រថយន្ត
Koenigsegg Agera RS បំបែកកំណត់ត្រាពិភពលោកជាមួយល្បឿន៤៤៤.៦គីឡូម៉ែត្រក្នុង១ម៉ោង
×
រថយន្ត Koenigsegg Agera RS ត្រូវបានចុះក្នុងសៀវភៅកំណត់ត្រាពិភពលោក Guinness Book World Records ជាមួយល្បឿន៤៤៤.៦គីឡូម៉ែត្រក្នុង១ម៉ោង ដោយបំបែកកំណត់ត្រារបស់រថយន្ត Bugatti Veyron Super Sport ដែលសម្រេចបានកាលពីឆ្នាំ២០១០ ក្នុងល្បឿន ៤៣៤.៥គីឡូម៉ែត្រក្នុង១ម៉ោងកាលពីឆ្នាំ២០១០ ។
ក្រុមហ៊ុនផលិតរថយន្តស៊ុយអែត Koenigsegg តាមរយៈបណ្តាញសង្គមផ្លូវការរបស់ខ្លួន បានបង្ហាញពីភាពជោគជ័យក្នុងការបើកសាកល្បងពីរលើកនូវប្រភេទរថយន្ត Koenigsegg Agera RS ជាមួយនឹងការសម្រេចបានកំណត់ត្រាថ្មីក្នុងនាមជារថយន្តដែលលឿនជាងគេលើពិភពលោក។
VIDEO
ដើម្បីទទួលបានកំណត់ត្រា Guinness Book World Records ក្រុមហ៊ុន Koenigsegg បានតម្រូវឲ្យអ្នកបើកបរឈ្មោះ Niklas Lilja បើកនៅលើផ្លូវ Highway ក្នុងរដ្ឋ Nevada សហរដ្ឋអាមេរិក ដោយភ្ជាប់ពីក្រុង Las Vegas ទៅក្រុង Pahrump ។ លទ្ធផលបង្ហាញថា Koenigsegg Agera RS មានល្បឿន ២៧៧.៩ mph (ស្មើ ៤៤៤.៦គីឡូម៉ែត្រក្នុង១ម៉ោង) ដែលជាកំណត់ត្រាថ្មីមួយនៅលើពិភពលោក ខណៈកំណត់ត្រាចាស់ដែលសម្រេចបានដោយ Bugatti Veyron Super Sport កាលពីឆ្នាំ២០១០ គឺ ៤៣៤.៥គីឡូម៉ែត្រក្នុង១ម៉ោង។
ក្រៅពី Bugatti របស់បារាំង ក្រុមហ៊ុន Hennessey របស់អាមេរិក ក៏មានគម្រោងដណ្តើមកំណត់ត្រាពី Koenigsegg វិញផងដែរ ។ Hennessey រំពឹងថា រថយន្តម៉ូដែលថ្មី Venom F5 នឹងក្លាយជាម្ចាស់កំណត់ត្រាថ្មីនាពេលឆាប់ខាងមុខនេះ ជាមួយល្បឿន ៤៨៥គីឡូម៉ែត្រក្នុង១ម៉ោង៕
VIDEO
© រក្សាសិទ្ធិដោយ thmeythmey.com