កីឡាអន្តរជាតិ
អន្តរជាតិ
World Cup៖ អាហ្សង់ទីន ស៊ីលី ព័រទុយហ្គាល់ និងហូឡង់ មិនទាន់មានសុវត្ថិភាព
×![]()
ដោយ: ទេព ពិទូរ្យ
ក្រុមកីឡាបាល់ទាត់ជម្រើសជាតិអាហ្សង់ទីន ហូឡង់ ស៊ីលី និងព័រទុយហ្គាល់ដែលជាក្រុមល្បីក្នុងវិស័យបាល់ទាត់បច្ចុប្បន្នអាចប្រឈមនឹងអវត្តមានក្នុងព្រឹត្តិការណ៍ពានរង្វាន់កីឡាបាល់ទាត់ពិភពលោក FIFA World Cup នៅរុស្ស៊ីឆ្នាំក្រោយ ដោយសារក្រុមរបស់ពួកគេមិនអាចរកពិន្ទុគ្រប់គ្រាន់ពីការប្រកួតវគ្គជម្រុះតាមទ្វីប ខណៈនៅសល់១ប្រកួតចុងក្រោយប៉ុណ្ណោះ។
អាហ្សង់ទីនដែលគេចាត់ទុកថាជាប្រទេសដែលខ្លាំងក្នុងវិស័យបាល់ទាត់មួយ និងសម្បូរទៅដោយកីឡាករល្អៗដែលប្រកបអាជីពក្នុងលីកបាត់ទាត់ល្បីៗលើលោកដូចជា Lionel Messi, Dybala និងAngel Di Maria ជាដើមនោះ នៅមិនទាន់ច្បាស់ថាអាចនាំក្រុមទៅ World Cup ឆ្នាំក្រោយនៅឡើងទេដោយចាំអ៊ុតការប្រកួតចុងក្រោយជាមួយអេក្វាទ័រនៅព្រឹកថ្ងៃទី១១ ខែតុលាខាងមុខនេះ។
អាហ្សង់ទីនត្រូវឈ្នះអេក្វាទ័រជាដាច់ខាត ព្រោះបច្ចុប្បន្នមាន២៥ពិន្ទុប៉ុណ្ណោះ ស្ថិតនៅលេខ៦ ដែលជាចំណាត់ថ្នាក់មិនអាច Play-off បាន ហើយក៏ត្រូវចាំអ៊ុតលទ្ធផលរបស់ ប៉េរូ ស៊ីលី និងកូឡំប៊ី ដែលឈរនៅចំណាត់ថ្នាក់លេខ ៣, ៤, ៥ តាមពិន្ទុគ្នាប្រកៀកប្រកិតសម្រាប់ការប្រកួតជម្រុះប្រចាំទ្វីបអាមេរិកឡាទីនផងដែរ។
ចំណែកស៊ីលីហាក់ដូចជាពិបាកបន្តិចនៅពេលធ្វើដំណើរទៅជួបក្រុមខ្លាំងប្រេស៊ីលនាការប្រកួតចុងក្រោយ។ ប្រេស៊ីលមានស្តិតិការប្រកួតក្នុងដីល្អបំផុតក្នុងការប្រកួតជម្រុះកន្លងមកមិនធ្លាប់ស្គាល់ចាញ់នោះទេ។ ម្ចាស់ជើងឯក Copa America ដែលឈរនៅចំណាត់ថ្នាក់លេខ៣ មាន២៦ពិន្ទុ ស្មើកូឡំបី និងលើស ប៉េរូ និងអាហ្សង់ទីនតែ១ពិន្ទុនោះ ត្រូវយកឈ្នះក្រុមសាំបាជាដាច់ខាត។ ក្រុមចាប់បីលេខ១ ដល់៤ ត្រូវឡើងដោយស្វ័យប្រវត្តិ ហើយលេខ៥ត្រូវលេង Play-off ជាមួយនូវែលសេឡង់ ដើម្បីឈានទៅ World Cup ឆ្នាំក្រោយ។
