កីឡាអន្តរជាតិ
អន្តរជាតិ
កំណត់លទ្ធផល៖ ម្ចាស់ក្លិប Nottingham Forest និង Olympiakos ប្រឈមជាប់ទោស លោក Evangelos Marinakis ម្ចាស់ក្លិបកីឡាបាល់ទាត់ Nottingham Forest និង Olympiakos
× ម្ចាស់ក្លិប Nottingham Forest និង Olympiakos លោក Evangelos Marinakis ត្រូវប្រឈមនឹងការកាត់ទោសពីបទព្យាយាមកំណត់លទ្ធផលទុកមុនក្នុងការប្រកួតកីឡាបាល់ទាត់នៅក្នុងប្រទេសក្រិក។
លោក Marinakis ជនជាតិក្រិក បានទិញយកក្លិប Nottingham Forest នៃក្របខណ្ឌ Championship កាលពីខែឧសភាកន្លងទៅ ដោយឆ្លងកាត់ការធ្វើតេស្តសាកល្បងពីភាគីម្ចាស់ក្លិបនៃលីកបាល់ទាត់អង់គ្លេស។
អ្នកជំនួញខាងដឹកជញ្ជូន និងជាម្ចាស់ក្លិប Olympiakos វ័យ៥០ឆ្នាំរូបនេះ ត្រូវបានចោទប្រកាន់ជុំវិញការកំណត់លទ្ធផលមុនការប្រកួតនៅឯសាលាឧទ្ធរណ៍ក្រុងអាតែនប្រទេសក្រិក ក្រោយមានការស៊ើបអង្កេតជុំវិញការប្រកួតក្នុងលីកបាល់ទាត់កំពូលក្រិក Greek Super League។
តែយ៉ាងណា លោក Marinakis តែងតែបដិសេធរាល់ការចោទប្រកាន់ខាងលើនេះ។
លោកបានលើកឡើងនៅក្នុងសេចក្តីថ្លែងការណ៍មួយនៅលើគេហទំព័រផ្លូវការក្លិប Olympiakos ថា៖«ខ្ញុំជឿជាក់ថាភាពគ្មានទោសរបស់ខ្ញុំចំពោះការចោទប្រកាន់ទាំងនេះនឹងត្រូវបានបង្ហាញដោយដំណើរការតុលាការ...»។
Marinakis ក៏បានប្រាប់ BBC ដែរថា ការចោទប្រកាន់ថាគាត់ពាក់ព័ន្ធករណីនេះ គឺត្រូវបានបង្កើតដោយគូប្រជែងដែល "ច្រណែន" ដើម្បី "បំផ្លាញ" ភាពជោគជ័យរបស់លោកជាមួយក្លិប Olympiakos។
ក្រៅពីមហាសេដ្ឋីខាងដឹកជញ្ជូនតាមកប៉ាល់រូបនេះ ក៏មានអ្នកពាក់ព័ន្ធ ២៨នាក់ផ្សេងទៀតកំពុងប្រឈមមុខនឹងការចោទប្រកាន់ដូចគ្នានេះដែរ៕
Tag:
បាល់ទាត់
Nottingham Forest
Evangelos Marinakis
© រក្សាសិទ្ធិដោយ thmeythmey.com