ក្រុមហ៊ុនសាមសុង បានចាប់ដៃគូសហការជាមួយ Dezeen ដែលជាទស្សនាវដ្ដីនាំមុខគេផ្នែករចនា និងស្ថាបត្យកម្ម ដើម្បីបង្ហាញពីគំនិតប្រកបដោយភាពច្នៃប្រឌិតសម្រាប់ទូរទស្សន៍ QLED របស់ក្រុមហ៊ុនសាមសុងហើយក៏ជាការប្រកាសលទ្ធផលជាចុងក្រោយ សម្រាប់ការប្រកួតប្រជែងរចនាគ្រឿងតុបតែងសម្រាប់ទូរទស្សន៍ លំដាប់ថ្នាក់ពិភពលោក។ ការប្រកួតប្រជែងនេះ បានទាក់ទាញអ្នកចូលរួមជាង ១២០០ នាក់ មកពី ៨៣ ប្រទេសផ្សេងៗគ្នា ហើយអត្រានៃការប្រកួតប្រជែងនេះគឺ ៨០: ១ ។
ដើម្បីឈានទៅដល់ដំណាក់កាលនៃការប្រកួតនេះ បេក្ខជនចំនួន ១៥ នាក់ ដែលជាប់ក្នុងបញ្ជីសម្រិតសម្រាំង នឹងបន្តទៅការប្រកួតជុំបន្ទាប់ ដោយធ្វើការជ្រើសរើសយកតែ ៥ នាក់ប៉ុណ្ណោះសម្រាប់វគ្គផ្ដាច់ព្រ័ត្រ។ ការរចនាម៉ូដដែលនៅសល់តែ ៥ នាក់ចុងក្រោយនឹងធ្វើការប្រកាសលទ្ធផល ដោយមានរង្វាន់ជាសាច់ប្រាក់ថែមទៀតផង។ រង្វាន់សរុបចំនួន ៣ ម៉ឺនអ៊ឺរ៉ូនឹងត្រូវបានផ្តល់ជូន។
ដើម្បីចូលរួមការប្រកួតប្រជែងនេះ អ្នកច្នៃម៉ូដបានដាក់ជូននូវការរចនាម៉ូដទូរទស្សន៍ QLED ដ៏ល្អបំផុតរបស់ពួកគេរួមជាមួយនឹងយុទ្ធសាស្ត្រ នៃផែនការអាជីវកម្មរបស់ពួកគេផងដែរ។
ការរចនាម៉ូដដ៏ប្លែកអស្ចារ្យ
បេក្ខជនដែលជាប់ឈ្មោះចូលរួមប្រកួតសុទ្ធតែមានប្រវត្តិក្នុងការងាររចនាម៉ូដប្លែកៗផ្សេងគ្នាជាច្រើន ក៏ដូចជាការលាយផ្សំជាមួយការតុបតែង ដែលមានលក្ខណៈធ្នើរសម្រាប់ដាក់អីវ៉ាន់ផងដែរ។ អ្នករចនាម៉ូដផ្សេងទៀត ក៏បានច្នៃទៅជា ប្រព័ន្ធរ៉កមានទ្រទម្ងន់ស្មើគ្នា ដែលគំនិតទាំងនេះ ត្រូវបានទទួលឥទ្ធិពលពីពាក្យរបស់ ដាណឺម៉ាក “hygge” ដែលមានន័យថា បង្កើតកន្លែងដ៏កក់ក្តៅ និងរីករាយជាមួយអ្វីដែលល្អ ជាមួយមនុស្ស និងគ្រួសារដែលល្អក្នុងជីវិត ហើយគំនិតមួយទៀតវាត្រូវបានច្នៃទៅជាជើងទូរទស្សន៍ ដែលមានរាងដូចជាក្តារបន្ទះលេងទឹក។
