អន្តរជាតិ
រូបភាព៖ AP
×![]()
លោក ស៊ី ជិនភីង ក្លាយជាប្រធានាធិបតី ចិននៅក្នុងឆ្នាំ ២០១២។ នៅក្នុងមហាសន្និបាតបក្សកុម្មុយនីស្តលើកទី ១៩ ថ្ងៃ ១៨ ខែតុលាសប្តាហ៍នេះដែរ លោក ស៊ី ជិនភីង ដែលបច្ចុប្បន្នជាអគ្គលេខាធិការបក្សផង និងជាប្រធានាធិបតីផងនោះនឹងត្រូវគេបោះឆ្នោតផ្តល់សេចក្តីទុកចិត្តឲ្យបន្តដឹកនាំមួយអាណត្តិទៀតសម្រាប់រយៈពេលប្រាំឆ្នាំ ។
ក្រោយដឹកនាំមហាយក្សចិន អស់ប្រាំឆ្នាំ លោក ស៊ី ជិនភីង ត្រូវបានគេចាត់ទុកជាមេដឹកនាំដែលមានឥទ្ធិពលបំផុតលើពិភពលោកនេះ និងជាមនុស្សដែលមានឥទ្ធិពលបំផុតក្នុងបក្សបន្ទាប់ពីលោកប្រធាន ម៉ៅ សេទុង ផងនោះ។
ក្នុងរយៈពេលប្រាំឆ្នាំមកនេះ លោកយកគោលនយោបាយកណ្តាប់ដៃដែកកម្ចាត់ពុករលួយទៅបោសសម្អាតរាល់គូបដិបក្ខនយោបាយទុកតែមនុស្សមានភក្តីភាព និងមោះមុតចំពោះលោកនិងបក្ស។ ក្រៅពីនេះ លោកបិទមាត់រាល់អ្នករិះគន់ ឬប្រឆាំង និងប្រឹងប្រែងទាញយកប្រជាប្រិយភាពពីពលរដ្ឋគ្រប់ស្រទាប់វណ្ណៈ ក៏ដូចជាពង្រឹងអំណាចផង។ អ្វីដែលគួរឲ្យកត់សម្គាល់នៅពេលនេះ លោក ស៊ី ជិនភីង ប្រហែលជានឹងជំរុញការកែរដ្ឋធម្មនុញ្ញបក្ស និងបញ្ចូលឈ្មោះ និងគំនិតនយោបាយរបស់លោកផ្ទាល់ក្នុងលិខិតបទដ្ឋានកំពូលរបស់បក្សផង។
បញ្ចូលឈ្មោះខ្លួនក្នុងរដ្ឋធម្មនុញ្ញបក្សនេះ គឺជាយុទ្ធសាស្ត្រសំខាន់ក្នុងការពង្រឹងអំណាច ហើយ វានឹងធ្វើឲ្យលោកស្ថិតក្នុងឋានៈដែលស្មើមុខ ស្មើមាត់ស្ថាបនិក និងជាអ្នកកសាងប្រទេសចិនកន្លងមកដូចជាលោក ម៉ៅ សេទុង និងលោក តេង ស៊ាវភីងផងដែរ។ ទាំងម៉ៅ សេទុង និង តេង ស៊ាវភីងសុទ្ធតែមានទ្រឹស្តីនយោបាយនិងឈ្មោះរបស់ខ្លួនក្នុងរដ្ឋធម្មនុញ្ញបក្ស ប៉ុន្តែ អតីតប្រធានាធិបតីលោក ចាង ជេមីន និងលោក ហ៊ូ ជិនតាវ មិនមានឈ្មោះផ្ទាល់ឡើយ។
ខាងក្រោមនេះជាជីវប្រវត្តិសង្ខេបរបស់មេដឹកនាំកំពូលរបស់ចិន ស៊ី ជិនភីង នេះ៖
