ជាតិ
បទយកការណ៍ / បទសម្ភាសន៍
មេធាវីបារាំង៤រូប នឹងចែករំលែកបទពិសោធន៍ខ្លួនក្នុងសិក្ខាសាលាស្តីពី«វិជ្ជាជីវៈមេធាវីនៅកម្ពុជា បារាំង និងក្របខណ្ឌអន្តរជាតិ»
× ភ្នំពេញ៖ សមាគមសាលាត្រាជូ នឹងរៀបចំសិក្ខាសាលាដ៏ធំមួយស្តីពី«វិជ្ជាជីវៈមេធាវីនៅប្រទេសកម្ពុជា ប្រទេសបារាំង និងក្របខ័ណ្ឌយុត្តាធិការអន្តរជាតិ» នៅថ្ងៃអាទិត្យ ទី១៧ ខែកញ្ញានេះ នៅសកលវិទ្យាល័ភូមិន្ទនីតិសាស្ត្រ និងវិទ្យាស្រ្តសេដ្ឋកិច្ច ដោយបានអញ្ជើញមេធាវីអន្តរជាតិ និងមេធាវីខ្មែរ មកចែករំលែកបទពិសោធការងាររបស់ខ្លួន ដល់និស្សិតច្បាប់ ឬអ្នកត្រៀមខ្លួនធ្វើជាមេធាវីនៅថ្ងៃអនាគត។ លោក ទី ហ្សានិត ស្ថាបនិកសមាគមសាលាត្រាជូ បានបញ្ជាក់ក្នុងបទសម្ភាសជាមួយសារព័ត៌មាន thmeythmey.com ថា មានមេធាវីបារាំង៤រូប នឹងអញ្ជើញមកបទពិសោធរបស់ខ្លួន ដែលក្នុងចំណោមនោះ ក៏មានលោកមេធាវី Philippe Moriceau ដែលជាអតីតប្រធានគណៈមេធាវីនៅទីក្រុង Bayonne និងធ្លាប់ការពារក្តីនៅតុលាការព្រហ្មទណ្ឌអន្តរជាតិ(ICC)ផង។ លោក ទី ហ្សានិត ឲ្យដឹងទៀតថា សិក្ខាសាលានេះ នឹងអនុញ្ញាតឲ្យអ្នកប្រកបវិជ្ជាជីវៈនៅកម្ពុជា ពិសេសនិស្សិតដែលកំពុងសិក្សាជំនាញច្បាប់ យល់កាន់តែស៊ីជម្រៅបន្ថែមទៀត ពីតួនាទី និងភារកិច្ចរបស់មេធាវីនៅកម្ពុជា នៅបារាំង និងនៅយុត្តាធិការអន្តរជាតិ ក៏ដូចជាភាពខុសគ្នារវាង ការការពារក្តីក្នុងក្របខណ្ឌជាតិ និងអន្តរជាតិ។
ដើម្បីជ្រាបកាន់តែច្បាស់ សូមអញ្ជើញស្តាប់បទសម្ភាសរវាងលោក រ៉ឹម ភារី អ្នកយកព័ត៌មានរបស់គេហទំព័រព័ត៌មាន thmeythmey.com ជាមួយ លោក ទី ហ្សានិត ប្រធានសមាគមសាលាត្រាជូ ដូចតទៅ៖
Tag:
ទី ហ្សានិត
មេធាវី
បារាំង
© រក្សាសិទ្ធិដោយ thmeythmey.com