ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ក្រសួងមហាផ្ទៃគ្រងជើងឯកពានរង្វាន់សម្តេច ស ខេង ក្រោយឈ្នះមេដាយសរុប១៧
17, Oct 2017 ,
11:06 am
រូបភាព
×
ដោយ:
ក្លិបក្រសួងមហាផ្ទៃបានគ្រងជើងឯកពានរង្វាន់សម្តេច ស ខេង ប្រចាំឆ្នាំ២០១៧ ក្រោយឆ្លងកាត់ការប្រកួត៣ថ្ងៃនៅទីលាននៃមជ្ឈមណ្ឌលកីឡាសូហ្វតិន្នីសនិងវាយកូនបាល់កម្ពុជាក្នុងពហុកីឡដ្ឋានជាតិក្រុមអត្តពលិកដណ្តើមបានមេដាយសរុបចំនួន១៧។ លោក ជា ប៊ុនហេង អគ្គលេខាធិការសហព័ន្ធកីឡាសូហ្វតិន្នីសកម្ពុជាប្តេជ្ញាថា នឹងខិតខំប្រឹងប្រែងអភិវឌ្ឍន៍កីឡាសូហ្វតិន្នីសឲ្យកាន់តែរីកចម្រើនថែមទៀត ដើម្បីត្រៀមប្រជែងក្នុងព្រឹត្តិការណ៍កីឡាស៊ីហ្គេមលើកទី៣២ដែលកម្ពុជាធ្វើជាម្ចាស់ផ្ទះ។
ក្រុមអត្តពលិកកីឡាសូហ្វតិន្នីសក្រសួងមហាផ្ទៃឈ្នះមេដាយមាស៨ ប្រាក់៥ និងសំរឹទ្ធ៤ ក្រោយប្រកួតយ៉ាងស្វិតស្វាញរយៈពេល៣ថ្ងៃចាប់ពីថ្ងៃទី១៣ ដល់ថ្ងៃទី១៥ ខែតុលា នៅទីលានសូហ្វតិន្នីសនៃមជ្ឈមណ្ឌលកីឡាសូហ្វតិន្នីស និងវាយកូនបាល់កម្ពុជាក្នុងពហុកីឡដ្ឋានជាតិ។ ជ័យជម្នះដ៏ធំធេងនេះ ជួយឲ្យក្លិបក្រសួងមហាផ្ទៃឈរចំណាត់ថ្នាក់លេខ១ប្រចាំពានរង្វាន់សម្តេច ស ខេង លើកទី៤ក្នុងចំណោម៧ក្លិប-សមាគមចូលរួម។
នាពិធីបិទការប្រកួតកាលពីព្រឹកថ្ងៃទី១៥ ខែតុលា អគ្គលេខាធិការសព័ន្ធកីឡាសូហ្វតិន្នីសកម្ពុជាលោក ជា ប៊ុនហេង បានវាយតម្លៃថា កីឡាករកីឡាការិនីចូលរួមនៅឆ្នាំនេះមានបច្ចេកទេស និងសមត្ថភាពរីកចម្រើនខ្លាំងគួរឲ្យកត់សម្គាល់បើធៀបទៅនឹងឆ្នាំមុនៗ។ លោកបានអះអាងថា តាមរយៈការប្រកួតនេះសហព័ន្ធចម្រាញ់បានកីឡាករកីឡាការិនីចំនួន១៤រូប សម្រាប់ត្រៀមការប្រកួតជើងឯកអាស៊ីអាគេ្នយ៍នៅហ្វីលីពីននាខែវិច្ឆិកា ខាងមុខផងដែរ។
តាមរយៈភាពរីកចម្រើន និងជោគជ័យលើឆាកអន្តរជាតិបានជួយឲ្យសហព័ន្ធកីឡាសូហ្វតិន្នីសកម្ពុជា ដែលបង្កើតក្នុងអំឡុងឆ្នាំ២០១៤ ឈរលេខរៀងទី១០នៃចំណាត់ថ្នាក់ពិភពលោកក្នុងចំណោម៤៥ប្រទេស។ ទន្ទឹមនឹងនេះ លោក ជា ប៊ុនហេង ប្រធានអង្គភាពកីឡាក្រសួងមហាផ្ទៃបានប្តេជ្ញាថា នឹងខិតខំប្រឹងប្រែងអភិវឌ្ឍកីឡានេះឲ្យកាន់តែរីកចម្រើនថែមទៀត ដើម្បីត្រៀមប្រជែងដណ្តើមជើងឯកលើឆាកអន្តរជាតិ ជាពិសេសការប្រកួតកីឡាស៊ីហ្គេមលើកទី៣២ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
គួរបញ្ជាក់ថា ការប្រកួតកីឡាសូហ្វតិន្នីសជ្រើសរើសជើងឯកពានរង្វាន់សម្តេច ស ខេង ប្រចាំឆ្នាំ២០១៧ មានអត្តពលិក១០១រូបមកពី៧ក្លិប-សមាគមចូលរួម ដោយអត្តពលិកទាំងនេះប្រកួតលើ៩ប្រភេទវិញ្ញាសា។ ជាលទ្ធផលក្រសួងមហាផ្ទៃដណ្តើមបានមេដាយមាស៨ ប្រាក់៥ និងសំរឹទ្ធ៤, កងយោធពលខេមរភូមិន្ទមាស១ សំរឹទ្ធ១, អគ្គស្នងការនគរបាលជាតិប្រាក់៣ សំរឹទ្ធ៣, អង្គការមិត្តសំលាញ់ប្រាក់១ និងខេត្តកំពង់ស្ពឺបានសំរឹទ្ធ១៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
សូហ្វតិន្នីស
ជា ប៊ុនហេង
សម្តេច ស ខេង
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
2 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
3 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
6 ថ្ងៃ
«បុរាណ»និង«បូរាណ» មានអត្ថន័យដូចគ្នា
7 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
5 ថ្ងៃ
អត្ថបទពេញនិយមបន្ថែម