ពីនេះ ពីនោះ
អ្វីទៅជា«ការទូទាត់សេវាកម្មបរិស្ថាន» និង «ការទូទាត់សេវាកម្មប្រព័ន្ធអេកូឡូស៊ី»?
× ភ្នំពេញ៖ ពាក្យ «ការទូទាត់សេវាកម្មបរិស្ថាន» និង «ការទូទាត់សេវាកម្មប្រព័ន្ធអេកូឡូស៊ី» ជាពាក្យទាក់ទងនឹងការប្រែប្រួលអាកាសធាតុ។ ពាក្យនេះ ស្ថិតនៅក្នុងសទ្ទានុក្រមប្រែប្រួលអាកាសធាតុ។
ពាក្យ «ការទូទាត់សេវាកម្មបរិស្ថាន» (Payment for Environmental services PES) ជាឧបករណ៍សេដ្ឋកិច្ចមួយ ដែលរៀបចំឡើង សំដៅលើកទឹកចិត្តដល់អ្នកប្រើប្រាស់ដីកសិកម្ម និងអ្នកពាក់ព័ន្ធនឹង ការងារគ្រប់គ្រងតំបន់ឆ្នេរ ឬសមុទ្រ ហើយការលើកទឹកចិត្តនេះ នឹងធ្វើឱ្យការផ្តល់សេវាកម្មប្រព័ន្ធអេកូឡូស៊ី កាន់តែប្រសើរឡើង និងមានដំណើរការជាបន្តបន្ទាប់ ដែលអាចផ្តល់អត្ថប្រយោជន៍ត្រឡប់ទៅដល់សង្គមទាំងមូល។
ចំណែកឯពាក្យ «ការទូទាត់សេវាកម្មប្រព័ន្ធអេកូឡូស៊ី» (Payment for Ecosystem services PES) ជាការថែទាំលំហូរសេវាកម្មប្រព័ន្ធអេកូឡូស៊ីជាក់លាក់មួយ ដូចជាទឹកស្អាត ជម្រកជីវចម្រុះ ឬសមត្ថភាពស្រូបយកកាបូន ជាការដោះដូរទៅនឹងអ្វីមួយក្នុងតម្លៃសេដ្ឋកិច្ច។
ដកស្រង់ពីសទ្ទានុក្រមការប្រែប្រួលអាកាសធាតុ (Lexicon of Climate Change) ដែលបោះពុម្ពដោយនាយកដ្ឋានប្រែប្រួលអាកាសធាតុ នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងក្រសួងបរិស្ថាន (ឆ្នាំ២០១៧)៕
Tag:
ពីនេះពីនោះ
អាកាសធាតុ
© រក្សាសិទ្ធិដោយ thmeythmey.com