ពីនេះ ពីនោះ
អន្តរជាតិ
កូរ៉េខាងជើងព្រមានប្រទេសដទៃ៖«បើចង់សុខ កុំចូលដៃជាមួយអាមេរិកប្រឆាំងកូរ៉េខាងជើង»
×![]()
ក្នុងវេទិកាប្រជុំគណៈកម្មការមហាសន្និបាតអង្គការសហប្រជាតិថ្ងៃចន្ទទី ១៦ ខែតុលា បេសកជនកូរ៉េខាងជើង បានព្រមានបណ្តាប្រទេសនានាសមាជិកអង្គការសហប្រជាជាតិថា បើចង់សុខខ្លួន កុំចូលរួមជាមួយសហរដ្ឋអាមេរិកប្រឆាំងកូរ៉េខាងជើងឲ្យសោះ។
«អ្នកឯងមានសុវត្ថិភាព ដរាបណាអ្នកមិនចូលជាមួយអាមេរិកក្នុងសកម្មភាពយោធាប្រឆាំងកូរ៉េខាងជើង»។ នេះជាសារព្រមានថ្លែងចេញពីមាត់អគ្គរដ្ឋទូតរងកូរ៉េខាងជើងប្រចាំអង្គការសហប្រជាជាតិ Kim In Ryong ដែលជាតំណាងមេដឹកនាំកំពូល គីម ជុងអ៊ុន នាថ្ងៃចន្ទ។
បើតាមទីភ្នាក់ងារព័ត៌មាន Reuters សារព្រមាននេះស្ថិតក្នុងសំណេសុន្ទរកថា របស់មន្ត្រីទូតជាន់ខ្ពស់ក្រុងព្យុងយ៉ាងនេះ ពេលលោកចូលរួមក្នុងកិច្ចពិភាក្សាស្តីពីអាវុធនុយក្លេអ៊ែររបស់គណៈកម្មការមហាសន្និបាតអង្គការសហប្រជាជាតិ។
ប៉ុន្តែលោក Kim In Ryong មិនបានអានចំណុចនេះលឺៗឡើយក្នុងកិច្ចប្រជុំ។ បើតាមទីភ្នាក់ងារព័ត៌មាន Reuters ដដែល លោក Kim បាននិយាយដូច្នេះ៖« ដរាបណាប្រទេសនោះមិនបានចូលរួមក្នុងសកម្មភាពយោធារបស់អាមេរិកប្រឆាំងនឹងកូរ៉េខាងជើង យើងគ្មានចេតនាប្រើប្រាស់ឬគំរាមប្រើប្រាស់អាវុធនុយក្លេអ៊ែរដើម្បីប្រឆាំងពួកគេឡើយ»។
មន្ត្រីទូតកូរ៉េខាងជើងរូបនេះបានបន្តថា ៖«ទឹកដីអាមេរិកទាំងមូលស្ថិតក្នុងទិសដៅដែលមីស៊ីលរបស់យើងអាចទៅដល់ ហើយបើសិនជាអាមេរិកហ៊ានឈ្លានពានទឹកដីរបស់យើងសូម្បីមួយជំហាន អាមេរិកមិនអាចរត់រួចពីការវាយប្រហារតបវិញយ៉ាងចាស់ដៃរបស់យើងឡើយ»។
តំណាងក្រុងព្យុងយ៉ាងខាងលើបានប្រាប់ទៅកាន់អង្គប្រជុំផងដែរថា បើសិនជាអាមេរិកមិនព្រមបញ្ឈប់គោលនយោបាយអរិភាព និងគំរាមកំហែងគេឯងអាងខ្លួនជាមហាអំណាចទេនោះ កូរ៉េខាងជើងនឹងមិនព្រមយកបញ្ហានុយក្លេអ៊ែរនិងមីស៊ីលខ្លួនដាក់ចូលក្នុងការចរចាជាដាច់ខាត។
