ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
ចំបក់ តំបន់ទេសចរណ៍ធម្មជាតិដ៏ស្រស់ស្អាត នៅមិនឆ្ងាយពីរាជធានី
26, Sep 2017 ,
7:39 pm
រូបភាព
×
ដោយ:
តំបន់អេកូទេសចរណ៍សហគមន៍ចំបក់ ស្ថិតនៅក្បែរឧទ្យានជាតិគិរីរម្យ ដែលមានចម្ងាយប្រហែល ១០៦ គីឡូម៉ែត្រ ពីរាជធានីភ្នំពេញ។ តំបន់ទេសចរណ៍មួយនេះ មានទេសភាពធម្មជាតិ ដ៏ស្រស់ស្អាត ដែលភ្ញៀវទេសចរជាតិ និងអន្តរជាតិ មិនគួរមើលរំលងនោះឡើយ។
ក្រៅពីទឹកធ្លាក់ជាច្រើនកន្លែង និងទេសភាពព្រៃឈើដ៏ទាក់ទាញ តំបន់អេកូទេសចរណ៍ចំបក់ ក៏មានមានរទេះគោ សម្រាប់ភ្ញៀវជិះកម្សាន្ត និងផ្ទះស្នាក់របស់ប្រជាជននៅក្នុងតំបន់នេះ ជាដើម ដើម្បីឲ្យអ្នកទេសចរសម្រាកផងដែរ។
កាលពីឆ្នាំ ២០០៤ ប្រជាពលរដ្ឋប្រមាណ ៤៩.១ ភាគរយ នៃពលរដ្ឋជាង ៥០០ គ្រួសារ នៅក្នុងឃុំចំបក់នេះ ជាគ្រួសារក្រីក្រ។ ប្រភពចំណូលរបស់ពួកគេ បានមកពីការបង្កបង្កើនផលស្រូវ ការបរបាញ់សត្វ និងការប្រមូលអនុផលព្រៃឈើ (NTFP)។ ដីព្រៃរបស់ពួកគេត្រូវបានកាប់បំផ្លាញនិងទន្ទ្រានដោយខុសច្បាប់ ខណៈដែលការយល់ដឹងអំពីច្បាប់នៅមានកម្រិតទាប ហើយការអនុវត្តច្បាប់មិនត្រូវបានអនុវត្តត្រឹមត្រូវ។ កាលនោះ មិនទាន់មានអង្គការ ឬសហគមន៍ណាដែលគ្រប់គ្រងព្រៃឈើនៅឡើយទេ។
ក៏ប៉ុន្តែចាប់តាំងពីសហគមន៍ទេសចរណ៍ធម្មជាតិចំបក់ បង្កើតឡើងនៅឆ្នាំ ២០០៤ មក អត្រាភាពក្រីក្រនៅក្នុងឃុំចំបក់ បានថយចុះពី ៤៩.១ ភាគរយ មកនៅត្រឹម ៣០.១៤ ភាគរយ ក្នុងរយៈពេល ១០ ឆ្នាំ (ឆ្នាំ ២០០៤-២០១៤)។
ចាប់តាំងពីឆ្នាំ ២០១០ មក សហភាពអឺរ៉ុបបាននិងកំពុងគាំទ្រដល់សហគមន៍អេកូទេសចរណ៍ចំបក់ តាមរយៈការផ្ដល់ជំនួយហិរញ្ញវត្ថុដល់អង្គការ ម្លប់បៃតង ដើម្បីអនុវត្តគម្រោងគ្រប់គ្រងព្រៃសហគមន៍ និងកែលម្អជីវភាពរស់នៅប្រជាពលរដ្ឋ (CFMLI)។ ជាមួយនឹងការគាំទ្រនេះ តំបន់អេកូទេសចរណ៍សហគមន៍ ចំបក់ បានក្លាយជាគំរូមួយសម្រាប់ការលើកទឹកចិត្តប្រជាសហគមន៍ឲ្យចូលរួមនៅក្នុងការការពារបរិស្ថាន ការកែលម្អជីវភាពប្រជាពលរដ្ឋ និងបទពិសោធន៍ដំណើរកម្សាន្តទៅកាន់តំបន់អេកូទេសចរណ៍ធម្មជាតិសុទ្ធសាធ។
