កីឡាអន្តរជាតិ
អន្តរជាតិ
Pique នៅតែចង់លេងឲ្យអេស្ប៉ាញ ទោះបីជាគេគាំទ្រប្រជាមតិនៅ Catalonia ក៏ដោយ
រូបភាពពីទីភ្នាក់ងារសារព័ត៌មាន Reuters
×![]()
ដោយ: ទេព ពិទូរ្យ
Gerard Pique នៅតែចង់លេងឲ្យក្រុមបាល់ទាត់ជម្រើសជាតិអេស្ប៉ាញដដែល បើទោះបីជារូបគេបានបង្ហាញការគាំទ្របោះឆ្នោតប្រជាមតិបំបែករដ្ឋ Catalonia ពីប្រទេសអេស្ប៉ាញ។
ក្រុមកីឡាបាល់ទាត់ជម្រើសជាតិអេស្ប៉ាញត្រូវការជ័យជម្នះបន្តទៀតដើម្បីរក្សាចំណាត់ថ្នាក់លេខ១ពូល G នៅពេលទទួលភ្ញៀវអាល់បានីក្នុងវគ្គជម្រុះពានរង្វាន់កីឡាបាល់ទាត់ពិភពលោក FIFA World Cup 2018 នៅរាត្រីថ្ងៃសុក្រទី៦ ខែតុលានេះ។ ស្របពេលគ្នានេះអេស្ប៉ាញក៏កំពុងមានវិបត្តិនយោបាយក្នុងស្រុកដែលជាប់ពាក់ព័ន្ធជាមួយកីឡកររបស់ខ្លួនផងដែរ។
ខ្សែការពារក្រុម Barcelona កីឡាករ Gerard Pique បានបង្ហាញការគាំទ្របោះឆ្នោតប្រជាមតិទាមទារឯករាជ្យរបស់តំបន់ស្វយ័ត Catalonia ពីប្រទេសអេស្ប៉ាញ និងបានរិះគន់រដ្ឋាភិបាលប្រទេសនេះគឺលោកនាយករដ្ឋមន្ត្រី Mariano Rajoy ថាបានបង្កើតនយោបាយអាក្រក់បំផុតមិនធ្លាប់មានពីមុនមក្នុងរយៈពេល ៥០ឆ្នាំចុងក្រោយនេះ។
បើទោះយ៉ាងនេះក្តី អតីតសមាជិកក្រុម Manchester United រូបនេះនៅតែចង់បង្ហាញខ្លួនជួយក្រុមជម្រើសជាតិអេស្ប៉ាញដើម្បីបបានកៅអីទៅ World Cup ឆ្នាំក្រោយ ស្រពេលដែលមានការរិះគន់មកលើខ្លួនពីសំណាក់អ្នកគាំទ្រអេស្ប៉ាញដែលចង់ឲ្យរូបគេលាឈប់ពីក្រុមជម្រើសជាតិផងនោះ។
បើតាមការផ្សាយរបស់ទីភ្នាក់ងារព័ត៌មាន Reuters ខ្សែការពារវ័យ ៣០ឆ្នាំរូបនេះនៅតែមានមោទនភាពដែលអាចតំណាងឲ្យប្រទេសរបស់គេ ដោយលើកលើងថាជម្រើសជាតិអេស្ប៉ាញគឺជាគ្រួសារមួយរបស់ខ្លួន ហើយក៏មានការគាំទ្រពីមិត្តរួមក្រុម និងគ្រូបង្វឹកលោក Julen Lopetegui ដែលចង់ឲ្យរូបគេបង្ហាញខ្លួនឲ្យជម្រើសជាតិដដែល។
តែទោះយ៉ាងណាក៏ដោយ ប្រសិនបើវត្តមានរបស់គេធ្វើឲ្យប៉ះពាល់ដល់ក្រុមជម្រើសជាតិ ហើយសហព័ន្ធកីឡាបាល់ទាត់អេស្ប៉ាញចង់ឲ្យរូបគេសម្រាកនោះ Pique នឹងឈប់ភ្លាម។
សូមបញ្ជាក់ថា អេស្ប៉ាញកំពុងឈរកំពូលតារាងបណ្តោះអាសន្នក្រោយប្រកួត៨លើក មាន២២ពិន្ទតាមពីក្រោយដោយក្រុមអ៊ីតាលីដែលមាន១៩ពិន្ទុ ខណៈសល់២ប្រកួតទៀត។ ២ប្រកួតចុងក្រោយរបស់អេស្ប៉ាញត្រូវជួបអាល់បានីនៅយប់នេះ និងធ្វើដំណើរទៅអ៊ីស្រាអែលនៅថ្ងៃទី១០ ខែតុលាសប្តាហ៍ក្រោយ៕
