សង្គមជាតិ
ស៊ីប៉ាបើកយុទ្ធនាការ«សុវត្ថិភាពក្នុងការបើកបរ» លើកទី១ ដើម្បីបង្កើនចំណេះដឹងដល់ពលរដ្ឋ
×![]()
ភ្នំពេញ៖ អង្គការស៊ីប៉ា (ស៊ីប៉ា) និងដៃគូពាក់ព័ន្ធ បើក«យុទ្ធនាការសុវត្ថិភាពនៃការបើកបរ» លើកទី១ ដើម្បីលើកស្ទួយជាចំបងដល់កម្រិតនៃការយល់ដឹងរបស់យុវជន និងអ្នកបើកបរក្នុងពេលអនាគតក្នុងប្រទេសកម្ពុជា។ យុទ្ធនាការនេះ ចាប់ពីថ្ងៃទី២៤ ដល់ថ្ងៃទី២៩ ខែតុលា ឆ្នាំ២០១៧។
សេចក្ដីប្រកាសព័ត៌មានអង្គការ ស៊ីប៉ា បានឲ្យដឹងថា យុទ្ធនាការនេះនឹងដាក់បង្ហាញនៅតាមស្ថានីយរបស់ ក្រុមហ៊ុនតូតាល់កម្ពុជា ដើម្បីណែនាំអំពីចំណេះដឹងមូលដ្ឋានទាក់ទងទៅនឹងសុវត្ថិភាពចរាចរណ៍ផ្លូវគោក និងឥរិយាបទបើកបរផ្សេងៗទៀតដូចជា ការពាក់មួកសុវត្ថិភាព ការពាក់ខ្សែក្រាវាត់ការពារ ការបើកបរលើសល្បឿនកំណត់ ការប្រើប្រាស់ទូរស័ព្ទក្នុងពេលបើកបរ ការបើកបរក្នុងពេលស្រវឹង ក៏ដូចជាការប្រើប្រាស់គំហើញឲ្យបានសមរម្យក្នុងការបើករឲ្យមានសុវត្ថិភាពជាដើម។
អង្គការ ស៊ីប៉ា បានលើកឡើងថា សុវត្ថិភាពចរាចរណ៍ផ្លូវគោក គឺជាសសរស្ដម្ភសំខាន់ដែលមានសារសំខាន់បំផុតមួយនៃគោលនយោបាយទំនួលខុសត្រូវសង្គម របស់ក្រុមហ៊ុនតូតាល់កម្ពុជា។អង្គការ ស៊ីប៉ា ពន្យល់ដូច្នេះថា៖« ក្រុមហ៊ុននេះបានជឿជាក់ថាសុវត្ថិភាពគឺជាទំនួលខុសត្រូវរួមមួយ ហើយវិស័យឯកជនដើរតួយ៉ាងសំខាន់មួយក្នុងការកាត់បន្ថយចំនួនគ្រោះថ្នាក់ចរាចរណ៍តាមដងផ្លូវ ដែលជាមូលហេតុចំបងនៃការស្លាប់ និងរបួសនៅក្នុងប្រទេសកម្ពុជា»។
អង្គការ ស៊ីប៉ា សហការជាមួយក្រុមហ៊ុនតូតាល់កម្ពុជា អង្គការ Asia Pacific International Wine Spirits(APIWSA) និងក្រុមហ៊ុន Essilor 2.5 New Vision Generation រួមគ្នាបង្កើត «យុទ្ធនាការសុវត្ថិភាពនៃការបើកបរ» លើកទី១ នេះដោយមានការចង្អុលបង្ហាញពីក្រសួងសាធារណៈការ និងដឹកជញ្ជូន និងគណៈកម្មាធិការជាតិសុវត្ថិភាពចរាចរណ៍ផ្លូវគោក ដែលមានការគាំទ្រពីសម្ព័ន្ធ IARD ជាដៃគូសហការផងដែរ។
អង្គការ ស៊ីប៉ា បានរម្លឹកថា ជាច្រើនឆ្នាំមកហើយ ក្រុមហ៊ុនតូតាល់កម្ពុជាបានសហការជិតស្និទ្នជាមួយដៃគូនានាជាច្រើន ក្នុងនោះដែរជាមួយនឹង អង្គការ ស៊ីប៉ា ដើម្បីបង្កើនការយល់ដឹង និងសុវត្ថិភាពចរាចរណ៍ផ្លូវគោកនៅកម្ពុជា។ នៅឆ្នាំ២០១៦ យុទ្ធនាការមួកសវត្ថិភាពចរាចរណ៍ផ្លូវគោកលើកទី១ និងទី២ ឆ្នាំ២០១៧ ត្រូវបានដាក់ដំណើរការដើម្បីអប់រំយុវជនអាយុចាប់ពី១០-១២ឆ្នាំ ឲ្យមានការយល់ដឹងអំពីគ្រោះថ្នាក់ចរាចរណ៍ និងវិធីបើកបរដ៏ល្អបំផុត។ ស៊ីប៉ា បញ្ជាក់ថា «កម្មវិធីនេះនឹងផ្តល់ផលប្រយោជន៍ដល់ប្រជាជនរាប់ពាន់នាក់ជាពិសេសយុវជនតាមរយៈបណ្ដាល័យចល័តផងដែរ»៕
