កីឡាអន្តរជាតិ
អន្តរជាតិ
ពូទីនថា IOC ស្ថិតក្រោមសម្ពាធអាមេរិកដើម្បីរារាំងវត្តមានរុស្ស៊ីក្នុងអូឡាំពិកនៅកូរ៉េខាងត្បូង
×![]()
ដោយ: ទេព ពិទូរ្យ
ប្រធានាធិបតីរុស្ស៊ីលោកវ្លាឌីមៀ ពូទីន (Vladimir Putin) កាលពីថ្ងៃទី១៩ ខែតុលាបាននិយាយថាគណៈកម្មាធិការអូឡាំពិកអន្តរជាតិ (IOC) កំពុងស្ថិតក្រោមសម្ពាធរបស់សហរដ្ឋអាមេរិកដើម្បីរារាំងអត្តពលិករុស្ស៊ីពីការចូលរួមក្នុងព្រឹត្តិការណ៍អូឡាំពិករដូវរងាឆ្នាំ ២០១៨ នាទីក្រុងព្យុងឆាង (Pyeongchang) ប្រទេសកូរ៉េខាងត្បូង។ នេះបើតាមការផ្សាយរបស់ទីភ្នាក់ងារសារព័ត៌មាន Reuters។
«យើងកំពុងមើលឃើញថា IOC ស្ថិតនៅក្រោមសម្ពាធយ៉ាងខ្លាំង។ វាពឹងផ្អែកលើអ្នកផ្សាយពាណិជ្ជកម្មបណ្តាញទូរទស្សន៍ និងអ្នកឧបត្ថម្ភជាដើម។ ហើយអ្នកឧបត្ថម្ភទាំងនោះត្រូវបានទទួលសញ្ញាច្បាស់លាស់ពីស្ថាប័ណអាមេរិកមួយចំនួន។ លោកពូទីនបាននិយាយបែបនេះនៅក្នុងវេទិកាមួយជាមួយមន្ត្រីខ្លួន។
រុស្ស៊ីបានស្ថិតនៅក្រោមការត្រួតពិនិត្យយ៉ាងខ្លាំងក្លាពីស្ថាប័ណកីឡាពិភពលោកចាប់តាំងពីរបាយការណ៍ឆ្នាំ ២០១៥ របស់ភ្នាក់ងារប្រឆាំងការប្រើប្រាស់សារធាតុញៀនពិភពលោក (WADA) បានរកឃើញភ័ស្តុតាងដែលបង្ហាញថាអត្តពលិករុស្ស៊ីបានប្រើប្រាស់សារធាតុប៉ូវកំលាំង (doping) នៅពេលប្រកួតកីឡាអូឡាំពិករដូវរងានៅ Sochi កាលពីឆ្នាំ ២០១៤។
រឿងអាស្រូវខាងលើនេះកំពុងធ្វើឲ្យអន្តរាយដល់ការចូលរួមរបស់រុស្ស៊ីនៅក្នុងព្រឹត្តិការណ៍កីឡាអូឡាំពិកនៅខែកុម្ភៈឆ្នាំក្រោយ ដែលកូរ៉េខាងត្បូងធ្វើជាម្ចាស់ផ្ទះនោះ។ លើសពីនេះទៀត កាលពីខែមុនប្រមុខនៃភ្នាក់ងារប្រឆាំងសារធាតុប៉ូវកំលាំងថ្នាក់ជាតិ (NADOs) ក៏បានអំពាវនាវឲ្យគណៈកម្មាធិការអូឡាំពិកអន្តរជាតិ ដករុស្ស៊ីចេញពីការប្រកួតអូឡាំពិកឆ្នាំក្រោយផងដែរ។
ប៉ុន្តែយ៉ាងក៏ដោយ បច្ចុប្បន្ន IOC កំពុងធ្វើតេស្តឡើងវិញទៅលើអត្តពលិករុស្ស៊ីដែលធ្លាប់មានវត្តមាននៅ Sochi ហើយរំពឹងថានឹងមានការសម្រេចចិត្តមួយនៅចុងឆ្នាំនេះ៕
«យើងកំពុងមើលឃើញថា IOC ស្ថិតនៅក្រោមសម្ពាធយ៉ាងខ្លាំង។ វាពឹងផ្អែកលើអ្នកផ្សាយពាណិជ្ជកម្មបណ្តាញទូរទស្សន៍ និងអ្នកឧបត្ថម្ភជាដើម។ ហើយអ្នកឧបត្ថម្ភទាំងនោះត្រូវបានទទួលសញ្ញាច្បាស់លាស់ពីស្ថាប័ណអាមេរិកមួយចំនួន។ លោកពូទីនបាននិយាយបែបនេះនៅក្នុងវេទិកាមួយជាមួយមន្ត្រីខ្លួន។
រុស្ស៊ីបានស្ថិតនៅក្រោមការត្រួតពិនិត្យយ៉ាងខ្លាំងក្លាពីស្ថាប័ណកីឡាពិភពលោកចាប់តាំងពីរបាយការណ៍ឆ្នាំ ២០១៥ របស់ភ្នាក់ងារប្រឆាំងការប្រើប្រាស់សារធាតុញៀនពិភពលោក (WADA) បានរកឃើញភ័ស្តុតាងដែលបង្ហាញថាអត្តពលិករុស្ស៊ីបានប្រើប្រាស់សារធាតុប៉ូវកំលាំង (doping) នៅពេលប្រកួតកីឡាអូឡាំពិករដូវរងានៅ Sochi កាលពីឆ្នាំ ២០១៤។
រឿងអាស្រូវខាងលើនេះកំពុងធ្វើឲ្យអន្តរាយដល់ការចូលរួមរបស់រុស្ស៊ីនៅក្នុងព្រឹត្តិការណ៍កីឡាអូឡាំពិកនៅខែកុម្ភៈឆ្នាំក្រោយ ដែលកូរ៉េខាងត្បូងធ្វើជាម្ចាស់ផ្ទះនោះ។ លើសពីនេះទៀត កាលពីខែមុនប្រមុខនៃភ្នាក់ងារប្រឆាំងសារធាតុប៉ូវកំលាំងថ្នាក់ជាតិ (NADOs) ក៏បានអំពាវនាវឲ្យគណៈកម្មាធិការអូឡាំពិកអន្តរជាតិ ដករុស្ស៊ីចេញពីការប្រកួតអូឡាំពិកឆ្នាំក្រោយផងដែរ។
ប៉ុន្តែយ៉ាងក៏ដោយ បច្ចុប្បន្ន IOC កំពុងធ្វើតេស្តឡើងវិញទៅលើអត្តពលិករុស្ស៊ីដែលធ្លាប់មានវត្តមាននៅ Sochi ហើយរំពឹងថានឹងមានការសម្រេចចិត្តមួយនៅចុងឆ្នាំនេះ៕
Tag:
កីឡាអូឡាំពិក
រុស្ស៊ី
ពូទីន
IOC
កូរ៉េខាងត្បូង
© រក្សាសិទ្ធិដោយ thmeythmey.com