លោក ស៊ី ជិនភីង កើតនៅក្នុងឆ្នាំ ១៩៥៣ នៅក្នុងរដ្ឋធានីប៉េកាំង ត្រឹមបួនឆ្នាំប៉ុណ្ណោះក្រោយការប្រកាសសាធារណរដ្ឋចិនជាផ្លូវការដោយលោក ម៉ៅ សេទុង។ លោកជាកូនប្រុសរបស់អតីតសមាជិកស្ថាបនិកបក្សកុម្មុយនីស្ត និងជនបដិវត្តន៍ជាន់ខ្ពស់ដ៏ស្មោះស្ម័គ្រម្នាក់នៃបក្សកុម្មុយនីស្តលោក Xi Zhongxun។
យ៉ាងណាមិញក្រុមគ្រួសារលោកចាប់ផ្តើមប្រែប្រួលនៅក្នុងឆ្នាំ ១៩៦២ មុនពេលដែលបដិវត្តន៍វប្បធម៌កើតឡើង។ឪពុករបស់លោកត្រូវបានគេចាប់ខ្លួន និង ដាក់ពន្ធនាគារផងដែរ។ នៅអាយុ ១៥ ឆ្នាំ លោកស៊ី ជិនភីង បានទៅរៀនសូត្រនៅតំបន់ដាច់ស្រយាល និងក្រីក្រ ភូមិ Liangjiahe ក្នុងរយៈពេលប្រាំពីរឆ្នាំឯណោះ។
បើទោះជាក្រុមគ្រួសារលោកក្លាយជាជនរងគ្រោះក្នុងជំនាន់បដិវត្តន៍វប្បធម៌ដោយសារបក្សកុម្មុយនីស្តក្តី លោក ស៊ី ជិនភីង មិនមានគំនិតប្រឆាំងគណបក្សនេះឡើយ។ លោកនៅតែបន្តគាំទ្រ និងឈានទៅចូលក្នុងបក្សថែមទៀត បើទោះជាសំណើររបស់លោកត្រូវគេបដិសេធច្រើនដងដោយសារប្រវត្តិឪពុករបស់លោកក្តី។
ព្រោះមិនបោះបង់មហិច្ឆតាចូលរួមជាមួយបក្ស លោក ស៊ី បានក្លាយជាសមាជិកបក្សជាផ្លូវការនៅឆ្នាំ ១៩៧៤ និងបន្តប្រឹងប្រែងរហូតឡើងតំណែងជាបន្តបន្ទាប់។ ក្រោយពេលក្លាយជាសមាជិកបក្សកុម្មុយនីស្ត លោក ស៊ី បានចាប់ផ្តើមបន្តការសិក្សាផ្នែកវិស្វករគីមីនៅសាកលវិទ្យាល័យ Tsinghua និងទទួលបានសញ្ញាបត្របរិញ្ញាបត្រជាផ្លូវការនៅឆ្នាំ ១៩៧៩។
ចន្លោះពីឆ្នាំ ១៩៧៩ ដល់ឆ្នាំ ១៩៨២ លោក ស៊ី បានបម្រើការងារក្នុងអនុប្រធានទីបញ្ជាការយោធាមជ្ឈិម ហើយលោកបានរៀនសូត្រ និងទទួលបានពិសោធន៍ច្រើនពាក់ព័ន្ធបញ្ហាយោធា។ ក្នុងពេលបំពេញការងារក្នុងវិស័យកងទ័ព លោក ស៊ី ជិនភិង បានស្គាល់ និងឈានទៅរៀបការជាមួយភរិយាទីមួយរបស់ខ្លួនលោកស្រី Ke Lingling ជាកូនស្រីឯកអគ្គរដ្ឋទូតចិនប្រចាំចក្រភពអង់គ្លេស។ ប៉ុន្តែចំណងអាពាហ៍ពិពាហ៍នោះត្រូវបញ្ចប់ត្រឹមពីរបីឆ្នាំក្រោយការរៀបអាពាហ៍ពិពាហ៍ប៉ុណ្ណោះ។