សេចក្ដីប្រកាសព័ត៌មានអង្គការ ស៊ីប៉ា បានឲ្យដឹងថា យុទ្ធនាការនេះនឹងដាក់បង្ហាញនៅតាមស្ថានីយរបស់ ក្រុមហ៊ុនតូតាល់កម្ពុជា ដើម្បីណែនាំអំពីចំណេះដឹងមូលដ្ឋានទាក់ទងទៅនឹងសុវត្ថិភាពចរាចរណ៍ផ្លូវគោក និងឥរិយាបទបើកបរផ្សេងៗទៀតដូចជា ការពាក់មួកសុវត្ថិភាព ការពាក់ខ្សែក្រាវាត់ការពារ ការបើកបរលើសល្បឿនកំណត់ ការប្រើប្រាស់ទូរស័ព្ទក្នុងពេលបើកបរ ការបើកបរក្នុងពេលស្រវឹង ក៏ដូចជាការប្រើប្រាស់គំហើញឲ្យបានសមរម្យក្នុងការបើករឲ្យមានសុវត្ថិភាពជាដើម។
អង្គការ ស៊ីប៉ា បានលើកឡើងថា សុវត្ថិភាពចរាចរណ៍ផ្លូវគោក គឺជាសសរស្ដម្ភសំខាន់ដែលមានសារសំខាន់បំផុតមួយនៃគោលនយោបាយទំនួលខុសត្រូវសង្គម របស់ក្រុមហ៊ុនតូតាល់កម្ពុជា។អង្គការ ស៊ីប៉ា ពន្យល់ដូច្នេះថា៖« ក្រុមហ៊ុននេះបានជឿជាក់ថាសុវត្ថិភាពគឺជាទំនួលខុសត្រូវរួមមួយ ហើយវិស័យឯកជនដើរតួយ៉ាងសំខាន់មួយក្នុងការកាត់បន្ថយចំនួនគ្រោះថ្នាក់ចរាចរណ៍តាមដងផ្លូវ ដែលជាមូលហេតុចំបងនៃការស្លាប់ និងរបួសនៅក្នុងប្រទេសកម្ពុជា»។
អង្គការ ស៊ីប៉ា សហការជាមួយក្រុមហ៊ុនតូតាល់កម្ពុជា អង្គការ Asia Pacific International Wine Spirits(APIWSA) និងក្រុមហ៊ុន Essilor 2.5 New Vision Generation រួមគ្នាបង្កើត «យុទ្ធនាការសុវត្ថិភាពនៃការបើកបរ» លើកទី១ នេះដោយមានការចង្អុលបង្ហាញពីក្រសួងសាធារណៈការ និងដឹកជញ្ជូន និងគណៈកម្មាធិការជាតិសុវត្ថិភាពចរាចរណ៍ផ្លូវគោក ដែលមានការគាំទ្រពីសម្ព័ន្ធ IARD ជាដៃគូសហការផងដែរ។
អង្គការ ស៊ីប៉ា បានរម្លឹកថា ជាច្រើនឆ្នាំមកហើយ ក្រុមហ៊ុនតូតាល់កម្ពុជាបានសហការជិតស្និទ្នជាមួយដៃគូនានាជាច្រើន ក្នុងនោះដែរជាមួយនឹង អង្គការ ស៊ីប៉ា ដើម្បីបង្កើនការយល់ដឹង និងសុវត្ថិភាពចរាចរណ៍ផ្លូវគោកនៅកម្ពុជា។ នៅឆ្នាំ២០១៦ យុទ្ធនាការមួកសវត្ថិភាពចរាចរណ៍ផ្លូវគោកលើកទី១ និងទី២ ឆ្នាំ២០១៧ ត្រូវបានដាក់ដំណើរការដើម្បីអប់រំយុវជនអាយុចាប់ពី១០-១២ឆ្នាំ ឲ្យមានការយល់ដឹងអំពីគ្រោះថ្នាក់ចរាចរណ៍ និងវិធីបើកបរដ៏ល្អបំផុត។ ស៊ីប៉ា បញ្ជាក់ថា «កម្មវិធីនេះនឹងផ្តល់ផលប្រយោជន៍ដល់ប្រជាជនរាប់ពាន់នាក់ជាពិសេសយុវជនតាមរយៈបណ្ដាល័យចល័តផងដែរ»៕
Tag:
សុវត្ថិភាព
បើកបរ
ស៊ីប៉ា
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
