ពីនេះ ពីនោះ
ការនេសាទត្រីហាក់ក្លាយជាល្បែងប្រជាប្រិយដ៏ពេញនិយម សម្រាប់កុមារនៅតាមស្រុកស្រែចម្ការ
× កុមារាបួននាក់ ក្នុងដៃមានកាន់ឧបករណ៍នេសាទប្រពៃណី «អង្រុត» និងរំពាត់ ដើម្បីរុត និងចាប់ត្រីដែលផុសចេញពីគន្លងត្រាក់ទ័រដែលកំពុងរាស់រានដី។ ក្រៅពីការសិក្សា និងការជួយកិច្ចការជំនួសដៃជើងឪពុកម្តាយ ដូចជាឃ្វាលគោក្របីជាដើម ការនេសាទតាមវាលស្រែ ថ្លុក ត្រពាំង បឹងបួរ ហាក់ក្លាយជាល្បែងប្រជាប្រិយដ៏ពេញនិយម សម្រាប់កុមារនៅតាមស្រុកស្រែចម្ការ។ នៅកម្ពុជាត្រីជាប្រភពចំណីអាហារដ៏សំខាន់មួយ សម្រាប់ជនក្រីក្រនៅតាមជនបទ ដោយសារតែភាពសម្បូរបែប និងភាពងាយរក បាន ត្រីបានរួមចំណែកយ៉ាងធំដល់សន្តិសុខស្បៀងជាតិ។
ទោះបីត្រីមានជីវជាតិខ្ពស់ហើយត្រូវបានគេប្រើប្រាស់យ៉ាងទូលំទូលាយនៅក្នុងប្រទេសកម្ពុជាក្តី ក៏ចំនួនប្រជាជននៅតែទទួលរងពីកង្វះអាហារូបត្ថម្ភយ៉ាងធ្ងន់ធ្ងរ ពិសេសក្នុងចំណោមកុមារ និងស្ត្រីដដែល។ ការប្រើប្រាស់ឧបករណ៍នេសាទឆក់ត្រី ព្រមទាំងឧបករណ៍នេសាទល្មើសច្បាប់ផ្សេងៗ ព្រមទាំងការចាប់កូនត្រីធ្វើអាជីវកម្មក្នុងរដូវបិទនេសាទ បានជួយជំរុញឲ្យត្រីក្នុងធម្មជាតិកាន់តែហិនហោចទៅៗ។ (អត្ថបទ និងរូបភាពដោយ Chhut Chheana / USAID Wonders of the Mekong).
© រក្សាសិទ្ធិដោយ thmeythmey.com