ចាប់ពីឆ្នាំ ១៩៨៣ ដល់ឆ្នាំ ២០០៧ លោក ស៊ី ជិនភីងចាប់ផ្តើមកាន់កាប់ការងារខ្ពស់ៗក្នុងបក្សកុម្មុយនីស្តប្រចាំខេត្ត។ លោកចាប់ផ្តើមការងារដឹកនាំក្នុងបក្សដំបូងនៅខេត្ត Hebei ។ បន្ទាប់មកលោកបានទៅកាន់តំណែងជាអភិបាលរងក្រុង Xiamen នៃខេត្ត Fujian ហើយក្នុងពេលនោះលោកបានរៀបការជាមួយតារាចម្រៀងលោកស្រី Peng Liyuan។ ក្រោយរៀបអាពាហ៍ពិពាហ៍ អ្នកទាំងពីរបានកូនស្រីម្នាក់ឈ្មោះ Xi Mingze ហើយនាងបានទទួលការរៀនសូត្រនៅសាកលវិទ្យាល័យ Harvard ផងដែរ ប៉ុន្តែនាងមិនសូវចេញមុខជាសាធារណៈនិងត្រូវបានគេស្គាល់ច្រើនឡើយ។
តមកទៀត លោកស៊ី ជិនភីង ត្រូវបានគេដំឡើងតំណែងទៅជាអភិបាលខេត្ត និងជាលេខាធិការបក្សខេត្ត Fujian និងខេត្ត Zhejiang ផងដែរ។ ឆ្នាំ ២០០៧ លោកបានឡើងតំណែងទៅជាលេខាធិការបក្សកុម្មុយនីស្តក្រុងសៀងហៃ ខណៈពេលដែលការដឹកនាំនៅក្រុងនេះប្រឈមរឿងអាស្រូវ និងរង្គោះរង្គើរខ្លាំង។ ក្រោមការដឹកនាំរបស់លោក ក្រុងសៀងហៃផ្លាស់ប្តូរមុខមាត់ថ្មី ដែលសមិទ្ធផលនេះបានធ្វើឲ្យលោកមានឱកាសក្លាយជាសមាជិកគណៈកម្មាធិការអចិន្ត្រៃយ៍នៃការិយាល័យនយោបាយ។ ដើមឆ្នាំ ២០០៨ លោក ស៊ី ជិនភីង ត្រូវបានគេបោះឆ្នោតជ្រើសរើសឲ្យធ្វើជាអនុប្រធានាធិបតីចិនជាផ្លូវការ និងជាអ្នកទទួលខុសត្រូវដឹកនាំនិងរៀបចំទទួលកីឡាអូឡាំពិករដូវក្តៅឆ្នាំ ២០០៨។
រហូតដល់ចុងឆ្នាំ ២០១២ អ្នកនយោបាយរូបនេះត្រូវបានគេបោះឆ្នោតជ្រើសរើសជាអគ្គលេខាធិការបក្សកុម្មុយនីស្តចិន និងជាប្រធានគណៈកម្មាធិការយោធាមជ្ឈិមដែលជាស្ថាប័នកំពូលរបស់បក្សផង។ បន្ទាប់មកទៀតនៅខែមីនាឆ្នាំ ២០១៣ លោក ស៊ី ត្រូវបានគេបោះឆ្នោតជ្រើសរើសឲ្យធ្វើជាប្រធានាធិបតី ឬប្រមុខរដ្ឋចិន ហើយក្នុងពេលនោះដែរលោកបានថ្លែងសុន្ទរកថាផ្លូវការមួយដែលផ្តោតសំខាន់លើការកសាងប្រជាជាតិចិនសម័យទំនើប និងធ្វើយ៉ាងណាកសាងមុខមាត់ចិនលើឆាកអន្តរជាតិឲ្យបានខ្លាំងក្លាផង។
