កីឡាអន្តរជាតិ
អន្តរជាតិ
Spurs ពិន័យអ្នកគាំទ្រពីរនាក់របស់ខ្លួនមួយជីវិត ដោយសារការគប់ទឹកនោម
× Tottenham Hotspur បានដាក់ពិន័យអ្នកគាំទ្ររបស់ខ្លួន២រូបមិនឲ្យចូលកីឡដ្ឋានរបស់ខ្លួនអស់មួយជីវិត ដោយសារពួកគេបានគប់ទឹកនោមដាក់អ្នកគាំទ្រគូបដិបក្ខអំឡុងពេលប្រកួតកន្លងមក។
នៅក្នុងការប្រកួតពាន League Cup កាលពីថ្ងៃពុធសប្តាហ៍មុនដែល Spurs បានចាញ់ West Ham ក្នុងលទ្ធផល ២-៣ នោះ មានក្រុមអ្នកគាំទ្ររបស់ក្រុមរហស្សនាមមាន់ខ្នាយមាស ២រូបបានយកទឹកនោមគប់ទៅកាន់អ្នកគាំទ្ររបស់ក្រុមញញួរធំ។
បើតាមការផ្សាយរបស់ BBC ក្រោយពិនិត្យឡើងវិញតាមខ្សែវីដេអូបានបង្ហាញថា អ្នកគាំទ្រម្នាក់នោមដាក់ក្នុងកែវមួយរួចហុចឲ្យម្នាក់ទៀតដើម្បីគប់ទៅលើអ្នកគាំទ្រក្រុមម្ខាងទៀត។
បើទោះបីមានការបដិសេធរបស់អ្នកទាំងពីរក្នុងករណីនេះក៏ដោយ ប៉ុន្តែ Spurs បានកំណត់អត្តសញ្ញាណច្បាស់លាស់បន្ទាប់ពីស៊ើបអង្កេតរួចរាល់ និងសម្រេចដាក់ពិន័យជននោះមិនឲ្យចូលរួមរាល់ការប្រកួតអស់មួយជីវិត៕
Tag:
បាល់ទាត់
Tottenham Hotspur
អ្នកគាំទ្រ
© រក្សាសិទ្ធិដោយ thmeythmey.com