ជាតិ
សេដ្ឋកិច្ច
៩ខែ កម្ពុជាទទួលទេសចរ ៣,៩លាននាក់
× ភ្នំពេញ៖ ទេសចរអន្តរជាតិបានមកទស្សនានៅកម្ពុជា ក្នុងរយៈពេល៩ខែដើមឆ្នាំ២០១៧ មានចំនួន ៣,៩ លាននាក់ កើនឡើង ១១ភាគរយ បើធៀបនឹងរយៈពេលដូចគ្នាកាលពីឆ្នាំមុន។ បើតាម លោក គង់ សុភារ័ក្ស ប្រធាននាយកដ្ឋានស្ថិតិ និងផែនការនៅក្រសួងទេសចរណ៍។
ក្នុងចំណោមទេសចរបរទេសចូលមកកម្ពុជា ភ្ញៀវចិនបានឈរនៅលេខរៀងទី១ ដោយមានចំនួន ៨៤១,០០០នាក់ ក្នុងរយៈពេល៩ខែឆ្នាំនេះ ដែលកើនឡើង ៤៥ភាគរយ ធៀបនឹងរយៈពេលដូចគ្នាកាលពីឆ្នាំមុន។ នេះបើតាម លោក គង់ សុភារ័ក្ស ដែលត្រូវបានដកស្រង់សំដីដោយកាសែតភ្នំពេញប៉ុស្តិ៍ នៅថ្ងៃទី៨ខែវិច្ឆិកា។ ការកើនឡើងនូវចំនួនទេសចរចិននេះ ស្របគ្នានឹងផែនការរបស់រដ្ឋាភិបាលដែលថានឹងទាក់ទាញទេសចរចិន ២លាននាក់ ចូលមកកម្ពុជានៅឆ្នាំ២០២០ ៕
© រក្សាសិទ្ធិដោយ thmeythmey.com