ជាតិ
សង្គមជាតិ
រូបលោកព្រឹទ្ធាចារ្យ ក្នុងអំឡុងពេលផ្តល់បទសម្ភាសន៍ដល់សារព័ត៌មានថ្មីៗ កាលពីមិនទទួលមរណភាព
×![]()
ដោយ: ថ្មីៗ
ភ្នំពេញ៖ ព្រឹទ្ធាចារ្យ វណ្ណ ម៉ូលីវណ្ណ បានទទួលមរណភាពនៅអាយុ ៩១ឆ្នាំ។ លោកកើតនៅថ្ងៃទី ២៣ ខែវិច្ឆិកាឆ្នាំ១៩២៦ នៅខេត្តកំពត ។ លោកមានបងប្អូនចំនួន៣នាក់ ដែលលោកជាកូនទី២ក្នុងគ្រួសារ។ ភរិយារបស់លោកមានឈោះ Amberg Gertrude ជាជនជាតិស្វីស ។ លោកមានកូនចំនួន ៦រូប ប្រុស៣រូប និងស្រី៣រូប។ ខាងក្រោមនេះជាប្រវត្តិខ្លះៗនៃការសិក្សា ការងារ និងស្នាដៃរបស់លោក វណ្ណ ម៉ូលីវណ្ណ ដែលសារព័ត៌មានថ្មីៗទទួលបានពីក្រុមគ្រួសារស្ថាបត្យករ វណ្ណ ម៉ូលីវណ្ណ។
ចាប់ពីឆ្នាំ ១៩៤៥ ដល់ឆ្នាំ១៩៤៦ លោក វណ្ណ ម៉ូលីវណ្ណ សិក្សាផ្នែកច្បាប់ នៅសាលាភូមិន្ទរដ្ឋបាលភ្នំពេញ។ នៅឆ្នាំ១៩៤៦ លោកបានទទួលអាហារូបករណ៍បន្តការសិក្សាផ្នែកច្បាប់ នៅសាកលវិទ្យាល័យ Sorbonne University នៅទីក្រុងប៉ារីស ប្រទេសបារាំង។ នៅឆ្នាំ ១៩៤៧ លោកឈប់រៀនច្បាប់ ហើយបែរមកចូលរៀនផ្នែកស្ថាបត្យកម្មនៅសាលាជាតិជាន់ខ្ពស់វិចិត្រសិល្បៈ និងទទួលបានសញ្ញបត្រស្ថាបត្យកម្មពីរដ្ឋាភិបាលបារាំងនៅឆ្នាំ ១៩៥៥ ។ នៅឆ្នាំ ២០០៨ លោកទទួលបានសញ្ញាបត្របណ្ឌិតស្ថាបត្យកម្ម ពីសាកលវិទ្យាល័យប៉ារីស ៨ (University of Paris 8) ។
នៅឆ្នាំ ១៩៥៦ លោក វណ្ណ ម៉ូលីវណ្ណ បានវិលត្រឡប់មកកម្ពុជាវិញ។ ចាប់ពីឆ្នាំនោះមក លោកត្រូវបានផ្ដល់មុខតំណែង និងភារកិច្ចជាច្រើន។ តួនាទីសំខាន់ៗដែលលោកធ្វើក្នុងអំឡុងពេលនោះ មានដូចជា ស្ថាបនិក និងជាសាកលវិទ្យាធិការនៃសាកលវិទ្យាល័យភូមិន្ទវិចិត្រសិល្ប និងរដ្ឋមន្ត្រីក្រសួងអប់រំជាតិ។ ចាប់ពីឆ្នាំ ១៩៧២ ដល់ឆ្នាំ១៩៧៩ លោកបំពេញការងារជាស្ថាបត្យករ សាស្ត្រាចារ្យនៅប្រទេសស្វីស និងជាទីប្រឹក្សាវាយតម្លៃគម្រោងរបស់អង្គការសហប្រជាជាតិ និងអង្គការអន្តរជាតិផ្សេងទៀត។
ចាប់ពីឆ្នាំ១៩៧៩ ដល់ឆ្នាំ១៩៨៧ លោកធ្វើជាមន្ត្រីជាន់ខ្ពស់របស់ទីភ្នាក់ងារអង្គការសហប្រជាជាតិ UNCSH ។ ឆ្នាំ១៩៨៨ ដល់ឆ្នាំ១៩៩៣ លោកបំពេញការងារជាឧត្តមប្រឹក្សាបច្ចេកទេសនៅប្រទេស Burundi និងជាអ្នកជំនាញជាន់ខ្ពស់របស់ UNESCO ។ ពីឆ្នាំ១៩៩១ ដល់ឆ្នាំ១៩៩៣ លោកជាឧត្តមប្រឹក្សានៃឧត្តមក្រុមប្រឹក្សាជាតិកម្ពុជា (SNC) ។
