លោក Pep Guardiola បានរិះគន់គុណភាពបាល់ដែលយកមកប្រកួតក្នុងពានរង្វាន់ EFL Cup បន្ទាប់ពីក្រុម Manchester City រកមិនបាន១គ្រាប់សោះនាជំនួបជាមួយ Wolverhampton Wanderers ក្នុងវគ្គ១៦ក្រុមចុងក្រោយ។
ក្រុមមេឃខៀវ Manchester City បានយកឈ្នះ Wolves ដោយបាល់កាត់សេចក្តីប៉េណាល់ទី ក្រោយប្រកួតចប់៩០នាទីគ្នានការស៊ុតបញ្ចូលទីគ្នា ដើម្បីឡើងទៅវគ្គ១/៤ផ្តាច់ព្រ័ត្រពាន EFL Cup នាការប្រកួតនៅរាត្រីថ្ងៃ ២៤ ខែតុលា។
ដោយសារមិនអាចរកគ្រាប់បាល់បាន អ្នកចាត់ការទូទៅ Manchester City លោក Guardiola បានបង្ហាញការមិនពេញចិត្តលើលើគុណភាពបាល់របស់ក្រុមហ៊ុន Mitre ដែលយកមកប្រើក្នុងការប្រកួតនេះ ដោយរិះគន់ថាបាល់នេះមានពន្លឺតិចពេកបើប្រៀបធៀបនឹងបាល់របស់ក្រុមហ៊ុន Nike ដែលនិយមប្រើក្នុងក្របខណ្ឌ Premier League។