ពីនេះ ពីនោះ
ព័ត៍មានសុខភាព
ថ្នាំផ្សះ និងវីតាមីន C អាចសម្លាប់កោសិកាមហារីកបាន
× យោងទៅតាមសេចក្តីរាយការណ៍មួយបានឲ្យដឹងថា វីតាមីន C និងថ្នាំផ្សះអាចមានប្រសិទ្ធភាពសម្លាប់កោសិកាមហារីកខ្លាំងជាងថ្នាំមហារីករហូតដល់ ១០០ដងឯណោះ ហើយក៏គ្មានផលរំខានដែរ។ ដំណឹងដ៏ល្អមួយនេះបានមកពីលទ្ធផលនៃការសិក្សាមួយដែលរកឃើញនូវ ការប្រើប្រាស់វិធានការថ្មីជាមួយនឹងថ្នាំផ្សះប្រភេទ Doxycycline បន្ទាប់មកថ្នាំវីតាមីន C ដើម្បីសម្លាប់កោសិការមហារីក។
ថ្នាំ Doxycycline អាចសម្លាប់កោសិកាមហារីកបានច្រើនប្រភេទ ប៉ុន្តែក៏អាចរ៉េស៊ីតស្តង់ខ្លះដែរ។ កោសិការ៉េស៊ីស្តង់ទាំងនោះ នឹងត្រូវសម្លាប់បន្តដោយវីតាមីន C។
ខណៈពេលដែលដំណឹងដ៏ល្អនេះកើតមានក៏ដោយ វាគួរតែមានការបញ្ចូលនូវរឿងជាច្រើនអំពីថ្នាំទាំងពីរមុខនេះបន្ថែមទៀតដែរ។ ការពិសោធន៍ទាំងអស់គឺធ្វើតែក្នុងមន្ទីរពិសោធន៍ទេ។ អ្នកស្រាវជ្រាវបានប្រើប្រាស់កោសិកាមេ (Stem Cell) មហារីកសុដន់របស់មនុស្ស ប៉ុន្តែមិនបានធ្វើការសិក្សាលើសត្វ ឬមនុស្សនៅឡោះយទេ។ មានន័យថា យើងមិនទាន់ដឹងថាវិធីសាស្ត្រនេះមានភាពជោគជ័យដូចម្តេចឡើយ ហើយអ្វីដែលថា វាគ្មានផលរំខាននោះក៏មិនទាន់អាចយកជាការបានដែរ។
ថ្វីបើទាំងថ្នាំផ្សះ Doxycylcline និងវីតាមីន C មានសុវត្ថិភាពក្នុងការប្រើប្រាស់លើមនុស្សក៏ដោយ ក៏ការស្រាវជ្រាវជាច្រើនបន្ថែមទៀតត្រូវតែធ្វើដែរដើម្បីចង់ដឹងថា តើវាមានប្រតិកម្មជាមួយនឹងការព្យាបាលមហារីកផ្សេងៗទៀតឬអត់មុនពេលរឿងនេះអាចដាក់ជាក្បួនណែនាំថ្មីសម្រាប់ព្យាបាលជំងឺមហារីក៕
ផ្ដល់សិទ្ធដោយ៖www.health.com.kh
© រក្សាសិទ្ធិដោយ thmeythmey.com