កីឡាអន្តរជាតិ
អន្តរជាតិ
Ronaldo មិនចង់បន្តកិច្ចសន្យាជាមួយ Real ព្រោះចង់បានប្រាក់ឈ្នួលស្មើ Messi និងNeymar
× Cristiano Ronaldo បានបដិសេធថារូបគេមិនចង់បានកិច្ចសន្យាថ្មីជាមួយ Real Madrid ទេ បន្ទាប់ពីក្រុមនេះចាញ់ Tottenham Hotspur ក្នុងការប្រកួតក្របខណ្ឌ Champions League កាលពីរាត្រីថ្ងៃពុធ។ មួយវិញទៀត ខ្សែប្រយុទ្ធព័រទុយហ្គាល់នេះ ចង់ទាមទារប្រាក់ឈ្នួលស្មើ Lionel Messi និង Neymar ដែរ។ នេះបើតាមការផ្សាយរបស់ Goal.com។
ក្រោយពី Neymar ផ្ទេរទៅ Paris Saint-Germain ក្នុងតម្លៃកប់ពពក និងក្លាយជាកីឡាករដែលមានថ្លៃឈ្នួលខ្ពស់បំផុតក្នុងលោក និង Lionel Messi បានបន្តកិច្ចសន្យាដោយទទួលបានប្រាក់ប្រចាំសប្តាហ៍យ៉ាងច្រើនជាមួយ Barcelona កាលលពីថ្មីៗនេះដែរនោះ Ronaldo ក៏កំពុងស្វែងរកប្រាក់កម្រៃឲ្យស្មើគ្នាជាមួយនឹងតារាទាំងពីររូបខាងលើនេះដែរ។
ខ្សែប្រយុទ្ធវ័យ៣២ឆ្នាំ ដែលបានស៊ុតបញ្ចូលទីមួយគ្រាប់នាការប្រកួតដែល Real Madrid ចាញ់ Spurs ១-៣ នៅកីឡដ្ឋាន Wembley បានអះអាងថារូបគេកំពុងដាក់សម្ពាធទៅលើក្រុមប្រឹក្សាភិបាលរបស់ក្លិបនៅអេស្ប៉ាញនេះដើម្បីដំឡើងប្រាក់ឈ្នួលបន្ថែមទៀត។
បច្ចុប្បន្នអតីតសមាជិកក្រុម Manchester United កំពុងនាំមុខក្នុងនាមជាអ្នករកគ្រាប់បាល់បញ្ចូលទីច្រើនជាងគេចំនួន៦គ្រាប់នៅ Champions League រដូវកាលនេះ។ ប៉ុន្តែរូបគេជួយក្រុមអធិរាជសបានត្រឹមចំណាត់ថ្នាក់ទី២ប៉ុណ្ណោះក្នុងពូល H មាន៧ពិន្ទុ តាមពីក្រោយក្រុមលេខ១ Spurs ៣ពិន្ទុ៕
Tag:
បាល់ទាត់
Cristiano Ronaldo
Real Madrid
© រក្សាសិទ្ធិដោយ thmeythmey.com