ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
គុណភាពនៃការនិពន្ធនៅមានកម្រិត ក្រសួងលើកទឹកចិត្តឲ្យបន្តការប្រឡងស្នាដៃ
14, Oct 2017 ,
12:03 pm
រូបភាព
×
ដោយ:
នាយកដ្ឋានសៀវភៅ និងការអាន បានរកឃើញជ័យលាភីនៃការប្រឡងតែងនិពន្ធប្រលោមលោក និងកំណាព្យរឿងពានរង្វាន់លោក ហង្ស ធុនហាក់ឆ្នាំ២០១៧ហើយ។ ជ័យលាភីភាគច្រើនជាស្ត្រីមកពីតាមបណ្ដាខេត្តនានា។ ពានរង្វាន់មាន២ផ្នែក។ ផ្នែកនិពន្ធប្រលោមលោក មាន៥រង្វាន់ និងផ្នែកកំណាព្យរឿងមាន២រង្វាន់។
សម្រាប់ផ្នែកនិពន្ធប្រលោមលោក ជ័យលាភីលេខមួយបានទៅលើស្នាដៃរឿង ផ្ការីកក្នុងចិត្ត របស់លោកអ្នកស្រី និន្ទ ប៊ុននី ដែលមកពីខេត្តស្ទឹងត្រែង។ ជ័យលាភីលេខ២ ជាប្រលោមលោករឿង «គ្មានថ្ងៃបំភ្លេច» និពន្ធដោយ កញ្ញា អ៊ួច ជាសុភារី មកពីភ្នំពេញ។ ជ័យលាភីលេខ៣ ជាប្រលោមលោករឿង «កូនសត្វបាត់មេ» និពន្ធដោយ លោក ចន ស៊ីលីន មកពីខេត្តកណ្ដាល។ ជ័យលាភីលេខ៤ គឺលោកស្រី សួន សុខនាងមកពីខេត្តកណ្តាលដែលបានតែងរឿង «ក្លិនម្អមខ្ទមស្នេហ៍» និងជ័យលាភីលេខ៥ ត្រូវបានទៅលើកញ្ញា យ៉ាត ម៉េងលាភ រស់នៅរាជធានីភ្នំពេញដែលបានតែងស្នាដៃរឿង «ទឹកដោះម្តាយថ្លៃ»។
សម្រាប់ផ្នែកនិពន្ធកំណាព្យវិញ ជ័យលាភីលេខមួយត្រូវបានដល់ដៃលោកស្រី ចាន់ មណី មកពីរាជធានី ដែលបាននិពន្ធកំណាព្យរឿង«គូភក្តី»។ រីឯជ័យលាភីលេខ២ គឺស្នាដៃរបស់លោកស្រី និន្ទ ម៉ដ្ឋកុណ្ឌលីន មកពីខេត្តស្ទឹងត្រែង ដែលបាននិពន្ធកំណាព្យរឿង «ផ្កាក្រោមសន្លឹក»។
តាំងពីឆ្នាំ១៩៩៩មក នាកយកដ្ឋានសៀវភៅ និងការអាននៃក្រសួងវប្បធម៌ បានរៀបចំការប្រឡងបែបនេះជារៀងរាល់ឆ្នាំ ជាមួយនឹងប្រធានបទផ្សេងៗគ្នា។ ប៉ុន្តែឆ្នាំនេះ ការប្រឡងត្រូវបានរៀបចំខុសប្លែកពីសព្វដងជាមួយនឹងប្រធានបទសេរី ដែលបានទាក់ទាញបេក្ខជនបានច្រើន។
បើទោះជាការប្រឡងនិពន្ធត្រូវបានរៀបចំធ្វើ១៨ឆ្នាំមកហើយ ប៉ុន្តែបើតាមការអត្ថាធិប្បាយរបស់ប្រធាននាយកដ្ឋានសៀវភៅនិងការអាន លោកស្រី រស់ សារូ ស្នាដៃមួយចំនួននៅមានកម្រិត ហើយនៅមានភាពស្រពិចស្រពិល មិនច្បាស់លាស់ មិនឆ្លើយតបទៅនឹងតថភាពសង្គមបច្ចុប្បន្ន។ អ្នកស្រីបានពន្យល់ដូច្នេះថា៖«អ្នកនិពន្ធគួរយល់ថា ស្នាដៃរបស់ខ្លួន គឺជាការបង្ហាញ«ពុទ្ធិ» ទៅដល់មនុស្សគ្រប់ជំនាន់ក្រោយ ដើម្បីជាប្រភពបញ្ញាប្រកបទៅដោយ គិតិបណ្ឌិត ក្នុងបំណងថែរក្សានូវឧត្តមភាព តថភាព នៃអក្សរសាស្ត្រខ្មែរ»។
អនុគណៈកម្មការមេប្រយោគ និងជាទីប្រឹក្សាសមាគមអ្នកនិពន្ធខ្មែរ លោក វ៉ែន សុន បានលើកឡើងបន្ថែមអំពីភាពខ្វះខាត និងចំណុចខ្សោយមួយចំនួនរបស់បេក្ខជនដែលទាក់ទងនឹងការសរសេរមិនដកឃ្លា ខ្វះសញ្ញាខណ្ឌ ខុសអក្ខរាវិរុទ្ធ ហើយអ្នកនិពន្ធមិនអាចបែកចែកភាសារបស់តួអង្គ និងអ្នកនិពន្ធខ្លួនឯងឲ្យបានច្បាស់ ជាដើម។
បើទោះជាគុណភាពនៃការនិពន្ធនៅមិនទាន់រីកចម្រើនខ្លាំងក៏ដោយ លោក ថៃ នរៈសត្យា ដែលមានវត្តមានជាអធិបតីតំណាងរដ្ឋមន្ត្រីក្រសួងវប្បធម៌នោះ នៅតែសរសើរ និងលើកទឹកចិត្តដល់ការរៀបចំការប្រឡងបែបនេះ ដើម្បីគេអាចរកឃើញអ្នកពូកែតែងនិពន្ធ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
រស់សារូ
វ៉ែនសុន
ថៃ នរៈសត្យា
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 សប្តាហ៍
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
3 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ថ្ងៃ
អត្ថបទពេញនិយមបន្ថែម