អន្តរជាតិ
កូរ៉េខាងជើងមានមីស៊ីលបាញ់ដល់អាមេរិក តែមិនប្រាកដថាអាចប្រើជាមួយនុយក្លេអ៊ែរបានទេ
×![]()
ដោយ: តន ចាន់រិទ្ធារ៉ា
កូរ៉េខាងជើងត្រូវគេជឿថាមានមីស៊ីលដែលអាចបាញ់ដល់ទឹកដីអាមេរិក បើមិនទាំងមូល ក៏ផ្នែកភាគច្រើនដែរ។ អាមេរិកបារម្ភថា ការគំរាមកំហែងពីសំណាក់កូរ៉េខាងជើងនឹងកើនឡើងខ្លាំងជាងនេះ បើបណ្ដោយឲ្យរដ្ឋក្បាលរឹងឯកោមួយនេះបន្តមហិច្ឆតាអភិវឌ្ឍនុយក្លេអ៊ែរ ដែលអាចបំពាក់លើមីស៊ីលបាននោះ។ យ៉ាងណាក្ដី កូរ៉េខាងជើងអាចត្រូវការពេលច្រើនទៀតដើម្បីសម្រេចបំណង ទោះជាពេលនេះខ្លួនមានមីស៊ីលរំលងទ្វីបដ៏មានឥទ្ធិពលក៏ដោយ។
កូរ៉េខាងជើងបានសាកល្បងមីស៊ីលពីរដងក្នុងខែកក្កដា ហើយមីស៊ីលដែលបាញ់ចុងក្រោយគេ ត្រូវបានអះអាងថាមានសមត្ថភាពរត់ដល់ឆ្នេរខាងលិចរបស់អាមេរិកេណោះ។ មីស៊ីលនោះ អាចជាមីស៊ីលបាលីស្ទិកធុន Hwasong-14 ដែលត្រូវបានប៉ាន់ស្មានថាហោះបានចម្ងាយលើសមួយម៉ឺនគីឡូម៉ែត្រ។ ការបាញ់មីស៊ីលលើកនេះ ក៏នាំឲ្យក្រុមប្រឹក្សាសន្តិសុខដាក់ទណ្ឌកម្មបន្ថែមលើកូរ៉េខាងជើងចំពោះទង្វើព្រហើននេះ។
ទោះជាមានមីស៊ីលរំលងទ្វីបក៏ដោយ ក៏មិនមែនន័យថាកូរ៉េខាងជើងអាចប្រើប្រាស់វាជាមួយគ្រាប់នុយក្លេអ៊ែរបានដែរ ហើយក៏មិនប្រាកដថាអាចបាញ់ដល់ទឹកដីអាមេរិកដែរ។ ក្រុងព្យុងយ៉ាងទើបតែប្រកាសពីជោគជ័យក្នុងការសាកល្បងគ្រាប់អ៊ីដ្រូសែនដ៏មានឥទ្ធិពល ហើយមានអានុភាពខ្លាំងជាគ្រាប់បែកអាមេរិមទម្លាក់លើជប៉ុនទៅទៀត។ គេនៅតែសង្ស័យថា គ្រាប់អ៊ីដ្រូសែននោះពិតជាមានឥទ្ធិពលខ្លាំងមែនឬយ៉ាងទេ តែការសាកល្បងនេះបង្ហាញពីការរីកចម្រើនរបស់កូរ៉េខាងជើង។
លើសពីនេះ ក្រុងព្យុងយ៉ាងក៏ត្រូវអភិវឌ្ឍក្បាលគ្រាប់តូចល្មមដែលអាចបំពាក់លើមីស៊ីល។ ពោលគឺក្បាលគ្រាប់កាន់តែតូច មីស៊ីលក៏ហោះបានកាន់តែឆ្ងាយដែរ។ កាលពីឆ្នាំ២០១៦ សារព័ត៌មានកូរ៉េខាងជើងបានបង្ហាញរូបភាពលោក គីម ជុងអ៊ុន ឈរក្បែរក្បាលគ្រាប់ដែលគេជឿថា ជាក្បាលគ្រាប់សម្រាប់បំពាក់លើមីស៊ីល។ អ្នកជំនាញនុយក្លេអ៊ែរ រួមទាំងចារកម្មអាមេរិកផងនោះនិយាយថា កូរ៉េខាងជើងអាចផលិតគ្រាប់បែកដែលអាចតូចល្មមសម្រាប់មីស៊ីលហើយ។