ភាពតានតឹងនៅឧបទ្វីបកូរ៉េកាន់តែកើនឡើងរយៈពេលប៉ុន្មានខែចុងក្រោយនេះ ដោយមានការបន្តសង្គ្រាមពាក្យសម្តីវាងក្រុងព្យុងយ៉ាង និងក្រុងវ៉ាស៊ីនតោន។ អ្វីដែលគួរឲ្យព្រួយបារម្ភនោះគឺ ប្រធានាធិបតីអាមេរិកលោក ដូណាល់ ត្រាំ គំរាមប្រើប្រាស់កម្លាំងទ័ពជាច្រើនដងកន្លងមកផង។ ប៉ុន្តែមកដល់សប្តាហ៍មុន រដ្ឋមន្ត្រីការបរទេសអាមេរិកលោក រិច ធីល័រសិន បានអះអាងថា អាមេរិកនឹងបន្តប្រើប្រាស់វិធានការទូតរហូតដល់គ្រាប់បែកកូរ៉េខាងជើងធ្លាក់ចុះមកសិន។ វាមានន័យថាអាមេរិកនៅបន្តចរចា និងអត់ធ្មត់ ទាល់តែកូរ៉េខាងជើងធ្វើសង្គ្រាមមុន។
បច្ចុប្បន្ននេះសហគមន៍អន្តរជាតិបន្តដាក់សម្ពាធ និងព្យាយាមកាត់ផ្តាច់ចរន្តហិរញ្ញវត្ថុរបស់កូរ៉េខាងជើងដើម្បីបង្ខំឲ្យរដ្ឋនេះផ្លាស់ប្តូរឥរិយាបទ និងត្រឡប់មកចូលតុចរចាវិញដើម្បីដោះស្រាយបញ្ហានុយក្លេអ៊ែរ។ រយៈពេលពីរបីសប្តាហ៍ចុងក្រោយនេះ កូរ៉េខាងជើងហាក់ដូចជារក្សាភាពស្ងៀមស្ងាត់ និងមិនបង្ករឿងដោយបាញសាកល្បងមីស៊ីលឬនុយក្លេអ៊ែរទៀតឡើយសូម្បីតែក្នុងពិធីខួបលើកទី ៧២ នៃការបង្កើតបក្សពលករក្តី៕
«អ្នកឯងមានសុវត្ថិភាព ដរាបណាអ្នកមិនចូលជាមួយអាមេរិកក្នុងសកម្មភាពយោធាប្រឆាំងកូរ៉េខាងជើង»។ នេះជាសារព្រមានថ្លែងចេញពីមាត់អគ្គរដ្ឋទូតរងកូរ៉េខាងជើងប្រចាំអង្គការសហប្រជាជាតិ Kim In Ryong ដែលជាតំណាងមេដឹកនាំកំពូល គីម ជុងអ៊ុន នាថ្ងៃចន្ទ។
បើតាមទីភ្នាក់ងារព័ត៌មាន Reuters សារព្រមាននេះស្ថិតក្នុងសំណេសុន្ទរកថា របស់មន្ត្រីទូតជាន់ខ្ពស់ក្រុងព្យុងយ៉ាងនេះ ពេលលោកចូលរួមក្នុងកិច្ចពិភាក្សាស្តីពីអាវុធនុយក្លេអ៊ែររបស់គណៈកម្មការមហាសន្និបាតអង្គការសហប្រជាជាតិ។
ប៉ុន្តែលោក Kim In Ryong មិនបានអានចំណុចនេះលឺៗឡើយក្នុងកិច្ចប្រជុំ។ បើតាមទីភ្នាក់ងារព័ត៌មាន Reuters ដដែល លោក Kim បាននិយាយដូច្នេះ៖« ដរាបណាប្រទេសនោះមិនបានចូលរួមក្នុងសកម្មភាពយោធារបស់អាមេរិកប្រឆាំងនឹងកូរ៉េខាងជើង យើងគ្មានចេតនាប្រើប្រាស់ឬគំរាមប្រើប្រាស់អាវុធនុយក្លេអ៊ែរដើម្បីប្រឆាំងពួកគេឡើយ»។
