ពីនេះ ពីនោះ
×![]()
បទ អើយរ៉ា
-ប្រាក់អើយ អើយរ៉ា ណាលោកប្រាក់
ព្រោះអ្នក អើយរ៉ា គ្រោះច្រើនណាស់
មោហ៍បាំង អើយរ៉ា ទាំងក្មេងចាស់
អ្នកខ្លះ អើយរ៉ា ស៊ូលក់ប្រាណ។
-ការពិត អើយរ៉ា ប្រាក់មិនខ្មេះ
ចំណេះ អើយរ៉ា ទិញមិនបាន
ភ្លេចខ្លួន អើយរ៉ា ប្រាក់រំខាន
ខូចប្រាណ អើយរ៉ា ព្រោះតែអ្នក។
-មានប្រាក់ អើយរ៉ា អាចទិញស័ក្តិ
ស្មោះស្ម័គ្រ អើយរ៉ា ប្រាក់ពិតជាក់
មិនអាច អើយរ៉ា ទិញទាញទាក់
មិត្តភក្តិ អើយរ៉ា ថាស្មោះត្រង់។
-ប្រាក់អើយ អើយរ៉ា មិនអាចទិញ
យកវិញ អើយរ៉ា វេលាបង់
ប្រាក់អើយ អើយរ៉ា ត្រឹមអាចចង់
ទិញបង់ អើយរ៉ា នាឡិកា។
-ប្រាក់ត្រឹម អើយរ៉ា អាចទិញផ្ទះ
ប្រាក់ជះ អើយរ៉ា តាមប្រាថ្នា
ក្តីសុខ អើយរ៉ា ក្នុងគ្រួសារ
ប្រាក់ណា អើយរ៉ា ជួយទិញបាន?
-អាចទិញ អើយរ៉ា របស់ប្រើ
ប្រាក់ស្នើ អើយរ៉ា ទិញដល់ឡាន
មង្គល អើយរ៉ា ទិញម្តេចបាន?
ឈប់ស្មាន អើយរ៉ា ប្រាក់អាចប្រោស៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