នៅឆ្នាំ ១៩៩៣ លោកធ្វើមាតុភូមិនិវត្តន៍មកម្ពុជា និងត្រូវបានផ្ដល់តំណែងជាបន្តបន្ទាប់។ ពីឆ្នាំ១៩៩៣ ដល់ឆ្នាំ២០០១ លោកធ្លាប់ធ្វើជាទេសរដ្ឋមន្ត្រីនៅក្នុងរដ្ឋាភិបាលជាតិបណ្ដោះអាសន្នកម្ពុជា, ទេសរដ្ឋមន្ត្រីទទួលបន្ទុកកិច្ចការវប្បធម៌ វិចិត្រសិល្ប រៀបចំដែនដី និងនគរូបនីយកម្ម, អនុប្រធានឧត្តមប្រឹក្សាជាតិផ្នែកវប្បធម៌, សមាជិកបណ្ឌិតសភាស្ថាបត្យកម្មប្រទេសបារាំង, ប្រធានអគ្គនាយកនៃអាជ្ញាធរអប្សរា។ នៅឆ្នាំ២០០១ លោកត្រូវបានតែងតាំងជាឧត្តមប្រឹក្សាផ្ទាល់អតីតព្រះមហាក្សត្របន្ថែមលើភារកិច្ចដែលរដ្ឋាភិបាលប្រគល់ជូន។ ឆ្នាំ២០០៤ ដល់ មុនថ្ងៃទទួលមរណភាព លោកជាឧត្តមប្រឹក្សាផ្ទាល់ព្រះមហាក្សត្រ និងជាប្រេសិតពិសេស និងអចិន្រៃយ៍នៃព្រះមហាក្សត្រ។
លោក វណ្ណ ម៉ូលីវណ្ណ បានបន្សល់ទុកស្នាដៃជាច្រើន។ ស្នាដៃខាងសំណង់ស្ថាបត្យកម្មរបស់លោក រួមមានជាអាទិ៍ វិមានឯករាជ្យ, មន្ទីពេទ្យគន្ធបុប្ផាទី១, សាលសន្និសីទចតុមុខ, ពហុកីឡដ្ឋានអូឡាំពិត, រោងមហោស្រពជាតិព្រះបាតសុរាម្រឹត, សាលពិព័រណ៍សង្គមរាស្ត្រនិយម មជ្ឈមណ្ឌលភាសាបរទេស (IFL), វិមានចំការមន និងផ្សារធំថ្មី។
លោកបានដឹកនាំធ្វើគម្រោងផែនការខាងនគរូបនីយកម្មជាច្រើននៅកម្ពុជា ដែលមានដូចជា ការរៀបចំឡើងវិញនូវផែនការមេរបស់ក្រុងភ្នំពេញ ផែនការរៀបចំក្រុងតាមបណ្ដោយទន្លេបាសាក់ជាដើម។ ក្រៅពីស្នាដៃផ្នែកសាបត្យកម្ម លោកបាននិពន្ធសៀវភៅមួយចំនួន។ លោកត្រូវបានប្រទាន និងផ្ដល់គ្រឿងឥស្សរិយយសជាច្រើនផងដែរ៕
ចាប់ពីឆ្នាំ ១៩៤៥ ដល់ឆ្នាំ១៩៤៦ លោក វណ្ណ ម៉ូលីវណ្ណ សិក្សាផ្នែកច្បាប់ នៅសាលាភូមិន្ទរដ្ឋបាលភ្នំពេញ។ នៅឆ្នាំ១៩៤៦ លោកបានទទួលអាហារូបករណ៍បន្តការសិក្សាផ្នែកច្បាប់ នៅសាកលវិទ្យាល័យ Sorbonne University នៅទីក្រុងប៉ារីស ប្រទេសបារាំង។ នៅឆ្នាំ ១៩៤៧ លោកឈប់រៀនច្បាប់ ហើយបែរមកចូលរៀនផ្នែកស្ថាបត្យកម្មនៅសាលាជាតិជាន់ខ្ពស់វិចិត្រសិល្បៈ និងទទួលបានសញ្ញបត្រស្ថាបត្យកម្មពីរដ្ឋាភិបាលបារាំងនៅឆ្នាំ ១៩៥៥ ។ នៅឆ្នាំ ២០០៨ លោកទទួលបានសញ្ញាបត្របណ្ឌិតស្ថាបត្យកម្ម ពីសាកលវិទ្យាល័យប៉ារីស ៨ (University of Paris 8) ។
