ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អន្តរជាតិ
ទីក្រុងផ្កា Jinchang រំពឹងអាចទាក់ទាញអ្នកទេសចរកាន់តែច្រើនពីតំបន់អាស៊ាន
02, Oct 2017 ,
10:05 am
រូបភាព
×
ដោយ:
សៅ ផលនិស្ស័យ (Sao Phal Niseiy)
ទីក្រុងក្មេងខ្ចីរបស់ចិន Jinchang បានប្រែខ្លួនពីវាលខ្សាច់ និងជាតំបន់ឧស្សាហកម្មទៅជាទីក្រុងបៃតងសម្បូរដោយសួនផ្កាចម្រុះដែលជាគោលដៅទាក់ទាញអ្នកទេសចរទៅវិញ។ ទីក្រុងថ្មីដែលស្ថិតនៅខេត្ត Gansu នៅភាគខាងលិចទន្លេលឿងនេះរំពឹងថា ខ្លួននឹងអាចទាកទាញអ្នកទេសចរពីបណ្តាប្រទេសអាស៊ាននៅពេលអនាគតផងក្រោយការអនុវត្តគំនិតផ្តួចផ្តើមខ្សែក្រវ៉ាត់មួយវិថីមួយ។
ស្ថិតនៅនៅប៉ែកពាយព្យនៃប្រទេសចិន និងភាគកណ្តាលនៃខេត្ត Gansu ទីក្រុងក្មេងខ្ចី Jinchang មានឈ្មោះបោះសំឡេងដោយសារការផ្លាស់ប្តូរខ្លួនពីតំបន់ឧស្សាហកម្មនិងវាលខ្សាច់ទៅទីក្រុងនៃសួនផ្កាធំៗមានផ្កាច្រើនប្រភេទ ចម្រុះពណ៌បង្អួតសម្រស់ដាក់ភ្ងៀវទេសចរ។ គេឃើញមានសួនផ្កា Verbena និង ឡាវែនដ័រ ច្រើនជាងគេក្នុងទីក្រុងនេះ។
តាមពិតទៅ ដើមឡើយក្រុង Jinchang នេះសម្បូរហូរហៀរដោយរ៉ែធម្មជាតិមាននីកែល, ទង់ដែង និងកូបាល់ជាដើម ហើយក៏បានក្លាយជាកន្លែងដែលគេបូមយករ៉ែអស់រយៈពេលជាច្រើនឆ្នាំដែរ។
ប៉ុន្តែដោយសារបារម្ភពីការបំពុលបរិស្ថាន អាជ្ញាធរតំបន់បានជំរុញឲ្យមានការផ្លាស់ប្តូរគោលនយោបាយដែលអាចធានាការលូតលាស់ និងអភិវឌ្ឍដោយនិរន្តរភាពនៃទីក្រុង ដោយផ្តោតលើការអភិវឌ្ឍឧស្សាហកម្មផ្កា និងកសិកម្មបែបទំនើបវិញ។
ពាក់ព័ន្ធការអភិវឌ្ឍទីក្រុង លោកស្រី Wun Ming Ming អគ្គលេខាធិការបក្សកុម្មុយនីស្តចិនប្រចាំក្រុង Jinchang បានថ្លែងប្រាប់អ្នកសារព័ត៌មានថ្មីៗថា៖ «ទីក្រុង Jinchang ជាទីក្រុងក្មេងខ្ចីបំផុតមួយ និងជាផ្នែកមួយដ៏សំខាន់នៃវិថីសូត្រផងដែរ»។
លោកស្រីបន្តថា ទីក្រុងនេះក្លាយជាគោលដៅទាក់ទាញភ្ងៀវទេសចរ ហើយឆ្នាំ ២០១៦ ភ្ងៀវទេសចរប្រហែល ៣,៣លាននាក់បានមកទស្សនាទីក្រុងសួនផ្កានេះផងដែរ។ លោកស្រីបង្ហាញក្តីសង្ឃឹមផងដែរថា នៅពេលខាងមុខទីក្រុង Jinchang នឹងទាក់ទាញភ្ងៀវទេសចរកាន់តែច្រើនពីបណ្តាប្រទេសអាស៊ានក្រោមការអនុវត្តគំនិតផ្តួចផ្តើមខ្សែក្រវ៉ាត់មួយវិថីមួយ (Belt and Road Initiative) របស់ប្រធានាធិបតី ស៊ី ជិនភីង (Xi Jinping)។
តាមពិតទៅ បន្ថែមពីការងាកទៅដាំផ្កាទាក់ទាញទេសចរណ៍ អាជ្ញាធរក្រុង Jinchang ក៏បានជំរុញឲ្យមានកាត់បន្ថយការប្រើប្រាស់ថាមពលដែលប្រើប្រេង ដោយងាកមកប្រើថាមពលកកើតឡើងវិញ ដូចជាខ្យល់ និងកម្តៅព្រះអាទិត្យថែមទៀត។ ថាមពលអគ្គីសនីប្រហែល ៥០ភាគរយត្រូវបានផ្គត់ផ្គង់ដោយការចម្រាញ់ចេញពីថាមពលពន្លឺព្រះអាទិត្យ និងថាមពលខ្យល់ផងដែរ។
សូមទស្សនារូបភាពសួនផ្កានៅទីក្រុង Jinchang ៖
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
Jinchang
Gansu
BRI
ចិន
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
2 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
3 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
7 ថ្ងៃ
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
5 ថ្ងៃ
អត្ថបទពេញនិយមបន្ថែម