ក្រោមការដឹកនាំរបស់លោក ស៊ី ជិនភីង ចិនបានផ្លាស់ប្តូរមុខមាត់របស់ខ្លួនជាពិសេសលើឆាកអន្តរជាតិ លើការកសាងអំណាចទន់ និង ពង្រីកតួនាទីរបស់មហាយក្សចិនក្នុងឆាកអន្តរជាតិឲ្យស្មើមុខស្មើមាត់មហាអំណាចឯទៀតផងដែរ។ ដូចឃើញស្រាប់ ដាក់ចេញ«គំនិតផ្តួចផ្តើមខ្សែក្រវាត់មួយវិថីមួយ» (BRI) របស់លោក ស៊ី ជិនភីង នៅឆ្នាំ ២០១៣ ដើម្បីប្រមែរប្រមូលប្រទេសនានាឲ្យចូលរួមក្នុងការជំរុញកសាងហេដ្ឋារចនាសម្ព័ន្ធជួយដល់ការផ្សាភ្ជាប់និងជំរុញពាណិជ្ជកម្មជាដើម។ ដើម្បីធានាការអនុវត្តគម្រោងអភិវឌ្ឍហេដ្ឋារចនាសម្ព័ន្ធនេះ ចិនបានបង្កើតធនាគារវិនិយោគហេដ្ឋារចនាសម្ព័ន្ធអាស៊ី (AIIB)ឆ្នាំ ២០១៥ ថែមទៀតផង។
មហាយក្សចិនបន្តប្តេជ្ញាបើកចំហទីផ្សារ និង គាំទ្រពាណិជ្ជកម្មសេរីដែលជួយជំរុញឲ្យសេដ្ឋកិច្ចពិភពលោករីកចម្រើនទៅមុខ។ មួយទៀត ចិនបន្តបង្កើនតួនាទី និងការចូលរួមរបស់ចិនក្នុងការដោះស្រាយបញ្ហាបរិស្ថានពិភពលោកដូចជាការប្រែប្រួលអាកាសធាតុ លើកកម្ពស់ការអភិវឌ្ឍប្រកបដោយនិរន្តរភាព ស្របពេលដែលមហាអំណាចដូចជាអាមេរិកដកខ្លួនចេញឈប់ចូលរួមដោះស្រាយបញ្ហាពិភពលោកនោះ។
ចំណែកសមិទ្ធផលក្នុងស្រុកវិញ លោក ស៊ី ជិនភីង បានពង្រឹងការកែទម្រង់ការដឹកនាំតាមរយៈការបោសសម្អាតអំពើពុករលួយ និងធ្វើយ៉ាងណាធានការរីកចម្រើន និងអភិវឌ្ឍសេដ្ឋកិច្ចចិនជាលំដាប់។ លោក ស៊ី ជិនភីង បន្តអនុវត្តគោលនយោបាយកណ្តាប់ដៃដែកធានាបោសសម្អាតអំពើពុករលួយដែលជាឧបសគ្គនៃការអភិវឌ្ឍប្រទេស ដោយចាប់ចង កាត់ទោស និងដាក់ពន្ធធានាគារមន្ត្រីជាន់ទាបដល់កំពូលអស់ ១,៣លាននាក់ឯណោះ។
រដ្ឋាភិបាលចិនបន្តកាត់បន្ថយភាពក្រីក្របានយ៉ាងរហ័សតាមរយៈការអនុវត្តគោលនយោបាយកែទម្រង់សេដ្ឋកិច្ច និងរបបគ្រប់គ្រងសង្គមបែបប្រជាធិបតេយ្យដែលពឹងលើនយោបាយសេដ្ឋកិច្ចទីផ្សារសេរី។ សមិទ្ធផលសំខាន់មួយទៀតនោះគឺលោកបានសម្រេចបញ្ចប់គោលនយោបាយកូនមួយដែលបានអនុវត្តក្នុងសង្គមចិនអស់ជាច្រើនទសវត្ស៍មកនោះ។
បន្ថែមពីនេះ រដ្ឋាភិបាលលោក ស៊ី ជិនភីង បានប្រឹងប្រែងកែទម្រង់ស្ថាប័នកងទ័ព និងកសាងកម្លាំងទ័ពឲ្យខ្លាំងស័ក្តិសមជាមហាអំណាចពិភពលោកជាពិសេសកងទ័ពជើងទឹក និងជើងអាកាស។ នេះក៏ចំពេលដែលចិនបន្តមានជម្លោះដែនទឹកនៅសមុទ្រចិនខាងកើតជាមួយជប៉ុន និងសមុទ្រចិនខាងត្បូងជាមួយប្រទេសផ្សេងនៅតំបន់អាស៊ានផង៕
