ជាតិ
រាជរដ្ឋាភិបាល បានសម្រេចយក «ថ្ងៃទី២១ កញ្ញា ជាទិវាសន្តិភាពអន្តរជាតិ» ប្រារព្ធនៅកម្ពុជា ជារៀងរាល់ឆ្នាំ
សម្តេច ហ៊ុន សែន នាយករដ្មមន្រ្តីកម្ពុជា
×![]()
ភ្នំពេញ៖ រាជរដ្ឋាភិបាលកម្ពុជា បានចេញសារលិខិតមួយ ដោយសម្រេចយក «ថ្ងៃទី២១ ខែកញ្ញា» ចូលរួមជាមួយពិភពលោក ក្នុងការប្រារព្ធនូវ «ទិវាសន្តិភាពអន្តរជាតិ» ដើម្បីលើកកម្ពស់ការយល់ដឹងពីអត្ថន័យនៃសន្តិភាពឲ្យកាន់តែទូលំទូលាយ ពង្រីកសាមគ្គីភាព ឯកភាពជាតិ បន្តជម្រុញស្មារតី និងពួតដៃជាធ្លុងមួយថែរក្សាឲ្យបានគង់វង្សនូវសន្តិភាព សម្រាប់កម្ពុជា ដែលជាសេចក្តីប្រាថ្នារបស់មនុស្សគ្រប់រូប និងជាមូលដ្ឋានគ្រឹះដ៏ចាំបាច់សម្រាប់ប្រទេសបោះជំហានបន្តទៅមុខ លើវិថីអភិវឌ្ឍន៍ និងការរីកចម្រើន។
សារលិខិតរបស់ប្រមុខរាជរដ្ឋាភិបាលកម្ពុជា បានឲ្យដឹងថា «ទិវាសន្តិភាពអន្តរជាតិ» ត្រូវបានប្រាព្ធទូទាំងពិភពលោកនៅថ្ងៃទី២១ ខែកញ្ញា ជារៀងរាល់ឆ្នាំ បន្ទាប់ពីមានការអនុម័ត ដោយមហាសន្និបាតអង្គការសហប្រជាជាតិលើកទី៥៥ កាលពីឆ្នាំ២០០១ ដើម្បីលុបបំបាត់អំពើហិង្សា បញ្ឈប់សង្គ្រាម ជំរុញឲ្យមានសន្តិភាពក្នុងប្រទេស ក្នុងតំបន់ ក៏ដូចជាក្នុងពិភពលោកទាំងមូលផងដែរ។
សារលិតខិត ដែលចុះហត្ថលេខាដោយ សម្ដេចនាយរដ្ឋមន្ត្រី ហ៊ុន សែន បានបន្តថា សន្តិភាពរបស់ប្រទេសជាតិ និងប្រជាជន គឺជាអាទិភាព ដែលឈរលំដាប់ខ្ពស់បំផុតសម្រាប់ រាជរដ្ឋាភិបាលកម្ពុជា ដែលគ្មានអ្វីជំនួសបានឡើយ។ សារលិខិតនោះ បានបន្ថែមទៀត សម្រាប់កម្ពុជា នេះគឺជាសន្តិភាព ដែលបានមកពីការបូជាសាច់ស្រស់ឈាមស្រស់ក្នុ ងការតស៊ូរំដោះប្រទេសជាតិចេញពីរបបប្រល័យពូជសាសន៍ ប៉ុល ពត ដែលបានសម្លាប់រង្គាលប្រជាជនខ្មែរ និងបំផ្លាញគ្រប់ហេដ្ឋារចនាសម្ព័ន្ពទូទាំងប្រទេសស្ទើរសូន្យ។
ប្រមុខរដ្ឋាភិបាលកម្ពុជា បានបញ្ជាក់ក្នុងសារលិខិត យ៉ាងនេះថា៖«រាជរដ្ឋាភិបាល មានការប្ដេជ្ញាចិត្តយ៉ាងម៉ឺងម៉ាត់ ក្នុងការរក្សាការពារសន្តិភាពនេះ ពីព្រោះសន្តិភាព ដែលយើងបានមកនេះ គឺជាសេចក្ដីសុខរួមសម្រាប់យើងទាំងអស់គ្នា»។
