បទយកការណ៍ / បទសម្ភាសន៍
យុវជនអាស៊ាន-ជប៉ុនជាង៣០០នាក់ នឹងស្នាក់នៅក្នុងគ្រួសារខ្មែរ១៥០គ្រួសារ ចុងសប្តាហ៍នេះ
×![]()
នាវាយុវជនអាស៊ីអាគ្នេយ៍និងជប៉ុន (The Ship for SouthEast Asian and Japan Youth Program) នឹងចូលមកដល់កំពង់ផែខេត្តព្រះសីហនុនៅព្រឹកព្រលឹមថ្ងៃទី១០ខែវិច្ឆិកាក្នុងសប្តាហ៍នេះ។ ទាំងយុវជនអាស៊ាន-ជប៉ុន និងទាំងមន្ត្រីសម្របសម្រួលជនជាតិជប៉ុន សរុប៣៦២នាក់នឹងចុះពីលើកប៉ាល់ Nippon Maru ហើយបន្តដំណើរមករាជធានីភ្នំពេញដើម្បីបំពេញការងាររបស់ពួកគេដែលរួមមានការជជែកពិភាក្សាលើប្រធានបទជាច្រើន ការរៀនសូត្រពីរបៀបរស់នៅរបស់គ្រួសារខ្មែរជាដើម រហូតដល់ថ្ងៃទី១៣ខែវិច្ឆិកា។
សូមស្តាប់បទសម្ភាសរវាងលោក លាង ដឺលុច ជាមួយ ឯកឧត្តម តូច ជឿន អគ្គនាយកយុវជន និងលោក ស្រ៊ាង គឹមលី ប្រធានសមាគមនាវាយុវជនអាស៊ីអាគ្នេយ៍កម្ពុជា៖
យុវជនស្ម័គ្រចិត្ត១២០នាក់ គ្រួសារស្ម័គ្រចិត្តចំនួន១៥០គ្រួសារនៅក្នុងរាជធានីភ្នំពេញ និងនៅខេត្តកណ្តាល បានត្រៀមខ្លួនរួចរាល់ហើយដើម្បីទទួលប្រតិភូនាវាយុវជនអាស៊ាន និងជប៉ុន ដែលនឹងមកដល់កម្ពុជានៅថ្ងៃសុក្រសប្តាហ៍នេះ។ ប្រតិភូយុវជនជាង៣០០នាក់ក៏នឹងត្រូវជួបពិភាក្សាជាមួយសម្តេចនាយករដ្ឋមន្ត្រី ហ៊ុន សែន ផងដែរ នៅក្នុងក្របខណ្ឌនៃបេសកកម្ម៤ថ្ងៃនៅលើទឹកដីកម្ពុជា។
កម្មវិធីនាវាយុវជនអាស៊ីអាគ្នេយ៍និងជប៉ុនដែលមានកំណើតតាំងពីឆ្នាំ១៩៧៤ ត្រូវបានរៀបចំធ្វើជារៀងរាល់ឆ្នាំ ហើយប្រទេសជាសមាជិកអាស៊ាននានាតែងតែស្ម័គ្រចិត្តទទួលប្រតិភូ។ នៅក្នុងកម្មវិធីនាវាយុវជនលើកទី៤៤នេះ ប្រតិភូយុវជនកម្ពុជាមានចំនួន២៩រូប ដែលត្រូវបានជ្រើសរើសយ៉ាងតឹងតែងដូចរាល់ឆ្នាំដែរ។
