ជាតិ
×![]()
កងទ័ពមួកខៀវកម្ពុជា ជាសមាជិកគ្រួសារដ៏ធំរបស់អង្គការសហប្រជាជាតិ ដែលបានចូលរួមបំពេញកិច្ចការដ៏ធំធេងក្នុងការថែរក្សាសន្តិភាពលើពិភពលោក។ នារយៈពេលជាង១០ឆ្នាំកន្លងមកនេះ កម្ពុជាបានបញ្ជូនកងទ័ពមួកខៀវជាង៤៧០០នាក់ ទៅបំពេញបេសកកម្មនៅប្រទេសចំនួន៨ ហើយនៅដើមខែវិច្ឆិកា ខាងមុខ កងកម្លាំងវិស្វកម្មជាង២០០នាក់ ក្នុងនោះស្ត្រី១៤នាក់ នឹងត្រូវចេញទៅបំពេញបេសកកម្មនៅអាហ្វ្រិកកណ្តាល។
ចាប់ពីឆ្នាំ២០០៦ដល់ឆ្នាំ២០១៧នេះ មជ្ឈមណ្ឌលជាតិរក្សាសន្តិភាព បានបញ្ជូនកងទ័ពមួកខៀវកម្ពុជាបំពញបេសកកម្មចំនួន៤៧៦៩នាក់នៅប្រទេសចំនួន៨ រួមមាន ស៊ូដង់ ស៊ូដង់ខាងត្បូង ឆាត អាហ្វ្រិកកណ្តាល លីបង់ ស៊ីរី ម៉ាលី និងស៊ីប។ នៅដើមខែវិច្ឆិកាខាងមុខ កម្ពុជានឹងបញ្ជូនកងកម្លាំងប្តូរវេនទី៤ ដែលកងកម្លាំងវិស្វកម្ម មានចំនួន២១៦នាក់ ក្នុងនោះមានស្ត្រីចំនួន១៤នាក់ ទៅបំពេញបេសកកម្មនៅអាហ្រិ្វកកណ្ដាល។
«ការបំពេញបេសកកម្មរក្សាសន្តិភាពរបស់ UN ជាបុព្វហេតុល្អបំផុត ដែលគ្មានបុព្វហេតុណាប្រៀបប្រដូចបានទេ ដោយកងទ័ពជាតិយើងរួមចំណែកថែរក្សាសន្តិភាពប្រទេសផ្សេងមួយទៀតដែលមិនទាន់មានស្ថិរភាពនៅឡើយ»។ នេះជាការលើកឡើងរបស់លោក ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នាពិធីប្រគល់ប្រាក់សំណងជូនក្រុមគ្រួសារសពទាហានមួកខៀវកម្ពុជា៤គ្រួសារ នៅទីស្តីការក្រសួងកាលពីថ្ងៃទី១៨ ខែតុលា។
លោក ប្រាក់ សុខុន ដែលជាប្រធានមជ្ឈមណ្ឌលជាតិរក្សាសន្តិភាព ផងដែរនោះ ក៏បានផ្តាំផ្ញើរដល់កងកម្លាំងវិស្វកម្មជាង២០០នាក់ដែលនឹងចេញដំណើរនាខែវិច្ឆិកា នេះថា៖«សូមឲ្យកងទ័ពមួកខៀវដែលទៅបំពេញបេសកម្មទៅគ្រប់ មកវិញគ្រប់ […] ត្រូវប្រុងយ័ត្នជាប់ជានិច្ច ពីព្រោះប្រទេសដែលទៅបំពេញបេសកម្ម មានហានិភ័យ មិនមានសន្តិសុខ សន្តិភាព»។
នាឱកាសនោះផងដែរ លោកស្រី Claire Van Der Vaeran អ្នកសម្របសម្រួលអង្គការ UN ប្រចាំកម្ពុជា បានលើកឡើងពីគុណបំណាច់ដ៏ធំធេងរបស់កងទ័ពមួកខៀវកម្ពុជា៤រូបដែលបានបូជាជីវិតក្នុងអំឡុងពេលនៃការបំពេញបេសកកម្មរបស់ខ្លួននៅអាហ្វ្រិកកណ្តាល។
