ទូតអាមេរិក ចូលរួមរំលែកទុក្ខគ្រួសារព្រឹទ្ធាចារ្យ វណ្ណ ម៉ូលីវណ្ណ

ជាតិ

សង្គមជាតិ

ទូតអាមេរិក ចូលរួមរំលែកទុក្ខគ្រួសារព្រឹទ្ធាចារ្យ វណ្ណ ម៉ូលីវណ្ណ

28, Sep 2017 , 1:44 pm

រូបភាព

លោកឯកអគ្គរដ្ឋទូតអាមេរិកប្រចាំនៅកម្ពុជា និងភរិយា អុជធូបក្នុងអំឡុងពិធីបុណ្យភ្ជុំបិណ្ឌកន្លងទៅ។ រូបពីហ្វេសប៊ុកស្ថានទូតអាមេរិក

ដោយ: ថ្មីៗ

ស្ថានទូតអាមេរិកប្រចាំនៅកម្ពុជា បានសម្តែងការសោកស្តាយ និងចូលរួមមរណទុក្ខជាមួយក្រុមគ្រួសារព្រឹទ្ធាចារ្យ វណ្ណ ម៉ូលីវណ្ណ ចំពោះការបាត់បាត់ស្ថាបករខ្មែរដ៏មានទេព្យកោសល្យរូបនេះ។ លោកព្រឹទ្ធាចារ្យ ទទូលមរណភាព នៅព្រឹកថ្ងៃទី ២៨ ខែកញ្ញា ឆ្នាំ ២០១៧ ក្នុងជន្មាយុ ៩១ ឆ្នាំ។

សាររំលែកមរណទុក្ខ ដែលស្ថានទូតអាមេរិក បង្ហោះនៅលើបណ្តាញសង្គមហ្វេសប៊ុកនៅថ្ងៃនេះ មានខ្លឹមសារយ៉ាងនេះថា៖ «ស្ថានទូតអាមេរិកសូមសម្តែងសមានទុក្ខយ៉ាងជ្រាលជ្រៅបំផុត ចំពោះគ្រួសាររបស់លោក វណ្ណ ម៉ូលីវណ្ណ ដែលជាស្ថាបត្យករដឹកនាំគេដំបូង ដែលបានស្លាប់នៅគេហដ្ឋានរបស់លោក ក្នុងខេត្តសៀមរាប»។

ជាមួយគ្នានេះ ស្ថានទូតប្រទេសមហាអំណាចមួយនេះ បន្តលើកឡើងថា នៅក្នុងអាជីពដ៏អស្ចារ្យរបស់លោកតា វណ្ណ ម៉ូលីវណ្ណ ស្នាដៃលេចធ្លោរបស់លោកនៅកម្ពុជា មានដូចជាពហុកីឡដ្ឋានអូឡាំពិក សាលចតុមុខ និងវិមានឯករាជ្យ ជាដើម។ «លោកបានឈានមុខស្ថាបត្យករឯទៀតៗ ដែលបានរួមចំណែកធ្វើអោយមានរចនាបទពិសេស ដែលនាំឲ្យគេប្រើពាក្យថា ស្ថាបត្យកម្មបែបថ្មីរបស់ខ្មែរ»។ នេះជាការសរសេររបស់ស្ថានទូតអាមេរិកប្រចាំកម្ពុជា។

បើតាមស្ថានទូតអាមេរិកដដែល ពិព័រណ៌នៃស្នាដៃឯកខ្លះ ជាគំរូរបស់លោកព្រឹទ្ធាចារ្យ ដែលខ្ចីមកពីគម្រោង The Vann Molyvann Project ក៏មានដាក់តាំងនៅក្នុងស្ថានទូតអាមេរិក រហូតដល់ដំណាច់ឆ្នាំ ២០១៧។ ស្ថានទូតនេះ បញ្ជាក់ថា ប្រជាពលរដ្ឋ អាចទស្សនាពិព័រណ៌នេះបាន ដោយគ្រាន់តែស្នើសុំមកស្ថានទូតជាមុន តាមរយៈអ៊ីម៉េលមក

៕