ក្រៅពីការផលិតបានគ្រាប់បែកដែលអាចបំពាក់លើមីស៊ីលបាល កូរ៉េខាងជើងត្រូវការបច្ចេកវិទ្យា សម្រាប់បំពាក់លើមីស៊ីលរំលងទ្វីបរបស់ខ្លួន គឺបច្ចេកវិទ្យានាំមីស៊ីលចូលបរិយាកាសឡើងវិញ (Re-entry)។ វាជារឿងងាយស្រួលក្នុងការបាញ់មីស៊ីលសំដៅបរិយាកាស តែអ្វីដែលពិបាក គឺធ្វើយ៉ាងណាឲ្យមីស៊ីលនោះធ្លាក់ចុះមកវិញ។ កូរ៉េខាងជើងមិនទាន់មានសមត្ថភាពខ្ពស់លើបច្ចេកវិទ្យានេះទេ តែការសាកល្បងមីស៊ីលច្រើនលើកច្រើនសារ នឹងពង្រឹងសមត្ថភាពនេះកាន់តែប្រសើរឡើយ។
មានមីស៊ីលរំលងទ្វីបរយៈចម្ងាយឆ្ងាយអាចបំពាក់គ្រាប់នុយក្លេអ៊ែរក៏ខ្លាំងរួចហើយនោះ កូរ៉េខាងជើងក៏ត្រូវឆ្លងឧបសគ្គចុងក្រោយមួយទៀត គឺប្រព័ន្ធការពារមីស៊ីលរបស់អាមេរិក។ អាមេរិកបានពង្រាយប្រព័ន្ធការពារអាកាសជាច្រើនប្រភេទនៅក្បែរឧបទ្វីបកូរ៉េដើម្បីការពារខ្លួន។ គេឃើញមានប្រព័ន្ធការពារ THAAD នៅកូរ៉េខាងត្បូង និងនៅកោះហ្គាម ប្រព័ន្ធការពារមីស៊ីលបំពាក់លើនាវា Aegis នៅ កូរ៉េ ខាង ត្បូងដែរ។ នៅជប៉ុនអាមេរិកក៏មានប្រព័ន្ធការពារ Patriot ដ៏មានឥទ្ធិពលដូចគ្នាដែរ៕
កូរ៉េខាងជើងបានសាកល្បងមីស៊ីលពីរដងក្នុងខែកក្កដា ហើយមីស៊ីលដែលបាញ់ចុងក្រោយគេ ត្រូវបានអះអាងថាមានសមត្ថភាពរត់ដល់ឆ្នេរខាងលិចរបស់អាមេរិកេណោះ។ មីស៊ីលនោះ អាចជាមីស៊ីលបាលីស្ទិកធុន Hwasong-14 ដែលត្រូវបានប៉ាន់ស្មានថាហោះបានចម្ងាយលើសមួយម៉ឺនគីឡូម៉ែត្រ។ ការបាញ់មីស៊ីលលើកនេះ ក៏នាំឲ្យក្រុមប្រឹក្សាសន្តិសុខដាក់ទណ្ឌកម្មបន្ថែមលើកូរ៉េខាងជើងចំពោះទង្វើព្រហើននេះ។
