កីឡាអន្តរជាតិ
អន្តរជាតិ
បើ Zidane ចាកចេញ Pochettino អាចជាជម្រើសទី១របស់ Real Madrid
× អ្នកចាត់ការក្រុម Tottenham Hotspur លោក Mauricio Pochettino បានក្លាយជាគោលដៅទី១ របស់ Real Madrid ដើម្បីជំនួសតំណែង Zinedine Zidane ប្រសិនបើអ្នកចាត់ការសញ្ជាតិបារាំងរូបនេះមិនអាចបន្តដឹកនាំដល់ចប់រដូវកាលនេះ។
ក្រោយដឹកនាំ Real Madrid ចាញ់ Spurs ៣-១ នៃការប្រកួតពាន UEFA Champion League កាលពីដើមសប្តាហ៍កន្លងទៅ Zidane ប្រឈមបាត់បង់តំណែងអ្នកចាត់ការទូទៅលើកដំបូងចាប់តាំងពីឡើងកាន់កាប់ក្រុមមកពីលីកអេស្ប៉ាញអស់រយៈពេល១ឆ្នាំកន្លះមក។
បើតាមការផ្សាយរបស់ DailyMail អ្នកចាត់ការ Tottenham បច្ចុប្បន្នអាចនឹងឡើងដឹកនាំក្រុមរហស្សនាមអធិរាជសជំនួសវិញបើសិនជាអ្នកចាត់ការសញ្ជាតិបារាំង វ័យ៤៥ឆ្នាំនេះចាកចេញ។
Pochettino សញ្ជាតិអាហ្សង់ទីនដែលមានវ័យត្រឹម ៤៥ឆ្នាំដែរ បានដឹកនាំក្រុមមាន់ខ្នាយមាសបង្ហាញភាពខ្លាំងក្នុងក្របខណ្ឌកំពូលអឺរ៉ុបរដូវកាលនេះ ដោយអាចឈានទៅវគ្គ១៦ក្រុមចុងក្រោយ បើទោះនៅសល់២ប្រកួតទៀតក្តី។
សមិទ្ធផលនេះហើយ ទើធ្វើឲ្យប្រធាងនក្លិប Real Madrid លោក Florentino Perez ចាប់អារម្មណ៍ Pochettino ដើម្បីមកជំនួសតំណែងនេះវិញ។
១០ប្រកួតក្នុងលីក LaLiga របស់អេស្ប៉ាញ ក្រុមការពារតំណែងជើងឯកចាស់ធ្វើមិនសូវបានល្អនោះទេ ដោយឈរនៅចំណាត់ថ្នាក់ទី៣ ក្រោយប្រកួតឈ្នះ៦ ចាញ់២ និងស្មើ២ មាន២០ពិន្ទុ តាមពីក្រោយគូប្រជែង Barcelona ដែលកំពុងនាំមុខគេក្នុងតារាងមាន២៨ពិន្ទុ៕
Tag:
បាល់ទាត់
Mauricio Pochettino
Zinedine Zidane
Real Madrid
© រក្សាសិទ្ធិដោយ thmeythmey.com