បេក្ខជនប្រកួតប្រជែង ត្រូវបានគេស្នើសុំឱ្យបង្កើតការរចនាម៉ូដបញ្ឈររបស់ពួកគេ ដោយផ្តោតជាពិសេសទៅលើរបៀបរស់នៅរបស់អ្នកប្រើប្រាស់។ ខណៈពេលដែលការរចនាមួយចំនួន ត្រូវបានគេដាក់ចូលជា ការរចនាកំពូល ដែលត្រូវបានរចនាចេញពីឈើដ៏សាមញ្ញ និងប្រព័ន្ធជើងចាប់ពិដានសម្រាប់ផ្ទះតូចៗ ឲ្យទៅជាកញ្ចក់បញ្ឈរដែលរចនាឡើង ដើម្បីភាពសាកសមទៅនឹងប្រណិតភាព របស់គ្រឿងសង្ហារឹមនៅផ្ទៃខាងក្នុង។
ការបង្ហាញស្នាដៃសំខាន់ៗ
អ្នកចូលរួមវគ្គផ្តាច់ព្រ័ត្រ ៥ រូបនឹងត្រូវបានអញ្ជើញឱ្យចូលរួមក្នុងកម្មវិធី IFA ២០១៧ ដែលជាពិព័រណ៍ពាណិជ្ជកម្មអេឡិចត្រូនិក និងឧបករណ៍សម្រាប់ប្រើប្រាស់ក្នុងផ្ទះឈានមុខគេ នៅអឺរ៉ុប នៅប៊ែរឡាំង ប្រទេសអាល្លឺម៉ង់ ចាប់ពីថ្ងៃទី ១ ដល់ ៦ កញ្ញា ២០១៧។ ការរចនាម៉ូដដ៏កំពូលទាំង៥ នឹងត្រូវបានដាក់តាំងបង្ហាញ នៅស្តង់សាមសុង ក្នុងពិព័រណ៍ពាណិជ្ជកម្មនោះផងដែរ។
ទូរទស្សន៍ QLED របស់ក្រុមហ៊ុនសាមសុង ពិតជាទូរទស្សន៍ដែលផ្តល់ឱ្យអ្នកប្រើប្រាស់ នូវសេរីភាព ក្នុងការដាក់ទូរទស្សន៍របស់ពួកគេ នៅក្នុងកន្លែងរស់នៅផ្សេងៗ។ ទូរទស្សន៍ QLED បច្ចុប្បន្ន មានទាំងអេក្រង់រាបស្មើ និងកោង ហើយអាចប្រើជាមួយជើងទម្រ ដែលអាចផ្លាស់ប្តូរជាច្រើនរួមទាំងជើង Gravity និងស្ទូឌីយោ។ទូរទស្សន៍ QLED គឺជាទូរទស្សន៍ដំបូងគេ ដែលមានស្តង់ដារនៃរចនាសម្ព័ន្ធទូរទស្សន៍របស់ខ្លួន មានន័យថាជំហរនីមួយៗ គឺអាចប្រើបានសម្រាប់ម៉ូដែលទូរទស្សន៍ QLED ទំហំ 55 អ៊ីញ និង 65 អ៊ីញក៏ដូចជាស៊ុមផងដែរ។
លោក HyunSuk Kim ប្រធានក្រុមហ៊ុនសាមសុងមានប្រសាសន៍ថា៖ «ក្រុមហ៊ុនសាមសុង ជឿជាក់ក្នុងការបង្កើតផលិតផល ដែលត្រូវបានរចនាឡើងយ៉ាងស្រស់ស្អាត ដែលផ្តល់នូវតម្លៃដល់អ្នកប្រើប្រាស់ និងរបៀបរស់នៅរបស់ពួកគេ។ នេះហើយជាមូលហេតុ ដែលយើងជ្រើសរើសធ្វើការជាមួយ Dezeen ដើម្បីស្វែងរកគ្រឿងបន្លាស់ទូរទស្សន៍ដ៏អស្ចារ្យបន្ទាប់ទៀត»។ លោកបន្តទៀតថា «ផលិតផលរបស់យើងមិនត្រឹមតែមានបច្ចេកវិទ្យាច្នៃប្រឌិតតែប៉ុណ្ណោះទេតែថែមទាំងលើកកម្ពស់ការតុបតែងផ្ទះរបស់អ្នកប្រើប្រាស់ផងដែរ»៕