ជាតិ
ក្រសួងពាណិជ្ជកម្ម៖ សហគមន៍អឺរ៉ុបកំពុងចាប់អារម្មណ៍ខ្លាំង ចំពោះការរចនាម៉ូតសម្លៀកបំពាក់របស់កម្ពុជា
រូបភាពពីក្រសួងពាណិជ្ជកម្ម
×![]()
បណ្ដាប្រទេសសហគមន៍អឺរ៉ុប អាមេរិក និងអាស៊ីជាច្រើន បានភ្ញាក់ផ្អើល និងចាប់អារម្មណ៍ ចំពោះវត្តមានសម្លៀកបំពាក់កម្ពុជា ដែលបានរចនាម៉ូតបែបទាន់សម័យមិនចាញ់សហគមន៍អឺរ៉ុបឡើយ។ កម្ពុជា បាននាំសម្លៀកបំពាក់ច្នៃម៉ូតកម្រិតអន្តរជាតិ ដែលជាស្នាដៃកូនខ្មែរ ចូលរួមក្នុងពិព័រណ៍សម្លៀកបំពាក់ «APPAREL SOURCING PARIS 2017» នៅប្រទេសបារាំង កាលពីថ្ងៃទី ២០ កញ្ញានេះ។ នេះបើតាមទំព័រហ្វេសប៊ុកផ្លូវការរបស់ក្រសួងពាណិជ្ជកម្ម។
ក្នុងពិព័រណ៍សម្លៀកបំពាក់ «APPAREL SOURCING PARIS 2017» នៅទីក្រុងប៉ារីសនេះ ក្រុមហ៊ុនឌីហ្សាញម៉ូត និងកាត់ដេរសម្លៀកបំពាក់ NATACHA VAN តាមរយៈក្រសួងពាណិជ្ជកម្ម និងសមាគមរោងចក្រកាត់ដេរនៅកម្ពុជា (GMAC) បាននាំសម្លៀកបំពាក់ច្នៃម៉ូតកម្រិតអន្តរជាតិ ជាស្នាដៃកូនខ្មែរ ចូលរួមក្នុងកម្មវិធីបង្ហាញម៉ូត «READY-TO-WEAR CATWALK SHOW»។ បើតាមក្រសួងពាណិជ្ជកម្ម ក្នុងកម្មវិធីបង្ហាញម៉ូតនេះ បានធ្វើឲ្យបណ្ដាប្រទេសអឺរ៉ុប អាមេរិក និងអាស៊ី មានការភ្ញាក់ផ្អើល និងចាប់អារម្មណ៍យ៉ាងខ្លាំង ចំពោះវត្តមានសម្លៀកបំពាក់កម្ពុជា ដែលរចនាម៉ូតរបស់ស្នាដៃកូនខ្មែរ បែបទាន់សម័យមិនចាញ់សហគមន៍អឺរ៉ុបឡើយ។
ក្នុងកម្មវិធីបង្ហាញម៉ូតនោះ មានការចូលរួមពីបណ្ដាប្រទេសមកពីសហគមន៍អឺរ៉ុប កម្ពុជា វៀតណាម និងប្រទេសមីយ៉ាន់ម៉ា។ ជាមួយគ្នានេះ ការបង្ហាញម៉ូតសម្លៀកបំពាក់របស់កម្ពុជា ត្រូវបានទទួលការចាប់អារម្មណ៍ខ្លាំងជាងគេ ដោយអ្នកទស្សនាទាំងអស់បានទះដៃអបអរ តាំងពីដើមដំបូងរហូតដល់បញ្ចប់។ នេះបើតាមក្រសួងពាណិជ្ជកម្ម។
ក្រសួងពាណិជ្ជកម្ម បានបន្ថែមថា ម៉ូតសម្លៀកបំពាក់ខ្មែរក្នុងកម្មវិធីនោះ ត្រូវបានមើលឃើញថា ស្អាត ទាន់សម័យ មានគុណភាពល្អ ហើយអាចប្រកួតប្រជែងបានក្នុងទីផ្សារអឺរ៉ុបផងដែរ។ បន្ថែមលើនេះ ភាពលេចធ្លោនៃសម្លៀកបំពាក់កម្ពុជា បានធ្វើឲ្យគណៈកម្មការរៀបចំកម្មវិធីកោតសរសើរដល់កម្ពុជា។
