ពីនេះ ពីនោះ
ព័ត៍មានសុខភាព
បាក់តេរីក្នុងពោះវៀនអាចជាប់ទាក់ទងនឹងភាពគ្រោះថ្នាក់របស់ខ្លាញ់រាងកាយ
× យោងទៅតាមសេចក្តីរាយការណ៍របស់ BBC បានឲ្យដឹងថា ការបង្កើតជាបាក់តេរីដែលមានក្នុងលាមកមនុស្សអាចជះឥទ្ធិពលទៅលើកម្រិតគ្រោះថ្នាក់នៃជាតិខ្លាញ់ក្នុងរាងកាយយើងដែរ។ រឿងនេះគឺផ្អែកទៅលើការសិក្សារបស់អង់គ្លេសមួយដែលពិនិត្យទៅលើលាមកដែលយកពីកូនភ្លោះ និងមនុស្សធាត់ជ្រុល។ ការសិក្សាបានបង្ហាញថា អ្នកដែលមានបាក់តេរីក្នុងលាមកតិច គឺទំនងជាងាយកើតជំងឺធាត់ជ្រុលខ្លាំង។
ទំនាក់ទំនងនេះគឺខ្លាំងបំផុតត្រង់ថាគេនិយាយទៅលើខ្លាញ់រុំសរីរាង្គ ដែលស្ថិតនៅជុំវិញសរីរាង្គក្នុងពោះតែម្តង។ ខ្លាញ់ប្រភេទនេះគឺមានជាប់ទាក់ទងនឹងការប្រឈមខ្ពស់នឹងជំងឺ Metabolic ដូចជាជំងឺទឹកនោមផ្អែមប្រភេទទី២ ព្រមទាំងជំងឺបេះដូងសរសៃឈាមតែម្តង។
ការសិក្សាក៏បានរកឃើញថា កូនភ្លោះដែលដូចគ្នាបេះបិតទំនងជាមានបាក់តេរីស្រដៀងគ្នាក្នុងលាមករបស់ពួកគេជាងកូនភ្លោះដែលមានមុខខុសគ្នា ដែលរឿងនេះជាផ្នែកមួយនៃហ្សែន។ វាក៏អាចពន្យល់បានថា ហេតុអ្វីបានជាការធាត់ជ្រុលពេលខ្លះកើតឡើងជាលក្ខណៈគ្រួសារដែរ។
ការញ៉ាំអាហារផ្តល់តុល្យភាព និងរស់នៅបែបសកម្មអាចជួយថែរក្សាទម្ងន់ឲ្យមានសុខភាពល្អបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com