រីឯព័រទុយហ្គាល់វិញពួកគេស្ថិតនៅចំណាត់ថ្នាក់ទី២ នៃវគ្គជម្រុះទ្វីបអឺរ៉ុបក្នុងពូលB តាមពីក្រោយស្វីសដែលឈរលេខរៀងទី១ចំនួន៣ពិន្ទុ។ ការប្រកួតចុងក្រោយរបស់ព័រទុយហ្គាល់ នឹងត្រូវទទួលភ្ញៀវស្វីសនៅថ្ងៃទី១១ ខែតុលា។ បើសិនបើម្ចាស់ជើងឯកពានរង្វាន់ទ្វីបអឺរ៉ុបនេះមិនអាចឈ្នះក្នុងការប្រកួតចុក្រោយនេះទេ នោះនឹងត្រូវប្រកួតវគ្គ Play-off ជាមួយក្រុមលេខ២ពូលផ្សេងទៀតដើម្បីបានកៅអីទៅរុស្ស៊ី។
ដោយឡែក ហូឡង់វិញស្ទើតែអស់ឱកាសទៅហើយ ដើម្បីបានកៅអីទៅ World Cup ដោយការប្រកួត៩លើកចុងក្រោយមានតែ១៦ពិន្ទុប៉ុណ្ណោះ ស្ថិតនៅលេខរៀងទី៣ តាមពីក្រោយក្រុមលេខ២ស៊ុយអែត ៣ពិន្ទុ ខណៈសល់តែ១ប្រកួតគត់។ ការប្រកួតចុងក្រោយ ហូឡង់ត្រូវទទួលស៊ុយអែត នៅថ្ងៃទី១១ ខែតុលា ហើយក្រុមរហស្សនាមទឹកក្រូចនេះ ត្រូវយកឈ្នះស៊ុតអែតលើសពី ៧-០ ឯណោះទើបអាចបានកៅអីទៅវគ្គ Play-off។
សូមបញ្ជាក់ថា ក្នុងការប្រកួតវគ្គជម្រុះនៅទ្វីបអឺរ៉ុប ក្រុមដែលមានចំណាត់ថ្នាក់លេខ២តាមពូលនីមួយៗត្រូវប្រកួតជម្រុះ Play-off ជាមួយគ្នាបន្តទៀតដើម្បីអាចទៅ World Cup 2018 នៅរុស្ស៊ី៕
អាហ្សង់ទីនដែលគេចាត់ទុកថាជាប្រទេសដែលខ្លាំងក្នុងវិស័យបាល់ទាត់មួយ និងសម្បូរទៅដោយកីឡាករល្អៗដែលប្រកបអាជីពក្នុងលីកបាត់ទាត់ល្បីៗលើលោកដូចជា Lionel Messi, Dybala និងAngel Di Maria ជាដើមនោះ នៅមិនទាន់ច្បាស់ថាអាចនាំក្រុមទៅ World Cup ឆ្នាំក្រោយនៅឡើងទេដោយចាំអ៊ុតការប្រកួតចុងក្រោយជាមួយអេក្វាទ័រនៅព្រឹកថ្ងៃទី១១ ខែតុលាខាងមុខនេះ។
អាហ្សង់ទីនត្រូវឈ្នះអេក្វាទ័រជាដាច់ខាត ព្រោះបច្ចុប្បន្នមាន២៥ពិន្ទុប៉ុណ្ណោះ ស្ថិតនៅលេខ៦ ដែលជាចំណាត់ថ្នាក់មិនអាច Play-off បាន ហើយក៏ត្រូវចាំអ៊ុតលទ្ធផលរបស់ ប៉េរូ ស៊ីលី និងកូឡំប៊ី ដែលឈរនៅចំណាត់ថ្នាក់លេខ ៣, ៤, ៥ តាមពិន្ទុគ្នាប្រកៀកប្រកិតសម្រាប់ការប្រកួតជម្រុះប្រចាំទ្វីបអាមេរិកឡាទីនផងដែរ។
