ជាតិ
បទយកការណ៍ / បទសម្ភាសន៍
វីដេអូ
មនុស្សអាចស្លាប់បើមិនចាក់ថ្នាំបង្ការទាន់ពេល បន្ទាប់ពីសត្វមានផ្ទុកមេរោគជំងឺឆ្កែឆ្កួតខាំ ឬខ្វាច
× ភ្នំពេញ៖ ជំងឺឆ្កែឆ្កួត ជាជំងឺ ដែលឆ្លងពីសត្វដែលមានផ្ទុកមេរោគជំងឺឆ្កែឆ្កួតខាំ ឬខ្វាច។ មនុស្សដែលត្រូវ សត្វមានផ្ទុកមេរោគជំងឺឆ្កែឆ្កួតខាំ ឬខ្វាចអាចស្លាប់ ប្រសិនបើ បណ្តែតបណ្តោយរហូតដល់មានចេញរោគសញ្ញានៃជំងឺឆ្កែឆ្កួត។ ប៉ុន្តែក៏អាចបង្ការ និងចៀសផុតពីការស្លាប់ បានដែរដោយការចាក់ថ្នាំបង្ការទាន់ពេលបន្ទាប់ពី សត្វទាំងនោះខាំ រួមផ្សំនឹងវិធានការផ្សេងៗទៀត។ ក្នុងបទសម្ភាសជាមួយសារព័ត៌មានថ្មីៗ លោកវេជ្ជបណ្ឌិត លី សុវត្ថិ នាយករងនៃវិទ្យាស្ថានប៉ាស្ទ័រកម្ពុជា បានបញ្ជាក់បន្ថែមដូច្នេះ៖«ជំងឺឆ្កែឆ្កួតនេះ អាចបណ្ដាលឲ្យមនុស្សស្លាប់១០០ភាគរយ។ ប៉ុន្តែបើចាក់ថ្នាំបានត្រឹមត្រូវ គ្រប់ចំនួនលើក និងទាន់ពេលវេលា គឺអាចបង្ការជំងឺនេះបាន ១០០ភាគរយ»។ លោកវេជ្ជបណ្ឌិត លី សុវត្ថិ បន្ថែមថា រោគសញ្ញាដែលអាចបញ្ជាក់ជាឆ្កែឆ្កួត គឺឆ្កែដែលឈឺ និងមានមេរោគក្នុងខ្លួន។ ម្យ៉ាងទៀត ជំងឺឆ្កែឆ្កួតនេះ ចម្លងមេរោគទៅកាន់មនុស្សតាមទឹកមាត់»។
សូមអញ្ជើញទស្សនាបទសម្ភាស រវាងកញ្ញា ញឹក ស្រីល័ក្ខ អ្នកសារព័ត៌មាននៃគេហទំព័រ thmeythmey.com ជាមួយលោកវេជ្ជបណ្ឌិត លី សុវត្ថិ នាយករងនៃវិទ្យាស្ថានប៉ាស្ទ័រកម្ពុជាដូចតទៅ៖
គួរបញ្ជាក់ថា យ៉ាងហោចណាស់ប្រជាជនកម្ពុជាជាង៦សែននាក់ រងគ្រោះដោយសារឆ្កែខាំជារៀងរាល់ឆ្នាំ។ ក្នុងចំណោមប្រជាជនដែលត្រូវបានឆ្កែខាំនេះ មានអត្រាអ្នករងគ្រោះដោយជំងឺឆ្កែឆ្កួតប្រមាណ៨០០នាក់ក្នុងមួយឆ្នាំ៕
Tag:
ជំងឺឆ្កែឆ្កួត
ស្លាប់
© រក្សាសិទ្ធិដោយ thmeythmey.com