ទោះជាមានមីស៊ីលរំលងទ្វីបក៏ដោយ ក៏មិនមែនន័យថាកូរ៉េខាងជើងអាចប្រើប្រាស់វាជាមួយគ្រាប់នុយក្លេអ៊ែរបានដែរ ហើយក៏មិនប្រាកដថាអាចបាញ់ដល់ទឹកដីអាមេរិកដែរ។ ក្រុងព្យុងយ៉ាងទើបតែប្រកាសពីជោគជ័យក្នុងការសាកល្បងគ្រាប់អ៊ីដ្រូសែនដ៏មានឥទ្ធិពល ហើយមានអានុភាពខ្លាំងជាគ្រាប់បែកអាមេរិមទម្លាក់លើជប៉ុនទៅទៀត។ គេនៅតែសង្ស័យថា គ្រាប់អ៊ីដ្រូសែននោះពិតជាមានឥទ្ធិពលខ្លាំងមែនឬយ៉ាងទេ តែការសាកល្បងនេះបង្ហាញពីការរីកចម្រើនរបស់កូរ៉េខាងជើង។
លើសពីនេះ ក្រុងព្យុងយ៉ាងក៏ត្រូវអភិវឌ្ឍក្បាលគ្រាប់តូចល្មមដែលអាចបំពាក់លើមីស៊ីល។ ពោលគឺក្បាលគ្រាប់កាន់តែតូច មីស៊ីលក៏ហោះបានកាន់តែឆ្ងាយដែរ។ កាលពីឆ្នាំ២០១៦ សារព័ត៌មានកូរ៉េខាងជើងបានបង្ហាញរូបភាពលោក គីម ជុងអ៊ុន ឈរក្បែរក្បាលគ្រាប់ដែលគេជឿថា ជាក្បាលគ្រាប់សម្រាប់បំពាក់លើមីស៊ីល។ អ្នកជំនាញនុយក្លេអ៊ែរ រួមទាំងចារកម្មអាមេរិកផងនោះនិយាយថា កូរ៉េខាងជើងអាចផលិតគ្រាប់បែកដែលអាចតូចល្មមសម្រាប់មីស៊ីលហើយ។
ក្រៅពីការផលិតបានគ្រាប់បែកដែលអាចបំពាក់លើមីស៊ីលបាល កូរ៉េខាងជើងត្រូវការបច្ចេកវិទ្យា សម្រាប់បំពាក់លើមីស៊ីលរំលងទ្វីបរបស់ខ្លួន គឺបច្ចេកវិទ្យានាំមីស៊ីលចូលបរិយាកាសឡើងវិញ (Re-entry)។ វាជារឿងងាយស្រួលក្នុងការបាញ់មីស៊ីលសំដៅបរិយាកាស តែអ្វីដែលពិបាក គឺធ្វើយ៉ាងណាឲ្យមីស៊ីលនោះធ្លាក់ចុះមកវិញ។ កូរ៉េខាងជើងមិនទាន់មានសមត្ថភាពខ្ពស់លើបច្ចេកវិទ្យានេះទេ តែការសាកល្បងមីស៊ីលច្រើនលើកច្រើនសារ នឹងពង្រឹងសមត្ថភាពនេះកាន់តែប្រសើរឡើយ។
មានមីស៊ីលរំលងទ្វីបរយៈចម្ងាយឆ្ងាយអាចបំពាក់គ្រាប់នុយក្លេអ៊ែរក៏ខ្លាំងរួចហើយនោះ កូរ៉េខាងជើងក៏ត្រូវឆ្លងឧបសគ្គចុងក្រោយមួយទៀត គឺប្រព័ន្ធការពារមីស៊ីលរបស់អាមេរិក។ អាមេរិកបានពង្រាយប្រព័ន្ធការពារអាកាសជាច្រើនប្រភេទនៅក្បែរឧបទ្វីបកូរ៉េដើម្បីការពារខ្លួន។ គេឃើញមានប្រព័ន្ធការពារ THAAD នៅកូរ៉េខាងត្បូង និងនៅកោះហ្គាម ប្រព័ន្ធការពារមីស៊ីលបំពាក់លើនាវា Aegis នៅ កូរ៉េ ខាង ត្បូងដែរ។ នៅជប៉ុនអាមេរិកក៏មានប្រព័ន្ធការពារ Patriot ដ៏មានឥទ្ធិពលដូចគ្នាដែរ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