អ្នកស្រីបានគូសបញ្ជាក់ថា បច្ចុប្បន្នកម្ពុជាបានក្លាយជាប្រទេសមួយដែលបានរួមចំណែកយ៉ាងធំធេងក្នុងការបញ្ជូនកងកម្លាំង និងអ្នកជំនាញបច្ចេកទេសទៅចូលរួមបេសកកម្មរក្សាសន្ដិភាពរបស់ UN ទៅក្នុងបណ្ដាប្រទេសជាច្រើន។ លោកស្រីបានសាទរ និងកោតសរសើរចំពោះបេសកកម្មខាងមុខរបស់កម្ពុជា តាមរយៈការបញ្ជូនស្ត្រី១៤នាក់ក្នុងចំណោម២១៦នាក់ទៅអាហ្វ្រិកកណ្តាល។
បើតាមរបាយការណ៍ដែលអានដោយ លោក សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព បច្ចុប្បន្នកងកម្លាំងទ័ពមួកខៀវកម្ពុជាមានចំនួន៨១១នាក់ ក្នុងនោះមានស្ត្រី៥៦នាក់ កំពុងបំពេញបេសកកម្មនៅអាហ្វ្រិកកណ្ដាល។ លោកបន្តថា ទង់ជាតិកម្ពុជាបានដាក់ស្មើសិទ្ធិ ទាំងនៅលើទីបញ្ជាការទង់អង្គការសហប្រជាតិនៅទីក្រុងញូវយ៉ក និងនៅតំបន់បេសកកម្មដែលមានវត្ដមានកងទ័ពមួកខៀវកម្ពុជា។
កងទ័ពមួកខៀវកម្ពុជា បានទទួលការសរសើរពីមន្ត្រីជាន់ UN ដែលជាប្រទេសមួយក្នុងចំណោមប្រទេស១៤ មិនមានជាប់ពាក់ព័ន្ធទៅនឹងការជួញដូរផ្លូវភេទ។ អគ្គនាយកមជ្ឈមណ្ឌលជាតិរក្សាសន្តិភាព បន្តថា នៅអំឡុងឆ្នាំ២០១៤ មកដល់បច្ចុប្បន្ន កងកម្លាំងមួកខៀវកម្ពុជាចំនួន៩នាក់បានពលីជីវិត ហើយ១១នាក់ផ្សេងទៀតបានរងរបួសជាបន្តបន្ទាប់ ដោយកក្តា សត្យានុម័ត អន្តោម័ត ជំងឺគ្រុនចាញ់ គ្រោះធម្មជាតិ និងដោយគ្រឿងផ្ទុះកែច្នៃពិសេស៕
ចាប់ពីឆ្នាំ២០០៦ដល់ឆ្នាំ២០១៧នេះ មជ្ឈមណ្ឌលជាតិរក្សាសន្តិភាព បានបញ្ជូនកងទ័ពមួកខៀវកម្ពុជាបំពញបេសកកម្មចំនួន៤៧៦៩នាក់នៅប្រទេសចំនួន៨ រួមមាន ស៊ូដង់ ស៊ូដង់ខាងត្បូង ឆាត អាហ្វ្រិកកណ្តាល លីបង់ ស៊ីរី ម៉ាលី និងស៊ីប។ នៅដើមខែវិច្ឆិកាខាងមុខ កម្ពុជានឹងបញ្ជូនកងកម្លាំងប្តូរវេនទី៤ ដែលកងកម្លាំងវិស្វកម្ម មានចំនួន២១៦នាក់ ក្នុងនោះមានស្ត្រីចំនួន១៤នាក់ ទៅបំពេញបេសកកម្មនៅអាហ្រិ្វកកណ្ដាល។
«ការបំពេញបេសកកម្មរក្សាសន្តិភាពរបស់ UN ជាបុព្វហេតុល្អបំផុត ដែលគ្មានបុព្វហេតុណាប្រៀបប្រដូចបានទេ ដោយកងទ័ពជាតិយើងរួមចំណែកថែរក្សាសន្តិភាពប្រទេសផ្សេងមួយទៀតដែលមិនទាន់មានស្ថិរភាពនៅឡើយ»។ នេះជាការលើកឡើងរបស់លោក ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នាពិធីប្រគល់ប្រាក់សំណងជូនក្រុមគ្រួសារសពទាហានមួកខៀវកម្ពុជា៤គ្រួសារ នៅទីស្តីការក្រសួងកាលពីថ្ងៃទី១៨ ខែតុលា។
