កីឡាជាតិ
ជាតិ
U16 កម្ពុជា កំពុងហ្វឹកហាត់នៅថៃ ដើម្បីត្រៀមខ្លួនប្រកួតជម្រុះ AFC នៅម៉ុងហ្គោលី ប្រតិភូក្រុម U16 កម្ពុជាថតជុំគ្នានៅអាកាសយានដ្ឋានអន្តរជាតិភ្នំពេញមុនចេញដំណើរទៅប្រទេសថៃ, រូបភាពទាំងអស់ពី FFC
× ក្រុមកីឡាបាល់ទាត់ជម្រើសជាតិអាយុក្រោម១៦ឆ្នាំកម្ពុជាកំពុងត្រៀមខ្លួនសម្រាប់ការប្រកួតវគ្គជម្រុះពានរង្វាន់ AFC U16 Championship 2018 នៅប្រទេសម៉ុងហ្គោលីក្នុងខែកញ្ញា នេះ។ ចាប់តាំងពីថ្ងៃទី១២ ខែកញ្ញា មក ពួកគេនាំគ្នាហ្វឹកហាត់នៅប្រទេសថៃ ក្រោមការដឹកនាំបង្វឹករបស់លោក Lee Tae Hoon។
លោកបង្វឹកកូរ៉េខាងត្បូង លោក Lee Tae Hoon កំពុងដឹកនាំក្រុមយុវជនអាយុក្រោម១៦ឆ្នាំកម្ពុជា ធ្វើការហ្វឹកហាត់នៅប្រទេសថៃ មុនចេញទៅប្រជែងក្នុងវគ្គជម្រុះ AFC U16 Championship 2018 នៅប្រទេសម៉ុងហ្គោលីចន្លោះពីថ្ងៃទី២០ ដល់ថ្ងៃទី២៤ ខែកញ្ញា ខាងមុខនេះ។
សម្រាប់ការប្រកួតពានរង្វាន់កម្រិតអាស៊ីនេះ U16 កម្ពុជាឈរនៅក្នុងពូល I ជាមួយវៀតណាម, អូស្ត្រាលី និងម្ចាស់ផ្ទះម៉ុងហ្គោលី។ U16 កម្ពុជាត្រូវប៉ះជាមួយវៀតណាមក្នុងជំនួបបើកឆាកនៅថ្ងៃទី២០ កញ្ញា មុនជួបអូស្ត្រាលី និងម្ចាស់ផ្ទះម៉ុងហ្គោលីជាបន្តបន្ទាប់នៅថ្ងៃទី២២ និង២៤ ខែកញ្ញា។
កីឡាករជម្រើសជាតិទាំង២៦នាក់ដែលសហព័ន្ធកីឡាបាល់ទាត់កម្ពុជាទាំងនោះ រួមមាន ប៉ែន សាន់តាណា, គី រីណា, ប៊ុនធឿន ប៊ុនណារ៉ុង, ឈឹម ពេជពន្លឺ, ជា សុខម៉េង, ផៃ ម៉េងឆ័ង, តាំង ប៊ុនឆៃ, ជូ ស៊ីនទិ, រី លាភផេង, ធី លាង, ស្រ៊ី ពិសិដ្ឋ, លីន តារាដេវិទ្យ, អ៊ាន ពិសី, លី ម៉ាឯល, ជីម ណាវីន, រឿន ដាវីត, រស់ ដារ៉ាពេជ្រ, មិត សាម៉ើល, សេង សម្បត្តិ, វន សុខៃតុ, គង់ ភ័ត្រា, ថង លីម៉ីញ, ទួត សរ៉ូត, សួង ដាវីត, ចាន់ ហួង និង ចាន់ សារ៉ាពេជ្រ៕
Tag:
បាល់ទាត់
AFC U16
Lee Tae Hoon
© រក្សាសិទ្ធិដោយ thmeythmey.com