កីឡាជាតិ
ជាតិ
ស.ស.យ.ក.កំចាយមារដណ្តើមជើងឯកជាមួយឪម៉ាល់ ឯអាណាចក្របៃតងនិងឆន្ទៈកីឡាប្រជែងយកលេខ៣
× ក្រុមបាល់ទាត់ស.ស.យ.ក.កំចាយមារប្រជែងជាមួយក្រុមឪម៉ាល់ដើម្បីដណ្តើមជើងឯកពានរង្វាន់ជើងឯកជាតិក្នុងសាលប្រចាំឆ្នាំ២០១៧(National Futsal Cup 2017) នៅល្ងាចថ្ងៃសៅរ៍ ទី១៤ ខែតុលានេះនៅទីលាន Clear Arena។ ជាមួយគ្នានេះក្រុមអាណាចក្របៃតងត្រូវជួបប្រកួតជាមួយឆន្ទៈកីឡាដើម្បីដណ្តើមចំណាត់ថ្នាក់លេខ៣នៅល្ងាចនេះផងដែរ។
ក្រោយយកឈ្នះគូប្រកួតនៅវគ្គពាក់កណ្តាលផ្តាច់ព្រ័ត្ររៀងៗខ្លួនកាលពីសប្តាហ៍មុនក្រុមស.ស.យ.ក.កំចាយមារដែលយកឈ្នះអាណាចក្របៃតង ១១-២ ត្រូវជួបប្រកួតជាមួយក្រុមឪម៉ាល់ដែលយកឈ្នះឆន្ទៈកីឡា ៦-៣ ដើម្បីដណ្តើមជើងឯកពានរង្វាន់ជើងឯកជាតិក្នុងសាលប្រចាំឆ្នាំ២០១៧។ ការប្រកួតនេះធ្វើឡើងចាប់ពីម៉ោង៦ល្ងាចតទៅនៅទីលាន Clear Arena។
ជាមួយគ្នានេះ ក្រុមអាណាចក្របៃតងត្រូវប្រជែងដណ្តើមចំណាត់ថ្នាក់លេខ៣ជាមួយក្រុមឆន្ទៈកីឡាដែលរងបរាជ័យនៅវគ្គពាក់កណ្តាលផ្តាច់ព្រ័ត្រដូចគ្នាចាប់ពីម៉ោង៥រសៀលតទៅនៅទីលាននេះផងដែរ៕
Tag:
បាល់ទាត់
Futsal Cup 2017
© រក្សាសិទ្ធិដោយ thmeythmey.com