នៅឆ្នាំ ១៩៥៦ លោក វណ្ណ ម៉ូលីវណ្ណ បានវិលត្រឡប់មកកម្ពុជាវិញ។ ចាប់ពីឆ្នាំនោះមក លោកត្រូវបានផ្ដល់មុខតំណែង និងភារកិច្ចជាច្រើន។ តួនាទីសំខាន់ៗដែលលោកធ្វើក្នុងអំឡុងពេលនោះ មានដូចជា ស្ថាបនិក និងជាសាកលវិទ្យាធិការនៃសាកលវិទ្យាល័យភូមិន្ទវិចិត្រសិល្ប និងរដ្ឋមន្ត្រីក្រសួងអប់រំជាតិ។ ចាប់ពីឆ្នាំ ១៩៧២ ដល់ឆ្នាំ១៩៧៩ លោកបំពេញការងារជាស្ថាបត្យករ សាស្ត្រាចារ្យនៅប្រទេសស្វីស និងជាទីប្រឹក្សាវាយតម្លៃគម្រោងរបស់អង្គការសហប្រជាជាតិ និងអង្គការអន្តរជាតិផ្សេងទៀត។
ចាប់ពីឆ្នាំ១៩៧៩ ដល់ឆ្នាំ១៩៨៧ លោកធ្វើជាមន្ត្រីជាន់ខ្ពស់របស់ទីភ្នាក់ងារអង្គការសហប្រជាជាតិ UNCSH ។ ឆ្នាំ១៩៨៨ ដល់ឆ្នាំ១៩៩៣ លោកបំពេញការងារជាឧត្តមប្រឹក្សាបច្ចេកទេសនៅប្រទេស Burundi និងជាអ្នកជំនាញជាន់ខ្ពស់របស់ UNESCO ។ ពីឆ្នាំ១៩៩១ ដល់ឆ្នាំ១៩៩៣ លោកជាឧត្តមប្រឹក្សានៃឧត្តមក្រុមប្រឹក្សាជាតិកម្ពុជា (SNC) ។
នៅឆ្នាំ ១៩៩៣ លោកធ្វើមាតុភូមិនិវត្តន៍មកម្ពុជា និងត្រូវបានផ្ដល់តំណែងជាបន្តបន្ទាប់។ ពីឆ្នាំ១៩៩៣ ដល់ឆ្នាំ២០០១ លោកធ្លាប់ធ្វើជាទេសរដ្ឋមន្ត្រីនៅក្នុងរដ្ឋាភិបាលជាតិបណ្ដោះអាសន្នកម្ពុជា, ទេសរដ្ឋមន្ត្រីទទួលបន្ទុកកិច្ចការវប្បធម៌ វិចិត្រសិល្ប រៀបចំដែនដី និងនគរូបនីយកម្ម, អនុប្រធានឧត្តមប្រឹក្សាជាតិផ្នែកវប្បធម៌, សមាជិកបណ្ឌិតសភាស្ថាបត្យកម្មប្រទេសបារាំង, ប្រធានអគ្គនាយកនៃអាជ្ញាធរអប្សរា។ នៅឆ្នាំ២០០១ លោកត្រូវបានតែងតាំងជាឧត្តមប្រឹក្សាផ្ទាល់អតីតព្រះមហាក្សត្របន្ថែមលើភារកិច្ចដែលរដ្ឋាភិបាលប្រគល់ជូន។ ឆ្នាំ២០០៤ ដល់ មុនថ្ងៃទទួលមរណភាព លោកជាឧត្តមប្រឹក្សាផ្ទាល់ព្រះមហាក្សត្រ និងជាប្រេសិតពិសេស និងអចិន្រៃយ៍នៃព្រះមហាក្សត្រ។
លោក វណ្ណ ម៉ូលីវណ្ណ បានបន្សល់ទុកស្នាដៃជាច្រើន។ ស្នាដៃខាងសំណង់ស្ថាបត្យកម្មរបស់លោក រួមមានជាអាទិ៍ វិមានឯករាជ្យ, មន្ទីពេទ្យគន្ធបុប្ផាទី១, សាលសន្និសីទចតុមុខ, ពហុកីឡដ្ឋានអូឡាំពិត, រោងមហោស្រពជាតិព្រះបាតសុរាម្រឹត, សាលពិព័រណ៍សង្គមរាស្ត្រនិយម មជ្ឈមណ្ឌលភាសាបរទេស (IFL), វិមានចំការមន និងផ្សារធំថ្មី។
លោកបានដឹកនាំធ្វើគម្រោងផែនការខាងនគរូបនីយកម្មជាច្រើននៅកម្ពុជា ដែលមានដូចជា ការរៀបចំឡើងវិញនូវផែនការមេរបស់ក្រុងភ្នំពេញ ផែនការរៀបចំក្រុងតាមបណ្ដោយទន្លេបាសាក់ជាដើម។ ក្រៅពីស្នាដៃផ្នែកសាបត្យកម្ម លោកបាននិពន្ធសៀវភៅមួយចំនួន។ លោកត្រូវបានប្រទាន និងផ្ដល់គ្រឿងឥស្សរិយយសជាច្រើនផងដែរ៕
Tag:
វណ្ណ មូលីវណ្ណ
© រក្សាសិទ្ធិដោយ thmeythmey.com
