ពីនេះ ពីនោះ
ព័ត៍មានសុខភាព
ឈប់ជក់បារីអាចបន្ថយភាពថប់អារម្មណ៍ដែរទេ?
× សេចក្តីរាយការណ៍ពី Daily Mail បានឲ្យដឹងថា ការជក់បារីមិនអាចបំបាត់ភាពស្ត្រេសកើតទេ ប៉ុន្តែឈប់ជក់ទើបអាច។ រឿងនេះគឺផ្អែកទៅលើការស្រាវជ្រាវមួយដែលពិនិត្យទៅលើការផ្តាច់បារីរយៈពេល ៦ខែ ថាតើមានអ្វីអាចផ្លាស់ប្តូរនៃកម្រិតថប់អារម្មណ៍ដែរឬអត់។
កម្រិតនៃការថប់អារម្មណ៍ត្រូវបានវាស់ដឹងចាប់ពីពេលដំបូងនៃគារសិក្សា និងតាមដានជាប់រហូត។ ការស្រាវជ្រាវថ្មីៗនេះបានពិនិត្យទៅលើទិន្នន័យមកពីការសិក្សានេះ ហើយក៏បានរកឃើញថា អ្នកដែលឈប់ជក់បារីដល់ចុងបញ្ចប់នៃការសិក្សារយៈពេល ៦ខែ គឺមិនសូវមានការថប់អារម្មណ៍ឡើយ ខណៈពេលដែលអ្នកព្យាយាមផ្តាច់បែរជាបរាជ័យ និងថ់បអារម្មណ៍ច្រើនទៅវិញ។
ការប្រែប្រួលកម្រិតនៃការថប់អារម្មណ៍ទំនងជាកើតឡើងលើអ្នកដែលមានជំងឺផ្លូវចិត្ត និងប្រាប់ថាពួកគេជក់បារីដើម្បីបំបាត់ស្ត្រេស។
យ៉ាងណាមិញ ការវិភាគលើការសិក្សានេះមិនអាចប្រាប់យើងបានថាការប្រែប្រួលកម្រិតណាដែលបង្កឡើងដោយសារការជក់បារីទេ ហើយក៏មិនដឹងថាមានកត្តាអ្វីចូលរួមផងដែរ។
យ៉ាងណាមិញការសិក្សានេះគឺចង់បញ្ជាក់ថា ការគ្រប់គ្រងដើម្បីផ្តាច់បារីគឺជារឿងល្អសម្រាប់សុខភាពទាំងផ្លូវកាយ និងផ្លូវចិត្ត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com