ពីនេះ ពីនោះ
ព័ត៍មានសុខភាព
ហាត់ប្រាណអាចបន្ថយគ្រោះថ្នាក់នៃការញ៉ាំគ្រឿងស្រវឹងដែរទេ?
× ការសិក្សាមួយបានឲ្យដឹងថា ការហាត់ប្រាណប្រហែលជាអាចប៉ះប៉ូវភាពគ្រោះថ្នាក់នៃការញ៉ាំគ្រឿងស្រវឹងជាទៀងទាត់មួយចំនួនបាន ប៉ុន្តែមិនទាំងអស់នោះទេ ជាពិសេសនៅពេលញ៉ាំគ្រឿងស្រវឹងច្រើនៗតែម្តង។ ការសិក្សាចុងក្រោយបង្អោះមួយនេះបានពិនិត្យមើលទៅលើការស្លាប់ដោយសារតែជំងឺំហារីក ជំងឺបេះដូងសរសៃឈាម ព្រមទាំងការឆាប់ស្លាប់មុនអាយុ (ស្លាប់មុនអាយុ ៧៥ឆ្នាំ)។
អ្នកស្រាវជ្រាវបានពិនិត្យមើលរយៈពេល ១០ឆ្នាំនៃការសង្កេតថ្នាក់ជាតិពីលើមនុស្សធំជនជាតិអង់គ្លេសអាយុចាប់ពី ៤០ឆ្នាំឡើងទៅ។ អ្វីដែលធម្មតានោះគឺថា វាមានទំនាក់ទំនងមួយរវាងមូលហេតុទាំងអស់ និងការស្លាប់ដោយសារតែមហារីកលើមនុស្សដែលរស់នៅអសកម្ម។ ប៉ុន្តែពួកគេក៏រកឃើញថា ការធ្វើលំហាត់ប្រាណរាងកាយជាទូទៅ នឹងលុបបំបាត់បញ្ហាដែលទាក់ទងនឹងការញ៉ាំគ្រឿងស្រវឹង។ តាមពិតទៅ ការញ៉ាំគ្រឿងស្រវឹងម្តងម្កាលអាចជួយបន្ថយការស្លាប់បានគ្រប់មូលហេតុទាំងអស់សម្រាប់មនុស្សដែលមានភាពសកម្មបំផុត។
ថ្វីបើការសិក្សាបានធ្វើទៅលើមនុស្សក្នុងលក្ខណៈទ្រង់ទ្រាយធំ និងតាមដានទៀងទាត់ក៏ដោយ តែយើងនៅតែមិនអាចច្បាស់ថា រាល់ទំនាក់ទំនងទាំងអស់សុទ្ធតែអាចកើតមានរវាងការញ៉ាំគ្រឿងស្រវឹង និងការហាត់ប្រាណដែរ។ ឧទាហរណ៍ អ្នកដែលមានភាពសកម្មខាងរាងកាយក៏ប្រហែលជាចៀសវាងការជក់បារី និងញ៉ាំអាហារផ្តល់សុខភាពបន្ថែមទៀត។ វាពិបាកណាស់ក្នុងការគ្រប់គ្រងឥទ្ធិពលទាំងអស់នេះនៅពេលវិភាគទៅលើទិន្នន័យខាងលើ។
ខណៈពេលដែលការហាត់ប្រាណទៀងទាត់អាចជួយទប់ទល់គ្រោះថ្នាក់នៃការញ៉ាំគ្រឿងស្រវឹងច្រើនៗបាន តែវាក៏មិនល្អសម្រាប់ប្រព័ន្ធភាពស៊ាំដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com