គណៈអចិន្ត្រៃយ៍សភាពិភាក្សាស្តីពីថវិកាជាតិឆ្នាំ២០១៨ ជាង៦ពាន់លានដុល្លារ

ជាតិ

បទយកការណ៍ / បទសម្ភាសន៍

សេដ្ឋកិច្ច

គណៈអចិន្ត្រៃយ៍សភាពិភាក្សាស្តីពីថវិកាជាតិឆ្នាំ២០១៨ ជាង៦ពាន់លានដុល្លារ

07, Nov 2017 , 7:59 am

រូបភាព

លោក ឡេង ប៉េងឡុង អ្នកនាំពាក្យ និងជាអគ្គលេខាធិការរដ្ឋសភា

ដោយ: ថ្មីៗ

ភ្នំពេញ៖ លោក ឡេង ប៉េងឡុង អ្នកនាំពាក្យ និងជាអគ្គលេខាធិការរដ្ឋសភា បានប្រាប់សារព័ត៌មានថ្មីៗតាមទូរសព្ទថា គណៈកម្មាធិការអចិន្ត្រៃយ៍រដ្ឋសភា នឹងបើកកិច្ចប្រជុំ នៅព្រឹកថ្ងៃទី៧ ខែវិច្ឆិកា ឆ្នាំ២០១៧ ដើម្បីពិភាក្សាលើសេចក្តីព្រាងច្បាប់ ស្តីពីថវិកាជាតិ ដែលមានទំហំសរុបប្រមាណ ៦០៣៣ លានដុល្លារ សម្រាប់ឆ្នាំ២០១៨ ដែលស្នើដោយរដ្ឋាភិបាលកម្ពុជា។

អ្នកនាំពាក្យរដ្ឋសភារូបនេះ អះអាងទៀតថា ពេលឆ្លងកាត់ការពិភាក្សានិងការអនុម័តពីគណៈកម្មាធិការអចិន្ត្រៃយ៍ សេចក្តីព្រាងច្បាប់ស្តីពីថវិកាជាតិ នឹងត្រូវបញ្ជូនទៅគណៈកម្មការជំនាញ ដើម្បីសិក្សាលម្អិត។ លោក បន្តថា បន្ទាប់ពីគណៈកម្មការជំនាញ សិក្សារួចហើយ សេចក្តីព្រាងច្បាប់នេះ នឹងត្រូវបញ្ជូនត្រឡប់ទៅកាន់គណៈកម្មាធិការអចិន្ត្រៃយ៍វិញ ហើយគណៈកម្មាធិការអចិន្ត្រៃយ៍ នឹងកំណត់កាលបរិច្ឆេទនៃការបើកសម័យប្រជុំពេញអង្គនៃរដ្ឋសភា ដើម្បីអនុម័តជាផ្លូវការ។

សូមបញ្ជាក់ថា កាលពីឆ្នាំ២០១៧ រដ្ឋសភា បានអនុម័តលើកញ្ចប់ថវិកាជាតិប្រមាណ ៥ពាន់លានដុល្លារ។ ដូច្នេះ ថវិកាជាតិ ដែលត្រូវចំណាយសម្រាប់ឆ្នាំ២0១៨ នឹងកើនឡើងដល់ទៅជាង ១ពាន់លានដុល្លារ ស្មើនឹងប្រមាណ ១៥ ភាគរយ៕

អត្ថបទទាក់ទង

រដ្ឋាភិបាល គ្រោងខ្ចីប្រាក់ពីក្រៅប្រទេសមិនលើសពី ១,៤ពាន់លានដុល្លារនៅឆ្នាំ២០១៨

ចំណាយថវិកាជាតិ២០១៨៖ រដ្ឋាភិបាលនឹងស្នើទៅរដ្ឋសភាប្រមាណជាង ៦ពាន់លានដុល្លារ