ក្រោយដឹកនាំមហាយក្សចិន អស់ប្រាំឆ្នាំ លោក ស៊ី ជិនភីង ត្រូវបានគេចាត់ទុកជាមេដឹកនាំដែលមានឥទ្ធិពលបំផុតលើពិភពលោកនេះ និងជាមនុស្សដែលមានឥទ្ធិពលបំផុតក្នុងបក្សបន្ទាប់ពីលោកប្រធាន ម៉ៅ សេទុង ផងនោះ។
ក្នុងរយៈពេលប្រាំឆ្នាំមកនេះ លោកយកគោលនយោបាយកណ្តាប់ដៃដែកកម្ចាត់ពុករលួយទៅបោសសម្អាតរាល់គូបដិបក្ខនយោបាយទុកតែមនុស្សមានភក្តីភាព និងមោះមុតចំពោះលោកនិងបក្ស។ ក្រៅពីនេះ លោកបិទមាត់រាល់អ្នករិះគន់ ឬប្រឆាំង និងប្រឹងប្រែងទាញយកប្រជាប្រិយភាពពីពលរដ្ឋគ្រប់ស្រទាប់វណ្ណៈ ក៏ដូចជាពង្រឹងអំណាចផង។ អ្វីដែលគួរឲ្យកត់សម្គាល់នៅពេលនេះ លោក ស៊ី ជិនភីង ប្រហែលជានឹងជំរុញការកែរដ្ឋធម្មនុញ្ញបក្ស និងបញ្ចូលឈ្មោះ និងគំនិតនយោបាយរបស់លោកផ្ទាល់ក្នុងលិខិតបទដ្ឋានកំពូលរបស់បក្សផង។
បញ្ចូលឈ្មោះខ្លួនក្នុងរដ្ឋធម្មនុញ្ញបក្សនេះ គឺជាយុទ្ធសាស្ត្រសំខាន់ក្នុងការពង្រឹងអំណាច ហើយ វានឹងធ្វើឲ្យលោកស្ថិតក្នុងឋានៈដែលស្មើមុខ ស្មើមាត់ស្ថាបនិក និងជាអ្នកកសាងប្រទេសចិនកន្លងមកដូចជាលោក ម៉ៅ សេទុង និងលោក តេង ស៊ាវភីងផងដែរ។ ទាំងម៉ៅ សេទុង និង តេង ស៊ាវភីងសុទ្ធតែមានទ្រឹស្តីនយោបាយនិងឈ្មោះរបស់ខ្លួនក្នុងរដ្ឋធម្មនុញ្ញបក្ស ប៉ុន្តែ អតីតប្រធានាធិបតីលោក ចាង ជេមីន និងលោក ហ៊ូ ជិនតាវ មិនមានឈ្មោះផ្ទាល់ឡើយ។
ខាងក្រោមនេះជាជីវប្រវត្តិសង្ខេបរបស់មេដឹកនាំកំពូលរបស់ចិន ស៊ី ជិនភីង នេះ៖
លោក ស៊ី ជិនភីង កើតនៅក្នុងឆ្នាំ ១៩៥៣ នៅក្នុងរដ្ឋធានីប៉េកាំង ត្រឹមបួនឆ្នាំប៉ុណ្ណោះក្រោយការប្រកាសសាធារណរដ្ឋចិនជាផ្លូវការដោយលោក ម៉ៅ សេទុង។ លោកជាកូនប្រុសរបស់អតីតសមាជិកស្ថាបនិកបក្សកុម្មុយនីស្ត និងជនបដិវត្តន៍ជាន់ខ្ពស់ដ៏ស្មោះស្ម័គ្រម្នាក់នៃបក្សកុម្មុយនីស្តលោក Xi Zhongxun។