ចំណែកស៊ីលីហាក់ដូចជាពិបាកបន្តិចនៅពេលធ្វើដំណើរទៅជួបក្រុមខ្លាំងប្រេស៊ីលនាការប្រកួតចុងក្រោយ។ ប្រេស៊ីលមានស្តិតិការប្រកួតក្នុងដីល្អបំផុតក្នុងការប្រកួតជម្រុះកន្លងមកមិនធ្លាប់ស្គាល់ចាញ់នោះទេ។ ម្ចាស់ជើងឯក Copa America ដែលឈរនៅចំណាត់ថ្នាក់លេខ៣ មាន២៦ពិន្ទុ ស្មើកូឡំបី និងលើស ប៉េរូ និងអាហ្សង់ទីនតែ១ពិន្ទុនោះ ត្រូវយកឈ្នះក្រុមសាំបាជាដាច់ខាត។ ក្រុមចាប់បីលេខ១ ដល់៤ ត្រូវឡើងដោយស្វ័យប្រវត្តិ ហើយលេខ៥ត្រូវលេង Play-off ជាមួយនូវែលសេឡង់ ដើម្បីឈានទៅ World Cup ឆ្នាំក្រោយ។
រីឯព័រទុយហ្គាល់វិញពួកគេស្ថិតនៅចំណាត់ថ្នាក់ទី២ នៃវគ្គជម្រុះទ្វីបអឺរ៉ុបក្នុងពូលB តាមពីក្រោយស្វីសដែលឈរលេខរៀងទី១ចំនួន៣ពិន្ទុ។ ការប្រកួតចុងក្រោយរបស់ព័រទុយហ្គាល់ នឹងត្រូវទទួលភ្ញៀវស្វីសនៅថ្ងៃទី១១ ខែតុលា។ បើសិនបើម្ចាស់ជើងឯកពានរង្វាន់ទ្វីបអឺរ៉ុបនេះមិនអាចឈ្នះក្នុងការប្រកួតចុក្រោយនេះទេ នោះនឹងត្រូវប្រកួតវគ្គ Play-off ជាមួយក្រុមលេខ២ពូលផ្សេងទៀតដើម្បីបានកៅអីទៅរុស្ស៊ី។
ដោយឡែក ហូឡង់វិញស្ទើតែអស់ឱកាសទៅហើយ ដើម្បីបានកៅអីទៅ World Cup ដោយការប្រកួត៩លើកចុងក្រោយមានតែ១៦ពិន្ទុប៉ុណ្ណោះ ស្ថិតនៅលេខរៀងទី៣ តាមពីក្រោយក្រុមលេខ២ស៊ុយអែត ៣ពិន្ទុ ខណៈសល់តែ១ប្រកួតគត់។ ការប្រកួតចុងក្រោយ ហូឡង់ត្រូវទទួលស៊ុយអែត នៅថ្ងៃទី១១ ខែតុលា ហើយក្រុមរហស្សនាមទឹកក្រូចនេះ ត្រូវយកឈ្នះស៊ុតអែតលើសពី ៧-០ ឯណោះទើបអាចបានកៅអីទៅវគ្គ Play-off។
សូមបញ្ជាក់ថា ក្នុងការប្រកួតវគ្គជម្រុះនៅទ្វីបអឺរ៉ុប ក្រុមដែលមានចំណាត់ថ្នាក់លេខ២តាមពូលនីមួយៗត្រូវប្រកួតជម្រុះ Play-off ជាមួយគ្នាបន្តទៀតដើម្បីអាចទៅ World Cup 2018 នៅរុស្ស៊ី៕
Tag:
World Cup
បាល់ទាត់
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
