ជាតិ
ក្រសួងបរិស្ថាន៖ រដ្ឋាភិបាល មានគោលជំហរយ៉ាងម៉ឺងម៉ាត់ ក្នុងការរក្សាឈ្មោះប្រវត្តិសាស្ត្រនៃរមណីយដ្ឋានភ្នំបូកគោ
×![]()
ភ្នំពេញ៖ ក្រសួងបរិស្ថាន បានចេញសេចក្ដីបំភ្លឺ ជុំវិញឈ្មោះប្រវត្តិសាស្ត្ររបស់រមណីយដ្ឋានភ្នំបូកគោ មិនត្រូវបានផ្លាស់ប្ដូរឡើយ។ ក្នុងសេចក្ដីបំភ្លឺរបស់ក្រសួងបរិស្ថាន បញ្ជាក់ថា «ឧទ្យានជាតិព្រះមុនីវង្ស បូកគោ» នៅតែរក្សាឈ្មោះប្រវត្តិសាស្ត្ររបស់ខ្លួនដដែលដោយមិនមានការផ្លាស់ប្ដូរទៅឈ្មោះផ្សេងឡើយ។
បើតាមសេចក្ដីបំភ្លឺរបស់ក្រសួងបរិស្ថាន បង្ហោះលើបណ្ដាញសង្គមហ្វេសប៊ុកផ្លូវការរបស់ខ្លួន «ឧទ្យានជាតិព្រះមុនីវង្ស បូកគោ» នៅតែរក្សាឈ្មោះប្រវត្តិសាស្ត្ររបស់ខ្លួនដដែលដោយមិនមានការផ្លាស់ប្ដូរទៅឈ្មោះផ្សេងឡើយ។ ការបំភ្លឺរបស់ក្រសួងបរិស្ថាននេះ ធ្វើឡើងបន្ទាប់ពីមានការផ្លាស់ប្ដូរផ្លាកសញ្ញា «រមណីយដ្ឋានឋានសួគ៌បូកគោ» ទៅជា «រមណីយដ្ឋានសុខាឋានសួគ៌»។
ជាមួយគ្នានេះ ក្រសួងបរិស្ថាន បានអះអាងថា៖ «ប្រមុខរដ្ឋាភិបាលកម្ពុជា មានគោលជំហរយ៉ាងម៉ឺងម៉ាត់ ក្នុងការរក្សាឈ្មោះទីតាំងប្រវត្តិសាស្ត្ររបស់រមណីយដ្ឋានភ្នំបូកគោ ក៏ដូចជាឈ្មោះទីតាំងប្រវត្តិសាស្ត្ររបស់រមណីយដ្ឋានដទៃទៀតនៅកម្ពុជា»។
សូមបញ្ជាក់ថា ជុំវិញបញ្ហាផ្លាស់ប្ដូរនេះ ត្រូវបាន សម្តេច ហ៊ុន សែន បញ្ជាឲ្យអាជ្ញាធរខេត្តកំពត ទម្លាក់ស្លាកសញ្ញា និងឈ្មោះថ្មីរបស់រមណីយដ្ឋានបូកគោ ទៅឈ្មោះដើមវិញឲ្យបានមុនម៉ោង១១ នៃថ្ងៃទី២៣ ខែកញ្ញានេះ។
រហូតមកដល់ពេលនេះ អភិបាលខេត្តកំពត លោក ចាន់ ចេស្តា បានដឹកនាំសមត្ថកិច្ច ទៅចុះដកផ្លាកសញ្ញា «រមណីយដ្ឋាន សុខាឋានសួគ៌» រួចរាល់អស់ហើយ នៅម៉ោងជិត ១០ព្រឹក នាថ្ងៃទី២៣ ខែកញ្ញា ឆ្នាំ២០១៧នេះ ដោយរក្សាឈ្មោះដើមនៅដដែល គឺ «រមណីយដ្ឋាន ឋានសួគ៌បូកគោ»៕
បើតាមសេចក្ដីបំភ្លឺរបស់ក្រសួងបរិស្ថាន បង្ហោះលើបណ្ដាញសង្គមហ្វេសប៊ុកផ្លូវការរបស់ខ្លួន «ឧទ្យានជាតិព្រះមុនីវង្ស បូកគោ» នៅតែរក្សាឈ្មោះប្រវត្តិសាស្ត្ររបស់ខ្លួនដដែលដោយមិនមានការផ្លាស់ប្ដូរទៅឈ្មោះផ្សេងឡើយ។ ការបំភ្លឺរបស់ក្រសួងបរិស្ថាននេះ ធ្វើឡើងបន្ទាប់ពីមានការផ្លាស់ប្ដូរផ្លាកសញ្ញា «រមណីយដ្ឋានឋានសួគ៌បូកគោ» ទៅជា «រមណីយដ្ឋានសុខាឋានសួគ៌»។
ជាមួយគ្នានេះ ក្រសួងបរិស្ថាន បានអះអាងថា៖ «ប្រមុខរដ្ឋាភិបាលកម្ពុជា មានគោលជំហរយ៉ាងម៉ឺងម៉ាត់ ក្នុងការរក្សាឈ្មោះទីតាំងប្រវត្តិសាស្ត្ររបស់រមណីយដ្ឋានភ្នំបូកគោ ក៏ដូចជាឈ្មោះទីតាំងប្រវត្តិសាស្ត្ររបស់រមណីយដ្ឋានដទៃទៀតនៅកម្ពុជា»។
សូមបញ្ជាក់ថា ជុំវិញបញ្ហាផ្លាស់ប្ដូរនេះ ត្រូវបាន សម្តេច ហ៊ុន សែន បញ្ជាឲ្យអាជ្ញាធរខេត្តកំពត ទម្លាក់ស្លាកសញ្ញា និងឈ្មោះថ្មីរបស់រមណីយដ្ឋានបូកគោ ទៅឈ្មោះដើមវិញឲ្យបានមុនម៉ោង១១ នៃថ្ងៃទី២៣ ខែកញ្ញានេះ។
រហូតមកដល់ពេលនេះ អភិបាលខេត្តកំពត លោក ចាន់ ចេស្តា បានដឹកនាំសមត្ថកិច្ច ទៅចុះដកផ្លាកសញ្ញា «រមណីយដ្ឋាន សុខាឋានសួគ៌» រួចរាល់អស់ហើយ នៅម៉ោងជិត ១០ព្រឹក នាថ្ងៃទី២៣ ខែកញ្ញា ឆ្នាំ២០១៧នេះ ដោយរក្សាឈ្មោះដើមនៅដដែល គឺ «រមណីយដ្ឋាន ឋានសួគ៌បូកគោ»៕
© រក្សាសិទ្ធិដោយ thmeythmey.com
