ជាតិ
សង្គមជាតិ
×![]()
ដោយ: ថ្មីៗ
បុរស២នាក់ ត្រូវបានសាលដំបូងរាជធានីភ្នំពេញ កាត់ទោសឲ្យជាប់ពន្ធនាគាររយៈពេល៧ឆ្នាំ និងសងសំណងជាង៩ម៉ឺនដុល្លារទៅជនរងគ្រោះ ពីបទជួញដូរមនុស្សចំនួន១៧នាក់ទៅប្រទេសចិន។ ក្នុងករណីនេះ ជនល្មើស បានបោកជនរងគ្រោះ ក្រោមរូបភាពផ្តល់ឱកាសរៀនថ្នាក់បរិញ្ញាបត្រ និងទទួលការបណ្តុះបណ្តាលវិជ្ជាជីវៈ កាត់ដេរសម្លៀកបំពាក់។
បុរស២នាក់ ត្រូវបានតុលាការកាត់ទោសឲ្យជាប់ពន្ធនាគារ៧ឆ្នាំ កាលពីនៅថ្ងៃទី២៥ ខែកញ្ញា ពីបទជួញដូរជនរងគ្រោះចំនួន១៧នាក់ ទៅប្រទេសចិន មាត្រា១១ នៃច្បាប់បង្ក្រាបអំពើជួញដូរមនុស្សរបស់ប្រទេសកម្ពុជា។ តុលាការ ក៏បង្គាប់ឲ្យជនជាប់ចោ រួមគ្នាសងសំណងចំនួន ៩២,២០០ដុល្លារ ដល់ជនរងគ្រោះផងដែរ។
សេចក្តីប្រកាសព័ត៌មានរបស់អង្គការបេសកម្មយុត្តិធម៌អន្តរជាតិប្រចាំកម្ពុជា (IJM) នៅថ្ងៃទី២៥ខែកញ្ញា បានឲ្យដឹងថា ជនល្មើល បានបោកបញ្ឆោតជនរងគ្រោះ ក្នុងរូបភាពផ្តល់ឱកាសរៀនថ្នាក់បរិញ្ញាបត្រ និងទទួលការបណ្តុះបណ្តាលវិជ្ជាជីវៈ កាត់ដេរសម្លៀកបំពាក់ តាមរយៈវិទ្យាស្ថានបណ្តុះបណ្តាលគណនេយ្យវិជ្ជាជីវៈ(IPAT)។ តែផ្ទុយទៅវិញ ជនរងគ្រោះត្រូវបានជួញដូរទៅប្រទេសចិន ធ្វើការជាកម្មកររោងចក្រ។
តាមសាក្សីដែលជាជនរងគ្រោះ ពួកគេត្រូវបានតម្រូវឲ្យធ្វើការ៧ថ្ងៃ ក្នុងមួយសប្តាហ៍ ហើយទទួលបានតែពាក់កណ្តាល នៃប្រាក់ឈ្នួលដំបូងដែលបានសន្យា។ បើទោះជនរងគ្រោះទទួលបាន ការរៀនភាសាចិនបឋម ប៉ុន្តែពួកគេត្រូវបង់ថ្លៃឈ្នួលបន្ថែមទៀតគ្រប់ទីកន្លែង និងត្រូវតម្រូវឲ្យធ្វើការនៅពេលពួកគេឈឺ។ នេះបើតាម អង្គការ IJM ដែលបានស្រង់សម្តីរបស់ជនរងគ្រោះ។
លោក Peter Williams នាយកអង្គការ IJM បានចាត់ទុកការផ្តន្ទាទោសទាំងនេះ គឺជាសញ្ញាបង្ហាញថា តុលាការកម្ពុជា មានសមត្ថភាពមើលហួសពីអាការខាងក្រៅ ដែលបង្ហាញពីភាពគួរឲ្យគោរពរបស់ជនល្មើសទាំងនេះ និងមើលឃើញជាក់ស្តែងជាក់ច្បាស់អំពីអាជីវកម្មមួយនេះ ដែលជាបណ្តាញឧក្រិដ្ឋជួញដូរ៕
បុរស២នាក់ ត្រូវបានតុលាការកាត់ទោសឲ្យជាប់ពន្ធនាគារ៧ឆ្នាំ កាលពីនៅថ្ងៃទី២៥ ខែកញ្ញា ពីបទជួញដូរជនរងគ្រោះចំនួន១៧នាក់ ទៅប្រទេសចិន មាត្រា១១ នៃច្បាប់បង្ក្រាបអំពើជួញដូរមនុស្សរបស់ប្រទេសកម្ពុជា។ តុលាការ ក៏បង្គាប់ឲ្យជនជាប់ចោ រួមគ្នាសងសំណងចំនួន ៩២,២០០ដុល្លារ ដល់ជនរងគ្រោះផងដែរ។
សេចក្តីប្រកាសព័ត៌មានរបស់អង្គការបេសកម្មយុត្តិធម៌អន្តរជាតិប្រចាំកម្ពុជា (IJM) នៅថ្ងៃទី២៥ខែកញ្ញា បានឲ្យដឹងថា ជនល្មើល បានបោកបញ្ឆោតជនរងគ្រោះ ក្នុងរូបភាពផ្តល់ឱកាសរៀនថ្នាក់បរិញ្ញាបត្រ និងទទួលការបណ្តុះបណ្តាលវិជ្ជាជីវៈ កាត់ដេរសម្លៀកបំពាក់ តាមរយៈវិទ្យាស្ថានបណ្តុះបណ្តាលគណនេយ្យវិជ្ជាជីវៈ(IPAT)។ តែផ្ទុយទៅវិញ ជនរងគ្រោះត្រូវបានជួញដូរទៅប្រទេសចិន ធ្វើការជាកម្មកររោងចក្រ។
តាមសាក្សីដែលជាជនរងគ្រោះ ពួកគេត្រូវបានតម្រូវឲ្យធ្វើការ៧ថ្ងៃ ក្នុងមួយសប្តាហ៍ ហើយទទួលបានតែពាក់កណ្តាល នៃប្រាក់ឈ្នួលដំបូងដែលបានសន្យា។ បើទោះជនរងគ្រោះទទួលបាន ការរៀនភាសាចិនបឋម ប៉ុន្តែពួកគេត្រូវបង់ថ្លៃឈ្នួលបន្ថែមទៀតគ្រប់ទីកន្លែង និងត្រូវតម្រូវឲ្យធ្វើការនៅពេលពួកគេឈឺ។ នេះបើតាម អង្គការ IJM ដែលបានស្រង់សម្តីរបស់ជនរងគ្រោះ។
លោក Peter Williams នាយកអង្គការ IJM បានចាត់ទុកការផ្តន្ទាទោសទាំងនេះ គឺជាសញ្ញាបង្ហាញថា តុលាការកម្ពុជា មានសមត្ថភាពមើលហួសពីអាការខាងក្រៅ ដែលបង្ហាញពីភាពគួរឲ្យគោរពរបស់ជនល្មើសទាំងនេះ និងមើលឃើញជាក់ស្តែងជាក់ច្បាស់អំពីអាជីវកម្មមួយនេះ ដែលជាបណ្តាញឧក្រិដ្ឋជួញដូរ៕
© រក្សាសិទ្ធិដោយ thmeythmey.com