យ៉ាងណាមិញក្រុមគ្រួសារលោកចាប់ផ្តើមប្រែប្រួលនៅក្នុងឆ្នាំ ១៩៦២ មុនពេលដែលបដិវត្តន៍វប្បធម៌កើតឡើង។ឪពុករបស់លោកត្រូវបានគេចាប់ខ្លួន និង ដាក់ពន្ធនាគារផងដែរ។ នៅអាយុ ១៥ ឆ្នាំ លោកស៊ី ជិនភីង បានទៅរៀនសូត្រនៅតំបន់ដាច់ស្រយាល និងក្រីក្រ ភូមិ Liangjiahe ក្នុងរយៈពេលប្រាំពីរឆ្នាំឯណោះ។
បើទោះជាក្រុមគ្រួសារលោកក្លាយជាជនរងគ្រោះក្នុងជំនាន់បដិវត្តន៍វប្បធម៌ដោយសារបក្សកុម្មុយនីស្តក្តី លោក ស៊ី ជិនភីង មិនមានគំនិតប្រឆាំងគណបក្សនេះឡើយ។ លោកនៅតែបន្តគាំទ្រ និងឈានទៅចូលក្នុងបក្សថែមទៀត បើទោះជាសំណើររបស់លោកត្រូវគេបដិសេធច្រើនដងដោយសារប្រវត្តិឪពុករបស់លោកក្តី។
ព្រោះមិនបោះបង់មហិច្ឆតាចូលរួមជាមួយបក្ស លោក ស៊ី បានក្លាយជាសមាជិកបក្សជាផ្លូវការនៅឆ្នាំ ១៩៧៤ និងបន្តប្រឹងប្រែងរហូតឡើងតំណែងជាបន្តបន្ទាប់។ ក្រោយពេលក្លាយជាសមាជិកបក្សកុម្មុយនីស្ត លោក ស៊ី បានចាប់ផ្តើមបន្តការសិក្សាផ្នែកវិស្វករគីមីនៅសាកលវិទ្យាល័យ Tsinghua និងទទួលបានសញ្ញាបត្របរិញ្ញាបត្រជាផ្លូវការនៅឆ្នាំ ១៩៧៩។
ចន្លោះពីឆ្នាំ ១៩៧៩ ដល់ឆ្នាំ ១៩៨២ លោក ស៊ី បានបម្រើការងារក្នុងអនុប្រធានទីបញ្ជាការយោធាមជ្ឈិម ហើយលោកបានរៀនសូត្រ និងទទួលបានពិសោធន៍ច្រើនពាក់ព័ន្ធបញ្ហាយោធា។ ក្នុងពេលបំពេញការងារក្នុងវិស័យកងទ័ព លោក ស៊ី ជិនភិង បានស្គាល់ និងឈានទៅរៀបការជាមួយភរិយាទីមួយរបស់ខ្លួនលោកស្រី Ke Lingling ជាកូនស្រីឯកអគ្គរដ្ឋទូតចិនប្រចាំចក្រភពអង់គ្លេស។ ប៉ុន្តែចំណងអាពាហ៍ពិពាហ៍នោះត្រូវបញ្ចប់ត្រឹមពីរបីឆ្នាំក្រោយការរៀបអាពាហ៍ពិពាហ៍ប៉ុណ្ណោះ។
ចាប់ពីឆ្នាំ ១៩៨៣ ដល់ឆ្នាំ ២០០៧ លោក ស៊ី ជិនភីងចាប់ផ្តើមកាន់កាប់ការងារខ្ពស់ៗក្នុងបក្សកុម្មុយនីស្តប្រចាំខេត្ត។ លោកចាប់ផ្តើមការងារដឹកនាំក្នុងបក្សដំបូងនៅខេត្ត Hebei ។ បន្ទាប់មកលោកបានទៅកាន់តំណែងជាអភិបាលរងក្រុង Xiamen នៃខេត្ត Fujian ហើយក្នុងពេលនោះលោកបានរៀបការជាមួយតារាចម្រៀងលោកស្រី Peng Liyuan។ ក្រោយរៀបអាពាហ៍ពិពាហ៍ អ្នកទាំងពីរបានកូនស្រីម្នាក់ឈ្មោះ Xi Mingze ហើយនាងបានទទួលការរៀនសូត្រនៅសាកលវិទ្យាល័យ Harvard ផងដែរ ប៉ុន្តែនាងមិនសូវចេញមុខជាសាធារណៈនិងត្រូវបានគេស្គាល់ច្រើនឡើយ។
