រថយន្ត
ក្រុមហ៊ុន Holden របស់អូស្ត្រាលី បង្ហាញរថយន្តចុងក្រោយរបស់ខ្លួនមុនបិទរោងចក្រ
×![]()
ដោយ: ធីតា
ក្រុមហ៊ុនផលិតរថយន្តម៉ាក Holden របស់អូស្ត្រាលី បានធ្វើការបង្ហាញផលិតផលចុងក្រោយរបស់ខ្លួន កាលពីថ្ងៃទី២០ ខែតុលា នៅមុនពេលដែលពួកគេត្រូវបញ្ឈប់សកម្មភាព ដោយសារតែគ្មានលទ្ធផលប្រកួតប្រជែងជាលក្ខណៈអន្តរជាតិ។
បង្កើតឡើងនៅឆ្នាំ១៨៥៦នៅទីក្រុង Adelaide ក្រុមហ៊ុន Holden បានរួមចំណែកយ៉ាងធំធេងក្នុងសហគ្រាសផលិតយានយន្តនៅអូស្ត្រាលី ដោយឆ្នាំ១៩៣០ ក្រុមហ៊ុនមួយនេះ ក្លាយផ្នែកមួយនៃសហគ្រាសយានយន្តអាមេរិក General Motors (GM)។
បើតាម AFP នៅក្នុងឆ្នាំ១៩៤៨ ក្រុមហ៊ុន Holden បានផលិតរថយន្តម៉ាក Holden 48-210 ដែលត្រូវបានចាត់ទុកជារថយន្តដំបូងតំណាងឲ្យផលិតផលរបស់អូស្ត្រាលី។ នៅឆ្នាំ១៩៦៤ ក្រុមហ៊ុននេះ មានបុគ្គលិកជាង២៤០០០នាក់។
ទោះបីជាយ៉ាងណាក៏ដោយ ទីផ្សារបស់ Holden មានលក្ខណៈតូចចង្អៀតយ៉ាងខ្លាំង ដោយពួកគេមិនអាចប្រកួតប្រជែងជាមួយរថយន្តម៉ាកល្បីៗលើពិភពលោកនោះឡើយ។ តាមពិតទៅ ក្រុមហ៊ុនមួយនេះ បានប្រកាសដកខ្លួនចេញពីទីផ្សាតាំងពីអំឡុងឆ្នាំ២០១៣-២០១៤មកម្ល៉េះ ពោលគឺតំណាលគ្នានឹងការប្រកាសរបស់ Toyota និង Ford យ៉ាងដូច្នោះដែរ ប៉ុន្តែពួកគេបានបន្តដំណើរការដោយសារតែមានការលើកទឹកចិត្តពីរដ្ឋាភិបាល។
«ខ្ញុំពិតជាមានការសោកស្តាយខ្លាំងណាស់ ដែលក្រុមហ៊ុនរថយន្តរបស់យើងត្រូវឈានដល់ទីបញ្ចប់»។ នេះបើតាមការប្រកាសរបស់លោកនាយករដ្ឋមន្ត្រីអូស្ត្រាលី Malcolm Tumbull ក្នុងបទសម្ភាសមួយនៅវិទ្យុ Melbourne 2AW។
លោក Jonh Camillo មន្ត្រីម្នាក់របស់សហជីពការងារឧស្សាហកម្មអូស្ត្រាលី (AMWU) បានបន្ទោសរដ្ឋាភិបាលចំពោះការបាត់បង់វិស័យឧស្សហកម្មយានយន្តនេះ ក្រោយមានដកថវិកាចំណាយកាលពីឆ្នាំ២០១៤ ។
ក្រុមហ៊ុន Mitsubishi Motor បានបិទរោងចក្ររបស់ខ្លួននៅ Adelaide កាលពីឆ្នាំ២០០៨ ក្រុមហ៊ុន Ford បានដកថយកាលពីខែតុលា ឆ្នាំ២០១៦ មុនពេលដែល Toyota ទើបបិទរោងចក្រខ្លួននៅ Melbourne កាលពីពេលថ្មីៗកន្លងមកនេះ។
Holden ដែលមានរោងចក្រនៅថៃ និងកូរ៉េខាងត្បូង ក៏បានបញ្ឈប់ការងារបុគ្គលិកសរុបប្រមាណ២៩០០នាក់រួចហើយ នៅមុនការប្រកាសបិទទ្វារបស់ក្រុមហ៊ុនធំ។ របាយការណ៍បានបង្ហាញថា Holden មានវិស្វករប្រមាណ៣៥០នាក់នៅអូស្ត្រាលីផ្ទាល់ និងមានបុគ្គលិកសកម្មជាង៧០០នាក់ទៀត ដោយអ្នកខ្លះធ្វើការតាំងពីឆ្នាំ១៩៧០មក៕
