Floyd បង្ហាញភូមិគ្រិះថ្មីទើបទិញ តម្លៃ ២៥លានដុល្លារ

កីឡាអន្តរជាតិ

អន្តរជាតិ

Floyd បង្ហាញភូមិគ្រិះថ្មីទើបទិញ តម្លៃ ២៥លានដុល្លារ

01, Oct 2017 , 8:59 pm

រូបភាព

ដោយ: ទេព ពិទូរ្យ

កំពូលអ្នកប្រដាល់ Floyd Mayweather បានសម្ញែងគេហដ្ឋានថ្មីមានឈ្មោះថា 'Beverly Hills castle' តម្លៃ២៥លានដុល្លារ ដែលមានទីតាំងនៅរដ្ឋឡាវេហ្គាសសហរដ្ឋអាមេរិក។ នៅក្នុងផ្ទះនោះមានបន្ទប់គេង៦ បន្ទប់ទឹក១០ រួមទាំងមានរោងកុនដែលអាចផ្ទុកអ្នកទស្សនា៥០នាក់ និងគ្រឿងបរិក្ខាផ្សេងៗជាច្រើនទៀតផងដែរ។

អ្នកប្រដាល់មិនដែលស្គាល់ចាញ់សោះរបស់អាមេរិក និងជាម្ចាស់ខ្សែក្រវាតពិភពលោក៥ប្រភេទទម្ងន់ផ្សេងគ្នា ទើបតែផ្តួលអ្នកវាយក្នុងទ្រុង Conor McGregor នៅសង្វៀន T-Mobile Arena នាទីក្រុងឡាវេហ្គាស រដ្ឋ Nevada កន្លងមក។

Floyd បានបញ្ឈប់ស្តេចប្រដាល់ UFC របស់សាធារណរដ្ឋអៀរឡង់ត្រឹមទឹកទី១០ប៉ុណ្ណោះ ក្នុងការប្រកួតដែលបានបំបែកឯតទគ្គកម្មអាជីពរបស់គេដោយឈ្នះទាំង៥០ដង ហើយនិងត្រូវបានគេរំពឹងថាអ្នកប្រដាល់វ័យ៤០ឆ្នាំនេះ អាចរកប្រាក់ចំណូលបានច្រើនជាង ២៥០លានផោន ប្រមាណជា៣៣៧លានដុល្លារអាមេរិកទៀតផង។

បើតាម DailyMail ចុះផ្សាយ Mayweather កំពុងរីករាយជាមួយការចូលនិវត្តន៍របស់ខ្លួននៅក្នុងភូមិគ្រិះដ៏ធំស្កឹមស្កៃ តម្លៃ១៨.៩លានផោន ប្រមាណ ២៥លាដុល្លារ។ នៅខាងក្នុងវិមាន Beverly Hills នេះ មានអាងទឹក បន្ទប់គេងធំទូលាយ មានហាងតូចមួយ មានបន្ទប់ដាក់ស្រាដ៏ធំល្វឹងល្វើយ ហើយលើសពីនេះទៀតនោះថែមទាំងមានរោងកុនស្រាប់នៅក្នុងផ្ទះតែម្តង៕