កីឡាអន្តរជាតិ
អន្តរជាតិ
UCL៖ Roma ធ្វើឲ្យ Chelsea រងភាពអាម៉ាស់ ខណៈ At-Madrid ប្រឈមនឹងមិនបានទៅវគ្គបន្ត
× Chelsea បានក្លាយជាក្រុមមកពីអង់គ្លេសដំបូងគេដែលចាញ់ការប្រកួតក្នុងក្របខណ្ឌ UEFA Champions League រដូវកាលនេះ ក្រោយរងបរាជ័យយ៉ាងអាម៉ាស់ក្រោមថ្វៃជើងក្រុមមកពីអ៊ីតាលី AS Roma។
ក្រុមតោខៀវ Chelsea បានប្រកួតចាញ់ Roma ៣-០ នាការប្រកួតពានលំដាប់កំពូលអឺរ៉ុប វគ្គសន្សំពិន្ទុពូល C នៅរាត្រីថ្ងៃនៅរាត្រីថ្ងៃ៣១ ខែតុលា។ ៣គ្រាប់របស់ក្រុមមកពីក្របខណ្ឌអ៊ីលីដែលមានមូលដ្ឋាននៅក្រុងរ៉ូមធ្វើបានដោយខ្សែប្រយុទ្ធ Stephan El Shaarawy ២គ្រាប់ និងខ្សែបម្រើ Diego Perotti ១គ្រាប់។
បរាជ័យនេះបានធ្វើឲ្យក្រុមរបស់លោក Antonio Conte ធ្លាក់ទៅលំដាប់ទី២វិញដោយប្រកួត៤លើកមាន៧ពិន្ទុ តាមពីក្រោយ Roma មួយពិន្ទុ ខណៈនៅសល់២ប្រកួតសម្រាប់វគ្គ ជម្រុះតាមពូល។
ចំណែកការប្រកួត១គូទៀតក្នុងពូលនេះដែរ Atletico Madrid កំពុងតែយ៉ាប់យឺនខ្លាំងក្រោយបានត្រឹមស្មើជាមួយ Qarabag FK ១-១ ស្ថិតនៅចំណាត់ថ្នាក់ទី៣ មានតែ៣ពិន្ទុប៉ុណ្ណោះ ហើយក៏ប្រឈមនឹងមិនអាចឡើងទៅវគ្គខ្វែងបន្តទៀតដែរ។
លទ្ធផលគូដទៃទៀតនៃការប្រកួតពាន Champions League រដូវកាលនេះរួមមាន៖
ពូល A
Basel ១-២ CSKA Moscow
Manchester United ២-០ Benfica
ពូល B
Celtic ១-២ Bayern Munich
Paris Saint Germain ៥-០ Anderlecht
ពូល D
Olympiacos ០-០ Barcelona
Sporting CP ១- ១ Juventus
Tag:
បាល់ទាត់
UEFA Champions League
© រក្សាសិទ្ធិដោយ thmeythmey.com