កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
លោក Jose Mourinho បានប្រាប់អ្នករិះគន់លោកឲ្យ «ស្ងប់ស្ងាត់» បន្ទាប់ពី Manchester United រកជ័យជម្នះ ១-០ លើក្រុម Tottenham Hotspur ក្នុងការប្រកួតក្របខណ្ឌ Premier League កាលពីថ្ងៃសៅរ៍។
កាសែត BBC ចុះផ្សាយថា អ្នកចាត់ការទូទៅក្រុមរហស្សនាមបិសាចក្រហមបានប្រឈមនឹងការរិះគន់យ៉ាងខ្លាំងពីរបៀបដឹកនាំរបស់លោក នៅប៉ុន្មានសប្តាហ៍ចុងក្រោយនេះបន្ទាប់ពីការប្រកួតស្មើជាមួយ Liverpool និងរងបរាជ័យដោយក្រុម Huddersfield Town ២-១ កន្លងមក។
ប៉ុន្តែក្រោយ Anthony Martial ស៊ុត១គ្រាប់ជួយ Manchester United យកឈ្នះ Spurs នៃការប្រកួតក្នុងលីកសប្តាហ៍ទី១០ លោក Mourinho បាននិយាយផ្តាំផ្ញើទៅកាន់អ្នកដែលតែងតែរិះគន់លោកដូច្នេះថា៖«អ្នកខ្លះនិយាយច្រើនពេក។ ចូរស្ងប់អារម្មណ៍បន្តិច ហើយសម្រាក កុំនិយាយច្រើនពេក កុំមួម៉ៅច្រើន ហើយក៏កុំរំភើបពេកដែរ»។
ការលើកឡើងខាងលើ ក៏ដោយសារលោក Jurgen Klopp អ្នកចាត់ការក្រុម Liverpool រិះគន់ពីយុទ្ធវិធីការពាររបស់អ្នកចាត់ការសញ្ជាតិព័រទុយហ្គាល់វ័យ ៥៤ឆ្នាំ ក្រោយក្រុមទាំងពីរប្រកួតគ្មានការស៊ុតបញ្ចូលទីគ្នានៅទឹកដី Anfield កាលពី២សប្តាហ៍មុន។
រីឯអ្នកគាំទ្ររបស់ Manchester United ក៏បានរិះគន់ការសម្រេចចិត្តដែលដាក់ Anthony Martial ជំនួស Marcus Rashford នៅនាទី ៧០ នៅពេលប៉ះក្រុមមាន់ខ្នាយមាសកាលពីប្រកួតសប្តាហ៍មុនដែរ។ ប៉ុន្តែការផ្លាស់ប្តូរបានបង្ហាញពីប្រសិទ្ធភាព ក្រោយខ្សែប្រយុទ្ធវ័យក្មេងសញ្ជាតិបារាំង អាចរកបាន១គ្រាប់ ជួយក្រុមម្ចាស់ជើងឯកខណ្ឌ Premier League ២០ សម័យទទួលបាន៣ពិន្ទុបន្ថែម ដើម្បីរក្សាគំលាតពីក្រុមមានមូលដ្ឋាននៅទីក្រុង Manchester មួយទៀតដែលកំពុងឈរចំណាត់ថ្នាក់លេខ១។
១០ប្រកួតក្នុងក្របខណ្ឌកំពូលអង់គ្លេស Manchester United អាចរកបាន ២៣ពិន្ទុ នាំមុខក្រុមលេខ៣ Tottenham ៣ពិន្ទុ និងតាមពីក្រោយ Manchester City ៥ពិន្ទុ៕
កាសែត BBC ចុះផ្សាយថា អ្នកចាត់ការទូទៅក្រុមរហស្សនាមបិសាចក្រហមបានប្រឈមនឹងការរិះគន់យ៉ាងខ្លាំងពីរបៀបដឹកនាំរបស់លោក នៅប៉ុន្មានសប្តាហ៍ចុងក្រោយនេះបន្ទាប់ពីការប្រកួតស្មើជាមួយ Liverpool និងរងបរាជ័យដោយក្រុម Huddersfield Town ២-១ កន្លងមក។
ប៉ុន្តែក្រោយ Anthony Martial ស៊ុត១គ្រាប់ជួយ Manchester United យកឈ្នះ Spurs នៃការប្រកួតក្នុងលីកសប្តាហ៍ទី១០ លោក Mourinho បាននិយាយផ្តាំផ្ញើទៅកាន់អ្នកដែលតែងតែរិះគន់លោកដូច្នេះថា៖«អ្នកខ្លះនិយាយច្រើនពេក។ ចូរស្ងប់អារម្មណ៍បន្តិច ហើយសម្រាក កុំនិយាយច្រើនពេក កុំមួម៉ៅច្រើន ហើយក៏កុំរំភើបពេកដែរ»។
ការលើកឡើងខាងលើ ក៏ដោយសារលោក Jurgen Klopp អ្នកចាត់ការក្រុម Liverpool រិះគន់ពីយុទ្ធវិធីការពាររបស់អ្នកចាត់ការសញ្ជាតិព័រទុយហ្គាល់វ័យ ៥៤ឆ្នាំ ក្រោយក្រុមទាំងពីរប្រកួតគ្មានការស៊ុតបញ្ចូលទីគ្នានៅទឹកដី Anfield កាលពី២សប្តាហ៍មុន។
រីឯអ្នកគាំទ្ររបស់ Manchester United ក៏បានរិះគន់ការសម្រេចចិត្តដែលដាក់ Anthony Martial ជំនួស Marcus Rashford នៅនាទី ៧០ នៅពេលប៉ះក្រុមមាន់ខ្នាយមាសកាលពីប្រកួតសប្តាហ៍មុនដែរ។ ប៉ុន្តែការផ្លាស់ប្តូរបានបង្ហាញពីប្រសិទ្ធភាព ក្រោយខ្សែប្រយុទ្ធវ័យក្មេងសញ្ជាតិបារាំង អាចរកបាន១គ្រាប់ ជួយក្រុមម្ចាស់ជើងឯកខណ្ឌ Premier League ២០ សម័យទទួលបាន៣ពិន្ទុបន្ថែម ដើម្បីរក្សាគំលាតពីក្រុមមានមូលដ្ឋាននៅទីក្រុង Manchester មួយទៀតដែលកំពុងឈរចំណាត់ថ្នាក់លេខ១។
១០ប្រកួតក្នុងក្របខណ្ឌកំពូលអង់គ្លេស Manchester United អាចរកបាន ២៣ពិន្ទុ នាំមុខក្រុមលេខ៣ Tottenham ៣ពិន្ទុ និងតាមពីក្រោយ Manchester City ៥ពិន្ទុ៕
Tag:
បាល់ទាត់
Manchester United
Jose Mourinho
Premier League
© រក្សាសិទ្ធិដោយ thmeythmey.com
