ពីនេះ ពីនោះ
ពេលចាញ់ ឬបរាជ័យ កុំគិតតែបន្ទោសអ្នកដទៃ
× ពេលអ្វីៗ កើតឡើង មិនដូចបំណង ដែលខ្លួនគិត តើអ្នកត្រូវធ្វើដូចម្តេច? ពេលដែលត្រូវអ្នកដទៃឡើងតំណែង កាត់មុខកាត់មាត់អ្នក? ឬមិនបានទទួលការជ្រើសតាំងឲ្យធ្វើប្រធាន? ឬត្រូវគេរិះគន់ អំពីកិច្ចការរបស់ខ្លួន តើអ្នកគិតដូចម្តេច?
ចម្លើយ គឺចូរចងចាំថា វិធីដែលអ្នកគិតនៅពេល ដែលខ្លួនចាញ់ គឺជាការកំណត់ថា "តើដល់ពេលណាទៅ ទើបអាចឈ្នះ?"។
វិធីល្អមួយ គឺយើងត្រូវគិតជាវិជ្ជមាន។ ពោលគឺយើងត្រូវពិចារណារកហេតុផល ឲ្យឃើញច្បាស់ថា អ្នកដទៃ គេសក្តិសមនឹងទទួលតំណែងនោះ ហើយយើងគិតទៀតថា តើយើងគួរធ្វើអ្វីបានខ្លះ ដើម្បីអាចបានឡើងតំណែងនោះ នាពេលខាងមុខ? ជាមួយគ្នានោះ យើងមិនខឹងខ្លួនឯងអំពីបរាជ័យ ហើយក៏មិនបន្ទោសខ្លួនឯង នាំឲ្យខាតពេលអ្វីដែរ។
ប្រការពីរយ៉ាង ដែលយើងត្រូវលើកឡើងចំពោះមុខបរាជ័យ ឬការចាញ់ នោះគឺ ទី១-តើត្រូវធ្វើដូចម្តេច ឲ្យបានល្អ សម្រាប់ឱកាសខាងមុខ? និងទី២-មិនស្តីបន្ទោសខ្លួនឯង៕
© រក្សាសិទ្ធិដោយ thmeythmey.com