកាន់តែរីកចម្រើនសម្រាប់ត្រៀមឆ្នាំ២០២៣ផងដែរ។
លោកបានបន្តថា តាមរយៈព្រឹត្តិការណ៍ប្រកួតមិត្តភាពកម្ពុជា-ចិននេះលោកមើលឃើញសមត្ថភាពរបស់កីឡាករកម្ពុជាមានការរីកចម្រើនខ្លាំងគួរឲ្យកត់សម្គាល់ ហើយនឹងជួយជំរុញការរីកចម្រើនឲ្យកាន់តែប្រសើរថែមទៀតតាមរយៈការផ្តល់ឱកាសឲ្យកីឡាករទៅហ្វឹកហាត់នៅប្រទេសចិន។ តែការសម្រេចយ៉ាងណា ត្រូវរង់ចាំការពិភាក្សារវាងសមាគមរបស់លោក និងសហព័ន្ធកីឡាវាយកូនឃ្លីលើតុកម្ពុជាជាមុនសិន៕
Tag:
វាយកូនឃ្លីលើតុ
សុខ វិសាល
កម្ពុជា-ចិន
© រក្សាសិទ្ធិដោយ thmeythmey.com
