ពីនេះ ពីនោះ
តើថៅកែចង់បានអ្វីពីបុគ្គលិក ហើយតើបុគ្គលិកចង់បានអ្វីពីថៅកែ?
× ភ្នំពេញ៖ នៅក្នុងក្រុមហ៊ុន មិនថា តូច ឬធំទេ គំនិតថៅកែ និងបុគ្គលិកតែងតែខ្វែងគ្នា គ្រាន់តែថា ខ្វែងគ្នាច្រើន ឬតិចតែប៉ុណ្ណោះ។ ថៅកែច្រើនគិតថា បុគ្គលិកធ្វើការតិច តែចង់បានប្រាក់ខែច្រើន ហើយបុគ្គលិកវិញច្រើនតែគិតថា ខ្លួនធ្វើការច្រើន តែទទួលបានប្រាក់ខែតិច។ តើថៅកែ ចង់បានអ្វីពីបុគ្គលិក ហើយថា តើបុគ្គលិកចង់បានអ្វីពីថៅកែ?
ខាងក្រោមនេះ គឺជាអ្វីដែលបុគ្គលិកចង់បានពីថៅកែ៖
១) ប្រាក់ខែសមរម្យ
២) មានពេលវេលាសម្រាកត្រឹមត្រូវ
៣) គោរពច្បាប់ការងាររបស់រដ្ឋ
៤) ថៅកែដែលដឹកនាំតាមគោលការណ៍ ពោលគឺមិនមែនថៅកែដែលដឹកនាំតាមអារម្មណ៍ ឬតាម អំណាចទឹកលុយ
៥) ថៅកែដែលមានចំណេះដឹង និងសមត្ថភាពខ្ពស់ជាងបុគ្គលិក
៦) ថៅកែដែលជាបុគ្គលមានហេតុ និងផល
៧) ថៅកែដែលមិនត្រូវការពាក្យ«បញ្ចើចបញ្ចើជ្រុល»ហួសហេតុពេក ពោលគឺមិនមែនជាថៅកែ ទំយើ បុគ្គល
៨) ថៅកែដែលមិនធ្វើអាជីវកម្មលើកម្លាំងពលកម្មបុគ្គលិក
៩) ថៅកែដែលជួយបណ្តុះបណ្តាលបុគ្គលិក
ខាងក្រោមនេះ គឺជាអ្វីដែលថៅកែចង់បានពីបុគ្គលិក៖
១) បុគ្គលិកដែលចេះទទួលខុសត្រូវ (មិនមែនបុគ្គលិកធ្វើការឲ្យតែរួចពីដៃ)
២) បុគ្គលិកស្មោះត្រង់នឹងអាជីព
៣) បុគ្គលិកស្មោះត្រង់នឹងក្រុមហ៊ុន
៤) បុគ្គលិកមិនបង្កបញ្ហាក្នុងក្រុមហ៊ុន
៥) បុគ្គលិកចេះធ្វើការជាក្រុម
៦) បុគ្គលិកទន់ភ្លន់ មិនចេះអួតអាង
៧) បុគ្គលិកដែលអភិវឌ្ឍខ្លួនជានិច្ចក្នុងអាជីព (មិនមែនជាបុគ្គលិកខ្ជិល)
៨) បុគ្គលិកដែលមានគំនិតច្នៃប្រឌិត (មិនមែនបុគ្គលិករង់ចាំតែឲ្យក្រុមហ៊ុនប្រាប់ឲ្យធ្វើ)
៩) បុគ្គលិកជួយចម្រើនក្រុមហ៊ុន (មិនមែនបុគ្គលិកចាំតែបើកប្រាក់ខែ ហើយមិនខ្វល់ខ្វាយពីដំណើរការ ឬការរីកចម្រើនរបស់ក្រុមហ៊ុន)
© រក្សាសិទ្ធិដោយ thmeythmey.com