ដូចករណីនៅស្តាតអូឡាំពិកដែរ Basel ត្រូវ UEFA ចោទប្រកាន់រឿងដុតកាំជ្រួចនៅ OldTrafford

កីឡាអន្តរជាតិ

អន្តរជាតិ

ដូចករណីនៅស្តាតអូឡាំពិកដែរ Basel ត្រូវ UEFA ចោទប្រកាន់រឿងដុតកាំជ្រួចនៅ OldTrafford

13, Sep 2017 , 6:27 pm

រូបភាព

ដោយ: ទេព ពិទូរ្យ

ក្រុមបាល់ទាត់ FC Basel ត្រូវសហព័ន្ធកីឡាបាល់ទាត់ប្រចាំទ្វីបអឺរ៉ុបហៅកាត់ថា UEFA ចោទប្រកាន់ ក្រោយអ្នកគាំទ្ររបស់ពួកគេបានដុតកាំជ្រួចអំឡុងការប្រកួតពានរង្វាន់ UEFA Champion League ក្នុងពូល A ដែល Manchester United យកឈ្នះ ៣-០ នៅទឹកដី OldTrafford។ ករណីនេះក៏ស្រដៀងគ្នាកាលពីក្រុមបាល់ទាត់ជម្រើសជាតិកម្ពុជា ប៉ះជាមួយវៀតណាម វគ្គជម្រុះ AFC Asian Cup 2019 កាលពីថ្ងៃទី៥ ខែកញ្ញាកន្លងទៅដែរ។

ក្រៅពី Basel ក្រុម Celtic ក៏ត្រូវបានចោទប្រកាន់ដែរក្នុងអំឡុងការប្រកួតក្របខណ្ឌ Champions League ជាមួយ និង Paris St-Germain ក្រោយអ្នកគាំទ្ររបស់ Celtic បានរត់ទៅទាត់កីឡាករ Kylian Mbappe នៅក្នុងទីលាននោះ។

ករណីទាំងនេះនឹងត្រូវដោះស្រាយដោយក្រុមគ្រប់គ្រងសីលធម៌ និងវិន័យរបស់ UEFA នៅថ្ងៃទី ១៩ ខែតុលាខាងមុខនេះ។

សូមបញ្ជាក់ថា ករណីប្រហាក់ប្រហែលនេះដែ ក៏បានកើតឡើងនៅពហុកីឡដ្ឋានជាតិអូឡាំពិក នាជំនួបរវាងក្រុមបាល់ទាត់ជម្រើសជាតិកម្ពុជាជាមួយវៀតណាម នៃវគ្គជម្រុះ AFC Asian Cup 2019 កាលពីថ្ងៃទី៥ ខែកញ្ញាកន្លងទៅ។

សហព័ន្ធកីឡាបាល់ទាត់វៀតណាម (VFF) ត្រូវប្រឈមនឹងការពិន័យយ៉ាងធ្ងន់ធ្ងរជាប្រាក់ ១ម៉ឺនដុល្លារអាមេរិក ពីសហព័ន្ធកីឡាបាល់ទាត់អាស៊ី (AFC) ក្រោយក្រុមអ្នកគាំទ្ររបស់វៀតណាមបានដុតផាវភ្លើង (Lighting Flares) ឬ Ultras នៅស្តាតអូឡាំពិក និងបង្កឲ្យមានការភ្ញាក់ផ្ញើលពីសំណាក់អ្នកគាំទ្ររបស់កម្ពុជាផងដែរ៕