លោក ប្រាក់ សុខុន ដែលជាប្រធានមជ្ឈមណ្ឌលជាតិរក្សាសន្តិភាព ផងដែរនោះ ក៏បានផ្តាំផ្ញើរដល់កងកម្លាំងវិស្វកម្មជាង២០០នាក់ដែលនឹងចេញដំណើរនាខែវិច្ឆិកា នេះថា៖«សូមឲ្យកងទ័ពមួកខៀវដែលទៅបំពេញបេសកម្មទៅគ្រប់ មកវិញគ្រប់ […] ត្រូវប្រុងយ័ត្នជាប់ជានិច្ច ពីព្រោះប្រទេសដែលទៅបំពេញបេសកម្ម មានហានិភ័យ មិនមានសន្តិសុខ សន្តិភាព»។
នាឱកាសនោះផងដែរ លោកស្រី Claire Van Der Vaeran អ្នកសម្របសម្រួលអង្គការ UN ប្រចាំកម្ពុជា បានលើកឡើងពីគុណបំណាច់ដ៏ធំធេងរបស់កងទ័ពមួកខៀវកម្ពុជា៤រូបដែលបានបូជាជីវិតក្នុងអំឡុងពេលនៃការបំពេញបេសកកម្មរបស់ខ្លួននៅអាហ្វ្រិកកណ្តាល។
អ្នកស្រីបានគូសបញ្ជាក់ថា បច្ចុប្បន្នកម្ពុជាបានក្លាយជាប្រទេសមួយដែលបានរួមចំណែកយ៉ាងធំធេងក្នុងការបញ្ជូនកងកម្លាំង និងអ្នកជំនាញបច្ចេកទេសទៅចូលរួមបេសកកម្មរក្សាសន្ដិភាពរបស់ UN ទៅក្នុងបណ្ដាប្រទេសជាច្រើន។ លោកស្រីបានសាទរ និងកោតសរសើរចំពោះបេសកកម្មខាងមុខរបស់កម្ពុជា តាមរយៈការបញ្ជូនស្ត្រី១៤នាក់ក្នុងចំណោម២១៦នាក់ទៅអាហ្វ្រិកកណ្តាល។
បើតាមរបាយការណ៍ដែលអានដោយ លោក សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព បច្ចុប្បន្នកងកម្លាំងទ័ពមួកខៀវកម្ពុជាមានចំនួន៨១១នាក់ ក្នុងនោះមានស្ត្រី៥៦នាក់ កំពុងបំពេញបេសកកម្មនៅអាហ្វ្រិកកណ្ដាល។ លោកបន្តថា ទង់ជាតិកម្ពុជាបានដាក់ស្មើសិទ្ធិ ទាំងនៅលើទីបញ្ជាការទង់អង្គការសហប្រជាតិនៅទីក្រុងញូវយ៉ក និងនៅតំបន់បេសកកម្មដែលមានវត្ដមានកងទ័ពមួកខៀវកម្ពុជា។
កងទ័ពមួកខៀវកម្ពុជា បានទទួលការសរសើរពីមន្ត្រីជាន់ UN ដែលជាប្រទេសមួយក្នុងចំណោមប្រទេស១៤ មិនមានជាប់ពាក់ព័ន្ធទៅនឹងការជួញដូរផ្លូវភេទ។ អគ្គនាយកមជ្ឈមណ្ឌលជាតិរក្សាសន្តិភាព បន្តថា នៅអំឡុងឆ្នាំ២០១៤ មកដល់បច្ចុប្បន្ន កងកម្លាំងមួកខៀវកម្ពុជាចំនួន៩នាក់បានពលីជីវិត ហើយ១១នាក់ផ្សេងទៀតបានរងរបួសជាបន្តបន្ទាប់ ដោយកក្តា សត្យានុម័ត អន្តោម័ត ជំងឺគ្រុនចាញ់ គ្រោះធម្មជាតិ និងដោយគ្រឿងផ្ទុះកែច្នៃពិសេស៕
© រក្សាសិទ្ធិដោយ thmeythmey.com