ទន្ទឹមនឹងនេះ ភាគជោគជ័យនេះ នឹងជួយឲ្យមានការគាំទ្រ និងមានការបញ្ជាទិញផលិតផលសម្លៀកបំពាក់ និងវាយនភ័ណ្ឌកម្ពុជា កាន់តែច្រៀនឡើងៗ ពីបណ្ដាប្រទេសមកពីសហគមន៍អឺរ៉ុប អាមេរិក កាណាដា និងអាស៊ីទៀតផង។ នេះបើតាមទំព័រហ្វេសប៊ុករបស់ក្រសួងពាណិជ្ជកម្ម៕
ក្នុងពិព័រណ៍សម្លៀកបំពាក់ «APPAREL SOURCING PARIS 2017» នៅទីក្រុងប៉ារីសនេះ ក្រុមហ៊ុនឌីហ្សាញម៉ូត និងកាត់ដេរសម្លៀកបំពាក់ NATACHA VAN តាមរយៈក្រសួងពាណិជ្ជកម្ម និងសមាគមរោងចក្រកាត់ដេរនៅកម្ពុជា (GMAC) បាននាំសម្លៀកបំពាក់ច្នៃម៉ូតកម្រិតអន្តរជាតិ ជាស្នាដៃកូនខ្មែរ ចូលរួមក្នុងកម្មវិធីបង្ហាញម៉ូត «READY-TO-WEAR CATWALK SHOW»។ បើតាមក្រសួងពាណិជ្ជកម្ម ក្នុងកម្មវិធីបង្ហាញម៉ូតនេះ បានធ្វើឲ្យបណ្ដាប្រទេសអឺរ៉ុប អាមេរិក និងអាស៊ី មានការភ្ញាក់ផ្អើល និងចាប់អារម្មណ៍យ៉ាងខ្លាំង ចំពោះវត្តមានសម្លៀកបំពាក់កម្ពុជា ដែលរចនាម៉ូតរបស់ស្នាដៃកូនខ្មែរ បែបទាន់សម័យមិនចាញ់សហគមន៍អឺរ៉ុបឡើយ។
ក្នុងកម្មវិធីបង្ហាញម៉ូតនោះ មានការចូលរួមពីបណ្ដាប្រទេសមកពីសហគមន៍អឺរ៉ុប កម្ពុជា វៀតណាម និងប្រទេសមីយ៉ាន់ម៉ា។ ជាមួយគ្នានេះ ការបង្ហាញម៉ូតសម្លៀកបំពាក់របស់កម្ពុជា ត្រូវបានទទួលការចាប់អារម្មណ៍ខ្លាំងជាងគេ ដោយអ្នកទស្សនាទាំងអស់បានទះដៃអបអរ តាំងពីដើមដំបូងរហូតដល់បញ្ចប់។ នេះបើតាមក្រសួងពាណិជ្ជកម្ម។
ក្រសួងពាណិជ្ជកម្ម បានបន្ថែមថា ម៉ូតសម្លៀកបំពាក់ខ្មែរក្នុងកម្មវិធីនោះ ត្រូវបានមើលឃើញថា ស្អាត ទាន់សម័យ មានគុណភាពល្អ ហើយអាចប្រកួតប្រជែងបានក្នុងទីផ្សារអឺរ៉ុបផងដែរ។ បន្ថែមលើនេះ ភាពលេចធ្លោនៃសម្លៀកបំពាក់កម្ពុជា បានធ្វើឲ្យគណៈកម្មការរៀបចំកម្មវិធីកោតសរសើរដល់កម្ពុជា។
ទន្ទឹមនឹងនេះ ភាគជោគជ័យនេះ នឹងជួយឲ្យមានការគាំទ្រ និងមានការបញ្ជាទិញផលិតផលសម្លៀកបំពាក់ និងវាយនភ័ណ្ឌកម្ពុជា កាន់តែច្រៀនឡើងៗ ពីបណ្ដាប្រទេសមកពីសហគមន៍អឺរ៉ុប អាមេរិក កាណាដា និងអាស៊ីទៀតផង។ នេះបើតាមទំព័រហ្វេសប៊ុករបស់ក្រសួងពាណិជ្ជកម្ម៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
