ពីនេះ ពីនោះ
ព័ត៍មានសុខភាព
រោគសញ្ញាជំងឺធ្លាក់ទឹកចិត្ត លើកូនក្មេងៗ និងក្មេងជំទង់
× សញ្ញា និងរោគសញ្ញាដែលកើតមានជាញឹកញាប់នោះ គឺវាប្រហាក់ប្រហែលទៅនឹងរោគសញ្ញារបស់មនុស្សធំដែរ ប៉ុន្តែ វាអាចខុសគ្នាបន្តិចបន្តួចប៉ុណ្ណោះ។
សម្រាប់កូនក្មេង រោគសញ្ញាអាចមានដូចជា ៖
• ចេះតែព្រួយចិត្ត
• ទឹកមុខមិនស្រស់ថ្លា
• រវើររវាយ (ពេលខ្លះ និយាយមិនដឹងខុសត្រូវ)
• ឆាប់ខឹង
• ឈឺរាងកាយ
• មិនព្រមទៅសាលា ឬរៀនសូត្រ
• ស្រកទម្ងន់។
សម្រាប់ក្មេងជំទង់វិញ រោគសញ្ញាមានដូចជា ៖
• ទុក្ខព្រួយ
• ឆាប់ខឹង
• មានអារម្មណ៍អវិជ្ជមាន
• គិតថាខ្លួនឯងគ្មានតម្លៃ
• ការរៀនសូត្រធ្លាក់ចុះ ឬមិនព្រមទៅសាលារៀន
• ភណ្ឌច្រឡំ
• ឆាប់មួរម៉ៅ
• ប្រើប្រាស់ថ្នាំញៀន ឬផឹកស្រា
• គ្មានអារម្មណ៍ធ្វើអ្វី
• កាត់បន្ថយទំនាក់ទំនងក្នុងសង្គម មនុស្សជុំវិញខ្លួន និងឪពុកម្តាយ។
រោគសញ្ញា ចំពោះមនុស្សធំ
ជំងឺធ្លាក់ទឹកចិត្ត មិនមែនជាផ្នែកមួយ នៃការរីកលូតលាស់របស់មនុស្សធំនោះទេ ប៉ុន្តែ អ្នកក៏មិនគួរមើលស្រាលទៅលើបញ្ហានេះដែរ។ ជាអកុសល ជំងឺធ្លាក់ទឹកចិត្ត មិនត្រូវបានគេរកឃើញ និងព្យាបាល ចំពោះមនុស្សធំនោះទេ ហើយពួកគេទាំងនោះទៀតសោត ក៏មានការខ្មាស់អៀន និងមានអារម្មណ៍ស្ទាក់ស្ទើរក្នុងការស្វែងរកជំនួយ និងការព្យាបាលដែរ។
រោគសញ្ញាដែលអាចកើតមាន ចំពោះមនុស្សធំនោះ មានដូចជា ៖
• ផ្លាស់ប្តូរអារម្មណ៍
• ឈឺរាងកាយ
• អស់កម្លាំង
• មិនចង់ញ៉ាំអាហារ ឬធ្វើអ្វីនោះទេ
• គិតអវិជ្ជមាន រហូតពេលខ្លះ គិតថាចង់សម្លាប់ខ្លួនទៀតផង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com