តមកទៀត លោកស៊ី ជិនភីង ត្រូវបានគេដំឡើងតំណែងទៅជាអភិបាលខេត្ត និងជាលេខាធិការបក្សខេត្ត Fujian និងខេត្ត Zhejiang ផងដែរ។ ឆ្នាំ ២០០៧ លោកបានឡើងតំណែងទៅជាលេខាធិការបក្សកុម្មុយនីស្តក្រុងសៀងហៃ ខណៈពេលដែលការដឹកនាំនៅក្រុងនេះប្រឈមរឿងអាស្រូវ និងរង្គោះរង្គើរខ្លាំង។ ក្រោមការដឹកនាំរបស់លោក ក្រុងសៀងហៃផ្លាស់ប្តូរមុខមាត់ថ្មី ដែលសមិទ្ធផលនេះបានធ្វើឲ្យលោកមានឱកាសក្លាយជាសមាជិកគណៈកម្មាធិការអចិន្ត្រៃយ៍នៃការិយាល័យនយោបាយ។ ដើមឆ្នាំ ២០០៨ លោក ស៊ី ជិនភីង ត្រូវបានគេបោះឆ្នោតជ្រើសរើសឲ្យធ្វើជាអនុប្រធានាធិបតីចិនជាផ្លូវការ និងជាអ្នកទទួលខុសត្រូវដឹកនាំនិងរៀបចំទទួលកីឡាអូឡាំពិករដូវក្តៅឆ្នាំ ២០០៨។
រហូតដល់ចុងឆ្នាំ ២០១២ អ្នកនយោបាយរូបនេះត្រូវបានគេបោះឆ្នោតជ្រើសរើសជាអគ្គលេខាធិការបក្សកុម្មុយនីស្តចិន និងជាប្រធានគណៈកម្មាធិការយោធាមជ្ឈិមដែលជាស្ថាប័នកំពូលរបស់បក្សផង។ បន្ទាប់មកទៀតនៅខែមីនាឆ្នាំ ២០១៣ លោក ស៊ី ត្រូវបានគេបោះឆ្នោតជ្រើសរើសឲ្យធ្វើជាប្រធានាធិបតី ឬប្រមុខរដ្ឋចិន ហើយក្នុងពេលនោះដែរលោកបានថ្លែងសុន្ទរកថាផ្លូវការមួយដែលផ្តោតសំខាន់លើការកសាងប្រជាជាតិចិនសម័យទំនើប និងធ្វើយ៉ាងណាកសាងមុខមាត់ចិនលើឆាកអន្តរជាតិឲ្យបានខ្លាំងក្លាផង។
ក្រោមការដឹកនាំរបស់លោក ស៊ី ជិនភីង ចិនបានផ្លាស់ប្តូរមុខមាត់របស់ខ្លួនជាពិសេសលើឆាកអន្តរជាតិ លើការកសាងអំណាចទន់ និង ពង្រីកតួនាទីរបស់មហាយក្សចិនក្នុងឆាកអន្តរជាតិឲ្យស្មើមុខស្មើមាត់មហាអំណាចឯទៀតផងដែរ។ ដូចឃើញស្រាប់ ដាក់ចេញ«គំនិតផ្តួចផ្តើមខ្សែក្រវាត់មួយវិថីមួយ» (BRI) របស់លោក ស៊ី ជិនភីង នៅឆ្នាំ ២០១៣ ដើម្បីប្រមែរប្រមូលប្រទេសនានាឲ្យចូលរួមក្នុងការជំរុញកសាងហេដ្ឋារចនាសម្ព័ន្ធជួយដល់ការផ្សាភ្ជាប់និងជំរុញពាណិជ្ជកម្មជាដើម។ ដើម្បីធានាការអនុវត្តគម្រោងអភិវឌ្ឍហេដ្ឋារចនាសម្ព័ន្ធនេះ ចិនបានបង្កើតធនាគារវិនិយោគហេដ្ឋារចនាសម្ព័ន្ធអាស៊ី (AIIB)ឆ្នាំ ២០១៥ ថែមទៀតផង។