សារលិខិតដដែលនោះ បានលើកឡើងទៀតថា កម្ពុជា ក៏ដើរតួនាទី ក្នុងការចូលរួមធានានូវសន្តិភាព និងសន្តិសុខពិភពលោក តាមរយៈការចូលរួមជាភាគីនៃសន្ធិសញ្ញា និងពិធីសារអន្តរជាតិជាច្រើនដូចជា សន្តិសញ្ញាស្តីពីការមិនផលិតអាវុធនុយក្លេអ៊ែរ អនុសញ្ញានិងពិធីសារអន្តរជាតិការហាមឃាត់ការផលិត ការស្តុកទុក និងការប្រើប្រាស់មីន អាវុធគីមី និងអាវុធជីវសាស្ត្រ ហើយនិងអនុសញ្ញាស្ដីពីការប្រយុទ្ធប្រឆាំងភេរវកម្ម៕
សារលិខិតរបស់ប្រមុខរាជរដ្ឋាភិបាលកម្ពុជា បានឲ្យដឹងថា «ទិវាសន្តិភាពអន្តរជាតិ» ត្រូវបានប្រាព្ធទូទាំងពិភពលោកនៅថ្ងៃទី២១ ខែកញ្ញា ជារៀងរាល់ឆ្នាំ បន្ទាប់ពីមានការអនុម័ត ដោយមហាសន្និបាតអង្គការសហប្រជាជាតិលើកទី៥៥ កាលពីឆ្នាំ២០០១ ដើម្បីលុបបំបាត់អំពើហិង្សា បញ្ឈប់សង្គ្រាម ជំរុញឲ្យមានសន្តិភាពក្នុងប្រទេស ក្នុងតំបន់ ក៏ដូចជាក្នុងពិភពលោកទាំងមូលផងដែរ។
សារលិតខិត ដែលចុះហត្ថលេខាដោយ សម្ដេចនាយរដ្ឋមន្ត្រី ហ៊ុន សែន បានបន្តថា សន្តិភាពរបស់ប្រទេសជាតិ និងប្រជាជន គឺជាអាទិភាព ដែលឈរលំដាប់ខ្ពស់បំផុតសម្រាប់ រាជរដ្ឋាភិបាលកម្ពុជា ដែលគ្មានអ្វីជំនួសបានឡើយ។ សារលិខិតនោះ បានបន្ថែមទៀត សម្រាប់កម្ពុជា នេះគឺជាសន្តិភាព ដែលបានមកពីការបូជាសាច់ស្រស់ឈាមស្រស់ក្នុ ងការតស៊ូរំដោះប្រទេសជាតិចេញពីរបបប្រល័យពូជសាសន៍ ប៉ុល ពត ដែលបានសម្លាប់រង្គាលប្រជាជនខ្មែរ និងបំផ្លាញគ្រប់ហេដ្ឋារចនាសម្ព័ន្ពទូទាំងប្រទេសស្ទើរសូន្យ។
ប្រមុខរដ្ឋាភិបាលកម្ពុជា បានបញ្ជាក់ក្នុងសារលិខិត យ៉ាងនេះថា៖«រាជរដ្ឋាភិបាល មានការប្ដេជ្ញាចិត្តយ៉ាងម៉ឺងម៉ាត់ ក្នុងការរក្សាការពារសន្តិភាពនេះ ពីព្រោះសន្តិភាព ដែលយើងបានមកនេះ គឺជាសេចក្ដីសុខរួមសម្រាប់យើងទាំងអស់គ្នា»។
សារលិខិតដដែលនោះ បានលើកឡើងទៀតថា កម្ពុជា ក៏ដើរតួនាទី ក្នុងការចូលរួមធានានូវសន្តិភាព និងសន្តិសុខពិភពលោក តាមរយៈការចូលរួមជាភាគីនៃសន្ធិសញ្ញា និងពិធីសារអន្តរជាតិជាច្រើនដូចជា សន្តិសញ្ញាស្តីពីការមិនផលិតអាវុធនុយក្លេអ៊ែរ អនុសញ្ញានិងពិធីសារអន្តរជាតិការហាមឃាត់ការផលិត ការស្តុកទុក និងការប្រើប្រាស់មីន អាវុធគីមី និងអាវុធជីវសាស្ត្រ ហើយនិងអនុសញ្ញាស្ដីពីការប្រយុទ្ធប្រឆាំងភេរវកម្ម៕
© រក្សាសិទ្ធិដោយ thmeythmey.com