ការសម្រេចទទួលប្រតិភូនាវាយុវជនអាស៊ីអាគ្នេយ៍និងជប៉ុន គឺជាមោទនភាពរបស់រដ្ឋាភិបាលកម្ពុជា បើទោះជាកម្ពុជាមិនទាន់មានលទ្ធភាពធ្វើជាម្ចាស់ផ្ទះទទួលប្រតិភូយុវជនអន្តរជាតិជារៀងរាល់ឆ្នាំនៅឡើយក៏ដោយ។ នេះបើតាមការអះអាងរបស់លោក តូច ជឿន អគ្គនាយកនៃអគ្គនាយកដ្ឋានយុវជន ដែលបានពន្យល់បន្ថែមយ៉ាងដូច្នេះថា៖«នេះជាកម្មវិធីកម្រិតអន្តរជាតិរវាងកម្ពុជា អាស៊ាន និងជប៉ុន ដែលមានគោលបំណងពង្រឹងមិត្តភាពរវាងយុវជននៃប្រទេសអាស៊ាននិងជប៉ុន។ ការរៀបចំទទួលប្រតិភូយុវជននេះនឹងបង្ហាញអំពីសមត្ថភាពរដ្ឋាភិបាលកម្ពុជាផង វាជាការផ្សព្វផ្សាយវិស័យទេសចរណ៍ផង ហើយក៏បង្ហាញប្រាប់យុវជនអាស៊ាន និងជប៉ុន អំពីសន្តិភាព និងសុវត្ថិភាពនៅកម្ពុជាផង»។
ប្រតិភូនាវាយុវជនអាស៊ីអាគ្នេយ៍និងជប៉ុន នឹងត្រូវបែងចែកជា៨ក្រុមតាមប្រធានបទពិភាក្សាទាំង៨ដែលពួកគេបានកំណត់តាំងពីលើនាវា ហើយពួកគេនឹងធ្វើទស្សនកិច្ចសិក្សានៅស្ថាប័នចំនួន៨ផ្សេងគ្នាដែរនៅក្នុងរាជធានីភ្នំពេញ មុននឹងពួកគេត្រូវបានបែងចែកឲ្យទៅស្នាក់នៅតាមគ្រួសារខ្មែរស្ម័គ្រចិត្តដែលមានចំនួន១៥០គ្រួសារ។
សមាគមនាវាយុវជនអាស៊ីអាគ្នេយ៍កម្ពុជាគឺជាអ្នកសម្របសម្រួលរៀបចំការងារទទួលស្វាគមន៍ប្រតិភូយុជនអន្តរជាតិនេះ ដោយរួមទាំងការជ្រើសរើសយុវជនស្ម័គ្រចិត្ត និងគ្រួសារស្ម័គ្រចិត្តជាដើម។ លោក ស្រ៊ាង គឹមលី ដែលជាប្រធានសមាគមនេះបានរៀបរាប់ឲ្យដឹងថា ក្រុមការងារស្ម័គ្រចិត្តទាំង១២០នាក់ត្រូវបានបែងចែកជាង១០ក្រុម ដើម្បីទទួលបដិសណ្ឋារកិច្ច និងសម្របសម្រួលប្រតិភូយុវជនអន្តរជាតិ។ បើតាមការបញ្ជាក់របស់លោក គឹមលី យុវជនខ្មែរកាន់តែច្រើនបានចាប់អារម្មណ៍ចូលរួមជួយក្នុងការងារនាវាយុវជននេះ។
«ពេលមុនៗ យើងពិបាករកយុវជនស្ម័គ្រចិត្ត។ ឆ្នាំនេះប្លែកមែនទែន ពួកគេដាក់ពាក្យចូលរួមយ៉ាងច្រើន។ ចំណែកឯខាងគ្រួសារស្ម័គ្រចិត្តក៏ដូចគ្នា ចុងក្រោយយើងទទួលបានពាក្យស្នើសុំលើសតម្រូវការ»។