បង្កើតឡើងនៅឆ្នាំ១៨៥៦នៅទីក្រុង Adelaide ក្រុមហ៊ុន Holden បានរួមចំណែកយ៉ាងធំធេងក្នុងសហគ្រាសផលិតយានយន្តនៅអូស្ត្រាលី ដោយឆ្នាំ១៩៣០ ក្រុមហ៊ុនមួយនេះ ក្លាយផ្នែកមួយនៃសហគ្រាសយានយន្តអាមេរិក General Motors (GM)។
បើតាម AFP នៅក្នុងឆ្នាំ១៩៤៨ ក្រុមហ៊ុន Holden បានផលិតរថយន្តម៉ាក Holden 48-210 ដែលត្រូវបានចាត់ទុកជារថយន្តដំបូងតំណាងឲ្យផលិតផលរបស់អូស្ត្រាលី។ នៅឆ្នាំ១៩៦៤ ក្រុមហ៊ុននេះ មានបុគ្គលិកជាង២៤០០០នាក់។
ទោះបីជាយ៉ាងណាក៏ដោយ ទីផ្សារបស់ Holden មានលក្ខណៈតូចចង្អៀតយ៉ាងខ្លាំង ដោយពួកគេមិនអាចប្រកួតប្រជែងជាមួយរថយន្តម៉ាកល្បីៗលើពិភពលោកនោះឡើយ។ តាមពិតទៅ ក្រុមហ៊ុនមួយនេះ បានប្រកាសដកខ្លួនចេញពីទីផ្សាតាំងពីអំឡុងឆ្នាំ២០១៣-២០១៤មកម្ល៉េះ ពោលគឺតំណាលគ្នានឹងការប្រកាសរបស់ Toyota និង Ford យ៉ាងដូច្នោះដែរ ប៉ុន្តែពួកគេបានបន្តដំណើរការដោយសារតែមានការលើកទឹកចិត្តពីរដ្ឋាភិបាល។
«ខ្ញុំពិតជាមានការសោកស្តាយខ្លាំងណាស់ ដែលក្រុមហ៊ុនរថយន្តរបស់យើងត្រូវឈានដល់ទីបញ្ចប់»។ នេះបើតាមការប្រកាសរបស់លោកនាយករដ្ឋមន្ត្រីអូស្ត្រាលី Malcolm Tumbull ក្នុងបទសម្ភាសមួយនៅវិទ្យុ Melbourne 2AW។
លោក Jonh Camillo មន្ត្រីម្នាក់របស់សហជីពការងារឧស្សាហកម្មអូស្ត្រាលី (AMWU) បានបន្ទោសរដ្ឋាភិបាលចំពោះការបាត់បង់វិស័យឧស្សហកម្មយានយន្តនេះ ក្រោយមានដកថវិកាចំណាយកាលពីឆ្នាំ២០១៤ ។
ក្រុមហ៊ុន Mitsubishi Motor បានបិទរោងចក្ររបស់ខ្លួននៅ Adelaide កាលពីឆ្នាំ២០០៨ ក្រុមហ៊ុន Ford បានដកថយកាលពីខែតុលា ឆ្នាំ២០១៦ មុនពេលដែល Toyota ទើបបិទរោងចក្រខ្លួននៅ Melbourne កាលពីពេលថ្មីៗកន្លងមកនេះ។
Holden ដែលមានរោងចក្រនៅថៃ និងកូរ៉េខាងត្បូង ក៏បានបញ្ឈប់ការងារបុគ្គលិកសរុបប្រមាណ២៩០០នាក់រួចហើយ នៅមុនការប្រកាសបិទទ្វារបស់ក្រុមហ៊ុនធំ។ របាយការណ៍បានបង្ហាញថា Holden មានវិស្វករប្រមាណ៣៥០នាក់នៅអូស្ត្រាលីផ្ទាល់ និងមានបុគ្គលិកសកម្មជាង៧០០នាក់ទៀត ដោយអ្នកខ្លះធ្វើការតាំងពីឆ្នាំ១៩៧០មក៕
© រក្សាសិទ្ធិដោយ thmeythmey.com