មន្ត្រីទូតកូរ៉េខាងជើងរូបនេះបានបន្តថា ៖«ទឹកដីអាមេរិកទាំងមូលស្ថិតក្នុងទិសដៅដែលមីស៊ីលរបស់យើងអាចទៅដល់ ហើយបើសិនជាអាមេរិកហ៊ានឈ្លានពានទឹកដីរបស់យើងសូម្បីមួយជំហាន អាមេរិកមិនអាចរត់រួចពីការវាយប្រហារតបវិញយ៉ាងចាស់ដៃរបស់យើងឡើយ»។
តំណាងក្រុងព្យុងយ៉ាងខាងលើបានប្រាប់ទៅកាន់អង្គប្រជុំផងដែរថា បើសិនជាអាមេរិកមិនព្រមបញ្ឈប់គោលនយោបាយអរិភាព និងគំរាមកំហែងគេឯងអាងខ្លួនជាមហាអំណាចទេនោះ កូរ៉េខាងជើងនឹងមិនព្រមយកបញ្ហានុយក្លេអ៊ែរនិងមីស៊ីលខ្លួនដាក់ចូលក្នុងការចរចាជាដាច់ខាត។
ភាពតានតឹងនៅឧបទ្វីបកូរ៉េកាន់តែកើនឡើងរយៈពេលប៉ុន្មានខែចុងក្រោយនេះ ដោយមានការបន្តសង្គ្រាមពាក្យសម្តីវាងក្រុងព្យុងយ៉ាង និងក្រុងវ៉ាស៊ីនតោន។ អ្វីដែលគួរឲ្យព្រួយបារម្ភនោះគឺ ប្រធានាធិបតីអាមេរិកលោក ដូណាល់ ត្រាំ គំរាមប្រើប្រាស់កម្លាំងទ័ពជាច្រើនដងកន្លងមកផង។ ប៉ុន្តែមកដល់សប្តាហ៍មុន រដ្ឋមន្ត្រីការបរទេសអាមេរិកលោក រិច ធីល័រសិន បានអះអាងថា អាមេរិកនឹងបន្តប្រើប្រាស់វិធានការទូតរហូតដល់គ្រាប់បែកកូរ៉េខាងជើងធ្លាក់ចុះមកសិន។ វាមានន័យថាអាមេរិកនៅបន្តចរចា និងអត់ធ្មត់ ទាល់តែកូរ៉េខាងជើងធ្វើសង្គ្រាមមុន។
អត្ថបទទាក់ទង
បច្ចុប្បន្ននេះសហគមន៍អន្តរជាតិបន្តដាក់សម្ពាធ និងព្យាយាមកាត់ផ្តាច់ចរន្តហិរញ្ញវត្ថុរបស់កូរ៉េខាងជើងដើម្បីបង្ខំឲ្យរដ្ឋនេះផ្លាស់ប្តូរឥរិយាបទ និងត្រឡប់មកចូលតុចរចាវិញដើម្បីដោះស្រាយបញ្ហានុយក្លេអ៊ែរ។ រយៈពេលពីរបីសប្តាហ៍ចុងក្រោយនេះ កូរ៉េខាងជើងហាក់ដូចជារក្សាភាពស្ងៀមស្ងាត់ និងមិនបង្ករឿងដោយបាញសាកល្បងមីស៊ីលឬនុយក្លេអ៊ែរទៀតឡើយសូម្បីតែក្នុងពិធីខួបលើកទី ៧២ នៃការបង្កើតបក្សពលករក្តី៕
Tag:
កូរ៉េខាងជើង
អង្គការសហប្រជាជាតិ
Kim In Ryong
© រក្សាសិទ្ធិដោយ thmeythmey.com