សហគមន៍អេកូទេសចរណ៍ចំបក់ (CBET) បានផ្ដល់សេវាដល់អ្នកទេសចរជិត ១៤០០០ នាក់ និងរកចំណូលបានប្រហែល ៥៩,០០០ ដុល្លារអាមេរិក នៅក្នុងឆ្នាំ ២០១៥ ។ សហគមន៍អេកូទេសចរណ៍ចំបក់ បានទទួលពានរង្វាន់ការងារទេសចរណ៍បៃតងពីនាយករដ្ឋមន្ត្រី ថ្នាក់សុវត្ថារា (Chevalier) និងពានរង្វាន់កេរដំណែលពិភពលោកឆ្នាំ ២០១៧ ពីស្ថាប័ន National Geographic ។
លោក ទូច ម៉ន ប្រធានសហគមន៍ចំបក់ មានប្រសាសន៍យ៉ាងនេះថា ៖ «ឥឡូវនេះ យើងយល់ច្បាស់ពីតម្លៃរបស់ធម្មជាតិ ហើយយើងការពារធម្មជាតិប្រឆាំងគ្រប់សកម្មភាពខុសច្បាប់ទាំងអស់។ យើងផ្ទេរចំណេះដឹងដល់កូនចៅរបស់យើង ដល់ភ្ញៀវទេសចរ និងដល់សហគមន៍ដទៃទៀត ដើម្បីអភិរក្សធនធានធម្មជាតិ សម្រាប់អនាគត»។
ឯកអគ្គរដ្ឋទូតសហភាពអឺរ៉ុប លោក George Edgar មានប្រសាសន៍បន្ថែមដូច្នេះថា ៖ «ខ្ញុំសប្បាយរីករាយដោយបានឃើញការផ្លាស់ប្ដូរដ៏គួរឲ្យកត់សម្គាល់នៅក្នុងឃុំចំបក់ និងសូមអបអរសាទរចំពោះជោគជ័យរបស់សហគមន៍ដែលអាចទ្រទ្រង់ខ្លួនឯងបាន។ សហគមន៍ចំបក់ក៏អាចដើរតួនាទីជាគំរូសម្រាប់តំបន់អេកូទេសចរណ៍ដទៃទៀត នៅក្នុងប្រទេសកម្ពុជា ផងដែរ»។
លោក George Edgar ឯកអគ្គរដ្ឋទូតសហភាពអឺរ៉ុបប្រចាំកម្ពុជា មានប្រសាសន៍ថា ៖ «ខ្ញុំសូមលើកទឹកចិត្តដល់អ្នកទេសចរជាតិ និងអន្តរជាតិ សូមអញ្ជើញមកលេងតំបន់អេកូទេសចរណ៍សហគមន៍ចំបក់ (CBET)។ ការមកលេងរបស់អ្នកនឹងលើកទឹកចិត្តដល់សហគមន៍នេះឲ្យបន្តគ្រប់គ្រងធនធានធម្មជាតិប្រកបដោយនិរន្តរភាព ហើយស្របពេលជាមួយគ្នានេះដែរ អ្នកនឹងចូលរួមចំណែកក្នុងការលើកកម្ពស់ ជីវភាពរស់នៅរបស់សហគមន៍ក្រីក្រ»។
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ចំបក់
George Edgar
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
3 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ថ្ងៃ
«ប្រេសិត»មានន័យដូចម្តេច?
4 ថ្ងៃ
អត្ថបទពេញនិយមបន្ថែម