ចាប់តាំងពីកម្ពុចាចូលជាសមាជិកនៃកម្មវិធីនាវាយុវជនអាស៊ីអាគ្នេយ៍និងជប៉ុននៅក្នុងឆ្នាំ២០០០មក រហូតដល់ពេលនេះមានយុវជនខ្មែរ៥៤២នាក់ដែលបានចូលរួមក្នុងកម្មវិធីនេះ។ លោក តូច ជឿន អគ្គនាយកយុវជនបានមើលឃើញពីអត្ថន័យល្អនៃកម្មវិធីនេះ ដែលសម្រាប់លោក វាបានធ្វើឲ្យយុវជននៃប្រទេសអាស៊ាន និងជប៉ុនអាចរស់នៅជាមួយគ្នាជិតស្និទ្ធ ចេះបណ្តុះស្មារតីគ្រប់គ្រងខ្លួនឯង និងមានជំនាញផ្នែកទំនាក់ទំនងល្អ ជាដើម៕
សូមស្តាប់បទសម្ភាសរវាងលោក លាង ដឺលុច ជាមួយ ឯកឧត្តម តូច ជឿន អគ្គនាយកយុវជន និងលោក ស្រ៊ាង គឹមលី ប្រធានសមាគមនាវាយុវជនអាស៊ីអាគ្នេយ៍កម្ពុជា៖
យុវជនស្ម័គ្រចិត្ត១២០នាក់ គ្រួសារស្ម័គ្រចិត្តចំនួន១៥០គ្រួសារនៅក្នុងរាជធានីភ្នំពេញ និងនៅខេត្តកណ្តាល បានត្រៀមខ្លួនរួចរាល់ហើយដើម្បីទទួលប្រតិភូនាវាយុវជនអាស៊ាន និងជប៉ុន ដែលនឹងមកដល់កម្ពុជានៅថ្ងៃសុក្រសប្តាហ៍នេះ។ ប្រតិភូយុវជនជាង៣០០នាក់ក៏នឹងត្រូវជួបពិភាក្សាជាមួយសម្តេចនាយករដ្ឋមន្ត្រី ហ៊ុន សែន ផងដែរ នៅក្នុងក្របខណ្ឌនៃបេសកកម្ម៤ថ្ងៃនៅលើទឹកដីកម្ពុជា។
កម្មវិធីនាវាយុវជនអាស៊ីអាគ្នេយ៍និងជប៉ុនដែលមានកំណើតតាំងពីឆ្នាំ១៩៧៤ ត្រូវបានរៀបចំធ្វើជារៀងរាល់ឆ្នាំ ហើយប្រទេសជាសមាជិកអាស៊ាននានាតែងតែស្ម័គ្រចិត្តទទួលប្រតិភូ។ នៅក្នុងកម្មវិធីនាវាយុវជនលើកទី៤៤នេះ ប្រតិភូយុវជនកម្ពុជាមានចំនួន២៩រូប ដែលត្រូវបានជ្រើសរើសយ៉ាងតឹងតែងដូចរាល់ឆ្នាំដែរ។
ការសម្រេចទទួលប្រតិភូនាវាយុវជនអាស៊ីអាគ្នេយ៍និងជប៉ុន គឺជាមោទនភាពរបស់រដ្ឋាភិបាលកម្ពុជា បើទោះជាកម្ពុជាមិនទាន់មានលទ្ធភាពធ្វើជាម្ចាស់ផ្ទះទទួលប្រតិភូយុវជនអន្តរជាតិជារៀងរាល់ឆ្នាំនៅឡើយក៏ដោយ។ នេះបើតាមការអះអាងរបស់លោក តូច ជឿន អគ្គនាយកនៃអគ្គនាយកដ្ឋានយុវជន ដែលបានពន្យល់បន្ថែមយ៉ាងដូច្នេះថា៖«នេះជាកម្មវិធីកម្រិតអន្តរជាតិរវាងកម្ពុជា អាស៊ាន និងជប៉ុន ដែលមានគោលបំណងពង្រឹងមិត្តភាពរវាងយុវជននៃប្រទេសអាស៊ាននិងជប៉ុន។ ការរៀបចំទទួលប្រតិភូយុវជននេះនឹងបង្ហាញអំពីសមត្ថភាពរដ្ឋាភិបាលកម្ពុជាផង វាជាការផ្សព្វផ្សាយវិស័យទេសចរណ៍ផង ហើយក៏បង្ហាញប្រាប់យុវជនអាស៊ាន និងជប៉ុន អំពីសន្តិភាព និងសុវត្ថិភាពនៅកម្ពុជាផង»។