មហាយក្សចិនបន្តប្តេជ្ញាបើកចំហទីផ្សារ និង គាំទ្រពាណិជ្ជកម្មសេរីដែលជួយជំរុញឲ្យសេដ្ឋកិច្ចពិភពលោករីកចម្រើនទៅមុខ។ មួយទៀត ចិនបន្តបង្កើនតួនាទី និងការចូលរួមរបស់ចិនក្នុងការដោះស្រាយបញ្ហាបរិស្ថានពិភពលោកដូចជាការប្រែប្រួលអាកាសធាតុ លើកកម្ពស់ការអភិវឌ្ឍប្រកបដោយនិរន្តរភាព ស្របពេលដែលមហាអំណាចដូចជាអាមេរិកដកខ្លួនចេញឈប់ចូលរួមដោះស្រាយបញ្ហាពិភពលោកនោះ។
ចំណែកសមិទ្ធផលក្នុងស្រុកវិញ លោក ស៊ី ជិនភីង បានពង្រឹងការកែទម្រង់ការដឹកនាំតាមរយៈការបោសសម្អាតអំពើពុករលួយ និងធ្វើយ៉ាងណាធានការរីកចម្រើន និងអភិវឌ្ឍសេដ្ឋកិច្ចចិនជាលំដាប់។ លោក ស៊ី ជិនភីង បន្តអនុវត្តគោលនយោបាយកណ្តាប់ដៃដែកធានាបោសសម្អាតអំពើពុករលួយដែលជាឧបសគ្គនៃការអភិវឌ្ឍប្រទេស ដោយចាប់ចង កាត់ទោស និងដាក់ពន្ធធានាគារមន្ត្រីជាន់ទាបដល់កំពូលអស់ ១,៣លាននាក់ឯណោះ។
រដ្ឋាភិបាលចិនបន្តកាត់បន្ថយភាពក្រីក្របានយ៉ាងរហ័សតាមរយៈការអនុវត្តគោលនយោបាយកែទម្រង់សេដ្ឋកិច្ច និងរបបគ្រប់គ្រងសង្គមបែបប្រជាធិបតេយ្យដែលពឹងលើនយោបាយសេដ្ឋកិច្ចទីផ្សារសេរី។ សមិទ្ធផលសំខាន់មួយទៀតនោះគឺលោកបានសម្រេចបញ្ចប់គោលនយោបាយកូនមួយដែលបានអនុវត្តក្នុងសង្គមចិនអស់ជាច្រើនទសវត្ស៍មកនោះ។
បន្ថែមពីនេះ រដ្ឋាភិបាលលោក ស៊ី ជិនភីង បានប្រឹងប្រែងកែទម្រង់ស្ថាប័នកងទ័ព និងកសាងកម្លាំងទ័ពឲ្យខ្លាំងស័ក្តិសមជាមហាអំណាចពិភពលោកជាពិសេសកងទ័ពជើងទឹក និងជើងអាកាស។ នេះក៏ចំពេលដែលចិនបន្តមានជម្លោះដែនទឹកនៅសមុទ្រចិនខាងកើតជាមួយជប៉ុន និងសមុទ្រចិនខាងត្បូងជាមួយប្រទេសផ្សេងនៅតំបន់អាស៊ានផង៕
Tag:
ស៊ី ជិនភីង
ចិន
បក្សកុម្មុយនីស្តចិន
© រក្សាសិទ្ធិដោយ thmeythmey.com