ក្រុមកីឡាបាល់ទាត់ជម្រើសជាតិអេស្ប៉ាញត្រូវការជ័យជម្នះបន្តទៀតដើម្បីរក្សាចំណាត់ថ្នាក់លេខ១ពូល G នៅពេលទទួលភ្ញៀវអាល់បានីក្នុងវគ្គជម្រុះពានរង្វាន់កីឡាបាល់ទាត់ពិភពលោក FIFA World Cup 2018 នៅរាត្រីថ្ងៃសុក្រទី៦ ខែតុលានេះ។ ស្របពេលគ្នានេះអេស្ប៉ាញក៏កំពុងមានវិបត្តិនយោបាយក្នុងស្រុកដែលជាប់ពាក់ព័ន្ធជាមួយកីឡកររបស់ខ្លួនផងដែរ។
ខ្សែការពារក្រុម Barcelona កីឡាករ Gerard Pique បានបង្ហាញការគាំទ្របោះឆ្នោតប្រជាមតិទាមទារឯករាជ្យរបស់តំបន់ស្វយ័ត Catalonia ពីប្រទេសអេស្ប៉ាញ និងបានរិះគន់រដ្ឋាភិបាលប្រទេសនេះគឺលោកនាយករដ្ឋមន្ត្រី Mariano Rajoy ថាបានបង្កើតនយោបាយអាក្រក់បំផុតមិនធ្លាប់មានពីមុនមក្នុងរយៈពេល ៥០ឆ្នាំចុងក្រោយនេះ។
បើទោះយ៉ាងនេះក្តី អតីតសមាជិកក្រុម Manchester United រូបនេះនៅតែចង់បង្ហាញខ្លួនជួយក្រុមជម្រើសជាតិអេស្ប៉ាញដើម្បីបបានកៅអីទៅ World Cup ឆ្នាំក្រោយ ស្រពេលដែលមានការរិះគន់មកលើខ្លួនពីសំណាក់អ្នកគាំទ្រអេស្ប៉ាញដែលចង់ឲ្យរូបគេលាឈប់ពីក្រុមជម្រើសជាតិផងនោះ។
បើតាមការផ្សាយរបស់ទីភ្នាក់ងារព័ត៌មាន Reuters ខ្សែការពារវ័យ ៣០ឆ្នាំរូបនេះនៅតែមានមោទនភាពដែលអាចតំណាងឲ្យប្រទេសរបស់គេ ដោយលើកលើងថាជម្រើសជាតិអេស្ប៉ាញគឺជាគ្រួសារមួយរបស់ខ្លួន ហើយក៏មានការគាំទ្រពីមិត្តរួមក្រុម និងគ្រូបង្វឹកលោក Julen Lopetegui ដែលចង់ឲ្យរូបគេបង្ហាញខ្លួនឲ្យជម្រើសជាតិដដែល។
តែទោះយ៉ាងណាក៏ដោយ ប្រសិនបើវត្តមានរបស់គេធ្វើឲ្យប៉ះពាល់ដល់ក្រុមជម្រើសជាតិ ហើយសហព័ន្ធកីឡាបាល់ទាត់អេស្ប៉ាញចង់ឲ្យរូបគេសម្រាកនោះ Pique នឹងឈប់ភ្លាម។
សូមបញ្ជាក់ថា អេស្ប៉ាញកំពុងឈរកំពូលតារាងបណ្តោះអាសន្នក្រោយប្រកួត៨លើក មាន២២ពិន្ទតាមពីក្រោយដោយក្រុមអ៊ីតាលីដែលមាន១៩ពិន្ទុ ខណៈសល់២ប្រកួតទៀត។ ២ប្រកួតចុងក្រោយរបស់អេស្ប៉ាញត្រូវជួបអាល់បានីនៅយប់នេះ និងធ្វើដំណើរទៅអ៊ីស្រាអែលនៅថ្ងៃទី១០ ខែតុលាសប្តាហ៍ក្រោយ៕
Tag:
បាល់ទាត់
Gerard Pique
Catalonia
FIFA World Cup
© រក្សាសិទ្ធិដោយ thmeythmey.com