ប្រតិភូនាវាយុវជនអាស៊ីអាគ្នេយ៍និងជប៉ុន នឹងត្រូវបែងចែកជា៨ក្រុមតាមប្រធានបទពិភាក្សាទាំង៨ដែលពួកគេបានកំណត់តាំងពីលើនាវា ហើយពួកគេនឹងធ្វើទស្សនកិច្ចសិក្សានៅស្ថាប័នចំនួន៨ផ្សេងគ្នាដែរនៅក្នុងរាជធានីភ្នំពេញ មុននឹងពួកគេត្រូវបានបែងចែកឲ្យទៅស្នាក់នៅតាមគ្រួសារខ្មែរស្ម័គ្រចិត្តដែលមានចំនួន១៥០គ្រួសារ។
សមាគមនាវាយុវជនអាស៊ីអាគ្នេយ៍កម្ពុជាគឺជាអ្នកសម្របសម្រួលរៀបចំការងារទទួលស្វាគមន៍ប្រតិភូយុជនអន្តរជាតិនេះ ដោយរួមទាំងការជ្រើសរើសយុវជនស្ម័គ្រចិត្ត និងគ្រួសារស្ម័គ្រចិត្តជាដើម។ លោក ស្រ៊ាង គឹមលី ដែលជាប្រធានសមាគមនេះបានរៀបរាប់ឲ្យដឹងថា ក្រុមការងារស្ម័គ្រចិត្តទាំង១២០នាក់ត្រូវបានបែងចែកជាង១០ក្រុម ដើម្បីទទួលបដិសណ្ឋារកិច្ច និងសម្របសម្រួលប្រតិភូយុវជនអន្តរជាតិ។ បើតាមការបញ្ជាក់របស់លោក គឹមលី យុវជនខ្មែរកាន់តែច្រើនបានចាប់អារម្មណ៍ចូលរួមជួយក្នុងការងារនាវាយុវជននេះ។
«ពេលមុនៗ យើងពិបាករកយុវជនស្ម័គ្រចិត្ត។ ឆ្នាំនេះប្លែកមែនទែន ពួកគេដាក់ពាក្យចូលរួមយ៉ាងច្រើន។ ចំណែកឯខាងគ្រួសារស្ម័គ្រចិត្តក៏ដូចគ្នា ចុងក្រោយយើងទទួលបានពាក្យស្នើសុំលើសតម្រូវការ»។
ចាប់តាំងពីកម្ពុចាចូលជាសមាជិកនៃកម្មវិធីនាវាយុវជនអាស៊ីអាគ្នេយ៍និងជប៉ុននៅក្នុងឆ្នាំ២០០០មក រហូតដល់ពេលនេះមានយុវជនខ្មែរ៥៤២នាក់ដែលបានចូលរួមក្នុងកម្មវិធីនេះ។ លោក តូច ជឿន អគ្គនាយកយុវជនបានមើលឃើញពីអត្ថន័យល្អនៃកម្មវិធីនេះ ដែលសម្រាប់លោក វាបានធ្វើឲ្យយុវជននៃប្រទេសអាស៊ាន និងជប៉ុនអាចរស់នៅជាមួយគ្នាជិតស្និទ្ធ ចេះបណ្តុះស្មារតីគ្រប់គ្រងខ្លួនឯង និងមានជំនាញផ្នែកទំនាក់ទំនងល្អ ជាដើម៕
Tag:
toch choeun
Kimlee
យុវជន
អាស៊ានជប៉ុន
sseayp
© រក្សាសិទ្ធិដោយ thmeythmey.com
